#تكمله_البارت_الثالث
لله يحفظهم ..
اشجان .. كمت سويت نفسي عادي .. ورجعت للحجيه .. صبيت الها جاي وشلت المواعين ورتبت المطبخ .ورحت يمها بستها براسها كتله عذريني المفروض مااجادلج صحيح مثل ماكلتي اني خدامه .. خدامة زوجي اني ...
الحجيه .. باوعت لام علي وابتسمت .. اكول سمعيني اني اريد منج طفل لابني وصارلكم هواي من خذاج .. واني واصلني خبر موش زين عن اختج واخاف انتي مثلها ..
اشجان .. شنو .؟ شوصلج شبيها اختي
الحجيه يكولون عنها عاقر مامنها اطفال ..
اشجان .. لا مو هيه زوجها عقيم وحتى كتب بوصيته انه هو عقيم وسجل البيت باسمها ..
الحجيه .. الله يستر عليها الناس كلشي تحجي ..
اشجان .. وضلت الحجيه كل اسبوع تجي يمي واني كل يوم بيتي يلمع يجوز على ساعه تطبني .. وجانت تسمعني حجي جنت اسمع منا واطلع منا متعوده اني على امي وهي مثل امي .. وجنت اضحك من تعيب عليه لو تصنف عليه صح اضوج بداخلي بس بوجهها اضحك لان اني واثقه انه اني ممقصره ببيتي وبزوجي
حتى اتعلمت منها شغلات انه مااحكم بساع لازم اتريث بالحكم .. وهالشي ساعدني بمشاركة زوجي بحل المشاكل ..
يعني صرت شيخه اشجان.. 😉بعد شهر حسيت انه الشهريه ماكو صارلها هواي من اخذني ضرغام لسه .. يعني حسبت الها صارلي ب 3 اشهر وفوك وانوب سمنت وشهيتي جانت مفتوحه على الاكل .. ..يتبع...#البارت_الرابع
اجه بليل ضرغام .. كتله عفيه اريد باجر اروح وي الحجيه للمركز الصحي .. كلي خير كتله مااعرف بس شاكه بنفسي حامل
ضرغام .. يالله .. اني اخذج ماتروحين وي الحجيه
الصبح اخذتها للمركز الصحي وحللت وره ربع ساعه طلعت نتيجة التحليل وفعلاً طلعت مرتي وحبيبتي حامل .. للعصر اخذتها دكتورة اختصاص ..
اشجان .. دكتورة بشري ..
الدكتورة .. شنو هاي الج 3 اشهر واسبوع شنو مجنتي تدرين
اشجان .. لا دكتورة عبالي خربطه مااجه بالي حمل
الدكتورة .. على العموم راح اكتبلج فوليك اسد ومقويات الج وللطفل .. وتجيني بعد شهر نشوف جنس الجنين ..
اشجان ..
طلعت وسولفت لضرغام كلام الدكتورة .. كلي لا متروحين شيجينه نعمه بنيه ولد كولشي رزق من الله ...
اكول حبيبي الشيخ
.. هاي جديده لج حبيبي الشيخ
.. هههه. بس اختي خابرتني كلتلي تريد تجيني عادي
... كل الهلا بيها .. واحنه مو من شيمنه واخلاقنه نطرد ضيفنه .. مو شيخه اشجان
...اي حبيبي فدوة الك اني اروح
.. اسم الله عليج حبيبتي ..
اشجان .. يومين واجتي امونه يالله شكد جنت مشتاقتلها حضنتها حيل وبجينه اثنينه سودة عليه هيه متغيره ضعفانه ولابسه اسود ومحافه ..
كعدنه نسولف ونضحك ونبجي سوه وسويتلها غدا دولمه وبيومها ضرغام مااجه ضل بالمضيف
ايمان .. لج اشجان حلو بيتج
اشجان .. كدامج حبيبتي ..
ايمان ..تسلمين ياروحي
اشجان .. شخبار امي ابوي اخوتي
ايمان .. زينين .. سيف يريد يخطب بنيه وراحت امي على الاساس تخطبها ام البنيه طردتها كلتلها ماانطي بنتي لفقير بس راتب عنده والبنيه تحبه حيل وهو يحبها .. انقهرت عليهم لان قصتهم مثلي .. وامي من ذاك اليوم لليوم معصبه لان تفشلت ابوي يضحك عليها كللها كماتدين تدان .
