ايمان .. اشكرك
وكعدنه نسولف واحد تعرف على الثاني واخذت عليه وسولفتله على دراستي وسولفلي عن نفسه وانه هو وصل سادس اعدادي اخذ الشهاده وكعد .. بده يشتغل وي عمي وانه ميحتاج الشهاده لان همه خير من الله عندهم
مرت ايام الفاتحه وخلصت وكضيتها اني وعلي نظرات ... واحد يضحك للثاني واني مااجذب عليكم حيل ارتاحيتله حسيت كلبي بده ينبض اله .. وطبعاً رجعت لبيتنه ورجعت اداوم ومن اطلع من المعهد اشوف علي .. مره يكولي مريت منا عندي شغله يم صاحبي .. ومره من الصبح اشوفه من بعيد .. ومره يوكف بالسيارة .. ويسوي نفسه صدفه شافني .. يكولي تعالي اوصلج .. بس اني جنت اخاف اصعد وياه او احجي بالشارع اخاف يشوفنه البنات وياي وياخذن فكره عني وعنه ..
الى ان خلصت السنه ووصلت مرحله خامسه وبديت اداوم .. لكيته هم واكف قريب باب المعهد اشرلي رحت يمه كتله .. مرحبا .. رد عليه مراحب .. شلونج ..
ايمان .. زينه .. شعجب جاي لهنا
علي .. علمود اشوفج
تشوفني خير ياستار
ايمان اني احبج واريد اتقدملج واسف اعرف المكان مو مناسب ..بس ماكو طريقه اعترفلج بيها .. الله يخليج اخذي رقمي وخابريني من تفرغين اريد احجيلج الي بكلبي ..
ايمان ... اخذت رقمه بدون وعي وبيومها اني اسعد انسانه مااعرف يمكن لان هو اول شاب بحياتي يعترفلي بحبه ... لو مشاعر مراهقه .. اختلطت مشاعري ...كلت لازم احسم الموضوع واسمع منه وبعدين اني هم احبه شناقصه .
خلصت دوام ورجعت للبيت وللعصر امي راحت لخالتي واشجان جان دوامها عصري بالمدرسه .. واخوتي طالعين وي ابوي .. فتحت موبايلي وخابرته .. ومااعرف وقتها شعوري حيل جنت طايرة من سمعت صوته جان صوته يجنن ... اعترفلي بيومها بحبه وضلينه نسولف بالتليفون الى ان سمعت صوت امي اجت .. سديت الخط ورحت تلكيتها .. وبيومها سويت العشه ورتبت البيت وحضرت واجباتي بكل نشاط حتى امي واشجان فرقوا عليه وعلى نشاطي ..
ومنها بدت علاقتي ب علي .. وضليت اخابره كلما افرغ ومااطلع وماامشي الا اكوله .. وكل يوم يجي يوكف قريب على المعهد اشوفه ..ويشوفني من بعيد ... جان يخاف عليه من كلشي حتى يغار علي .. و بدورة سنة جدو اجتمعنه بيت جدو .. وهناك هم شفته وصارت بينه نظرات .. ومن اطلع اريد اصيح ل بابا .. خزرني واشرلي بعيونه يعني دخلي .. حبيبي يغار عليه حتى من ولد عمامي .. وبيومها كلت البيبي اريد ابات عندهم وكالت لامي تخليني وامي طبعاً ضاجت مقبلت ابات .. كلتلها اشوف ابوها .. ابوي كال خليها تبات .. وباجر العصر اجي عليها .. وبتت بيت جدو .. وحبيبي هم بات .. وبليل ب 3 هم كعدني يخابر عليه كلي طلعي بالطارمه اشوفج .. وطلعت جان الجو بيه بروده .. وكعدنه نسولف ويتغزل بيه .. اني جنت طايره ..بكلامه بحبه اليه ..
علي .. ايمان .. بعد مااكدر لازم اخطبج .. شتكولين
ايمان .. بكيفك بس . ..خاف امي ترفض لان امك وامي متعاركات ..
علي .. لا شنو هالحجي معقوله عمي صالح ماله تأثير على امج
ايمان .. اي .. امي حيل مسيطره وحجايتها متنزل للكاع ..
علي .. الله كريم اني الاسبوع الجاي اتقدملج والي بيه خير يصير ..
ايمان .. الله كريم .
وبعد اسبوع ..
علي...حجيت وي امي تخطبلي ايمان.. امي طبعا رفضت .. بس اني باسلوبي قنعتها .. وكتلها اذا متاخذيها اليه مااتزوج غيرها ابد .. طبعاً امي جانت تريدني اخذ بنت خالتي .. وبيومها كلتلي اذا امها وابوها ماانطوها .. تاخذ بنت خالتك . كتلها ان شاء الله يقبلون ..
وراحت امي لبيت عمي تخطبلي امونتي
ايمان .. اجتنه مرت عمي وبيومها حيل فرحت لان دخلتها اول مره لبيتنه اكيد اجت تخطبني
حظرت الضيافه عصير وجنت مسوين كيك اني واشجان ودخلت سلمت عليها وضيفتها وطبعاً هيه ردت من وره خشمها .. المهم معليه بيها اهم شي علاوي ..
امي اشرتلي انه اطلع .. طلعت .. ورحت كعدت اخابر علاوي .. وضلينه نسولف ..
ام علي .. شوفي عيني ام سيف اني اجيت اليوم اريد اخطب ايمان لعلي ابني ..
ام سيف .. بس ايمان صغيرة مو مال زواج
ام علي .. عيني ياصغيرة بنيه قربت تتخرج ..وبعدين الولد رايدها ..
ام سيف .. لا عيني بنتي صغيرة مو مال زواج
ام علي .. اي عيني كولي ماانطيكم وسدي الموضوع
ام سيف .. عليج نور .. انتي تلكفيها وهيه .. طايره كل عقلي تردين انطيج بنتي .. لا عيني ام علي وبعدين بنيتي راح تتخرج من المعهد ابنج قابل عنده شهاده شغل مشغله ..
ام علي .. ام سيف كافي اهانه لهنا وبس عيب هالحجي .. اي صح اني مرايده بنتج واريدله بنت اختي .. بس اجيت خطبت منكم لان ابني الي يريد واني عندي سعادة ابني اهم من كولشي ..
ام سيف .. واني هم عندي سعادة بنتي اهم شي .. بس سعادتها مو وي ابنج ..
ام علي .. مشكورة .. تسلمين .. عيني مراح احجي شي زايد بس انتي هسه كسرتي بكلب اثنين واحد يحب اللاخ .. واولهم ابني .. بس عسا حوبة ابني تطلع بيج ..
ايمان .. شوي وطلعت عمتي ام علي ..من الاستقبال معصبه وامي طلعت وراها .. كتلها ماما شبيها كلتلي مابيها شي تعرفين اجت ذبتلها حجايات مثل ا