وسلام تخرج .. وجاي يدور وظيفه وحيل متأذي عليج بس من سمع بيج مرتاحه... وي زوجج شوي اتحسنت حالته ..
اشجان .. اي والله ضرغام ممقصر وياي .. والحجيه هم الله يطول بعمرها علمتني هواي شغلات طلعتني مره .. تعاي اكولج غير انتي راح تصيرين خاله .. 😊
ايمان .. الله احلى بشاررة هاي لج والله وكبرتي . ..
اشجان ... ايمان شخبار علي ؟
ايمان .. مااعرف بس سمعت صار عنده ولد وطلع بيت وحده .. تصدكين مرتين شفته تعده عليه من اروح للمدرسه صاير سمين وحلو بعدها نظرته الي تسحر البنات .. تدرين من اشوفه لسه كلبي يرف اله
اشجان .. اذا رجع وخطبج توافقين
ايمان .. مااعتقد يرجع يخطبني .. صار عنده بيت وعائله وابنه .. مااعتقد لسه يفكر بيه .. اكيد نساني
اشجان . مااعرف عندي احساس يرجع يخطبج
ايمان ... لكل حادثٍ حديث ..
اشجان .. لليل اجه اخوي سيف وسلمت عليه حيل جنت مشتاقتله وسالته على بابا كلي هالاسبوع يجي يشوفني .. وراحت ايمان وي سيف وراها ب نص ساعه اجه حبيبي
#البارت_الخامس
ي جاي اطلع صدفه من الغرفه .. وي دخلته وطلعت .. هو شافني وصفن .. اني سويت نفسي ارتبكت .. بس صدك ارتبكت ..😅
كتله تريد عشه شيخ
ضرغام .. هاااا بكيفج انه مو كلش جوعان
خرب اشتعلوا اهلج شنو هالجسم شنو هالوجه تخبل طالعه جمارةمو مره .. دخلت لغرفتي نمت افكر بيها .. اووو ضرغام شجاك
اشجان .. هاي اولها شيخ تاليها شلون .. 😉
ثاني يوم كعدت الصبح لبست دشداشه قصيرة ومخصره لونها وردي وضفرت شعري وخليت حمره ورديه وطلعت .. سويت الريوك كعد هو صبح عليه .. وكعدت كباله اكل واحس بيه يباوع عليه .. بديت اسولف وياه واتعرف عليه شنو مخلص وكتله اني مخلصه معهد محاسبه كلي يعني زين تكدرين تساعديني بالحسابات مال ارباح المحاصيل السنويه وانطيج راتب .. يعني تتعينين عندي .. وافقت على اقتراحه
وبديت ايامي تمشي وياه واتعود علي ويتعود عليه.. وبده يسولفلي كولشي يصير وياه
والمشاكل مال العشاير مرات اساعده بحلها ومرات لا بديت اتعلم على طبعه واعرف شلون اتعامل وياه ..
ضرغام .. بدت علاقتي باشجان تصير حيل قويه وكمت احسها صدك زوجتي وام بيتي ..
بديت ارغبلها ك رجل وحاجتي يمها بس مااكدر احس مااكدر اعبر عن مشاعري اتجاهها .. قررت اعقد عليها محكمه يلا اخذها .. ثاني يوم اخذتها للمحكمه وعقدنه وخلصناها بساع لان عندي عرف بيها .. وصارت اشجان زوجتي قانوناً وشرعاً .. طبعاً من رحت وسألت عنها بمنطقتهم كلها الناس تمدح بيهم ..
اشجان من عقد ضرغام عليه محكمه فرحت حيل يعني بده يتعلق بيه .. الظهر حظرتله الغده وتغدينه اني وياه كلي راح ادخل انام واكعد اسبح .. واطلع عندنه مشكله ولازم نحلها .. كتله براحتك ..
اسولف وي روحي هذا شبيه شو ابد متقربلي .. اني الك ضرغام شوف شراح اسوي بيك ..
رحت دخلت للحمام وسبحت وغسلت بالغسول المعطر .. سمعته كال اشجان خلصتي ..
كتله اي خلصت بس شوي لان نسيت ملابسي بالغرفه .. طلعت لفيت الخاولي على جسمي ..وشعري مبلل نازل
طلعت صفن بوجهي كلي نعيماً .. ضحكت كتله اشكرك ..
يتبع...
