ي وخطبتلي بنت خالتي .. الا احرك كلبها وكلب امها واسوي زفتي كبالهم .. وبوقتها تزوجت ودخلت على عروستي .. تخيلتها امونتي بنت كلبي وحبيبتي .. بس الواقع لا هاي بنت خالتي .. بنت خالتي جانت حلوة بس ايمان جانت احلى منها .. اخذت بنت خالتي وبعد متقربت منها ابد ..
وبديت اشتغل واجتهد وبشهادة السادس مالتي قدمت معهد محاسبه .. اريد اوريهم منو الماعنده شهاده . شكد جنت مااحب الدراسه . بس درست علمود اراويهم منو علي ..
____
ايمان .. بعد شهر .. اجو عليه ناس .. اني بوقتها ضعفت حيل وجهي ذبل وشكلي تعب
الناس الي اجو عليه جوارينه بس بعد عنه ببيتين .. ام حازم .. معروفين بالمنطقه .. اجتي امهم خطبتني لابنها حازم مهندس معماري وبيته وحده يعني مااكعد وي اعيال ..امي كيفت بيهم ..وكالت لابوي .. ابوي كللها شوفي ايمان ولاتنطين كلام من يمج ..
نضال ... حاصللها حازم ابن الحسب والنسب يخطبها وترفض .
صالح .. شنو قصدج بأبن الحسب والنسب
نضال .. لا مالي قصد . الله يقدم الي بيه الخير
ايمان.. اسمع حجيهم ..ومقهورة حيل من امي ..
من كالولي ترددت اوافق لو لا .. بس اشجان اختي كلتلي ..
اشجان ... امونه حبي .. وافقي يجوز هو الي يسعدج ويصونج ويحبج اكثر من علي هاي علي كدامج تزوج وسوه زفه وخلاها من بابنه تتعده حتى يقهرج .. اتزوجي وانسي وحبي الي يتزوجج ..
ايمان .. قنعتني اشجان .. وقررت اوافق وانطيت موافقتي . وصارت الخطبه والمهر واجه السيد عقد النه .. ودخل حازم لبسني الذهب .. جنت بوقتها لابسه بدله نفش بصلي واسود ومخليه مكياج خفيف مناسب وي لون البدله وحليت شعري وسويته برم من الاطراف .. جان شكلي يخبل كل الي تشوفني تتعجب بيه ..
حتى النسوان شافن اشجان خطبنها بس اشجان مقبلت لان جانت سادس وتدرس ..
بعد يومين رحنه عقدنه محكمه ..
حازم جان حلو وشكله يخبل .. وهيبه ..
بعد اسبوع اجه حازم حدد العرس وي ابوي .. لان مجهز كولشي .. وقرب عرسي ورحت للصالون حفيت وسويت تنظيف بشره وسوتلي لون شعري رمادي من الاطراف مثل الدانتيل .. طلعت بوقتها فد شي اني انصدمت من نفسي ..
بيوم العرس رحت الصبح للصالون اني وامي واشجان وامي مسايعتها الدنيا راح تخلص مني 😒
واجتي اخت حازم ورانه للصالون هم .. جابت البدله لان هو اشتراها على ذوقه حتى الذهب جان تخم راقي .. مااجذب عليكم من شفت البدله وهلاهل اخته .. نسيت حبي ل علي ونسيت بقتها كولشي حتى سوالف امي وياي ... فرحت حيل حسيت فد شي جديد ..
لبست البدله وذهبي وخلولي وشاح ابيض فوك راسي .. وطلعت .. بالسيارة اجه علينه حماي اخو حازم وصلنه لبيت اهلي .. حتى ابوي يسلمني بأيده .. شفت ابوي بالاستقبال كاعد من شافني بجه وحضني اني هم مسيطرت على نفسي بجيت ..وصاني كلي بنتي صيري زينه وي رجلج وانسي الماضي وابدي حياة جديده تره رجلج حيل حباب ومثقف وابن ناس .. ولاتخلين تربيتي وتعبي بيج هيج تروح ..
..ان شاء الله بابا ..
واجه حازم سلمني ابوي بايد حازم وطلعنه لمحت علي واكف باب بيتهم .. ويباوع شوي ودخل البيت اني صعدت بالسيارة وحازم لازم ايدي ويتغزل ..
لليل عشو الناس وسمعت صوت الزفه وربعه يهوسون ويهلهلون عرفت راح يجي للغرفه امي واشجان جانوا وياي بالغرفه كاعدين وامي متعجبه بالبيت والاثاث ..
دخل حازم عليه وامي واختي طلعن ..
حازم .. مبروك ياعروسه
ايمان .. الله يبارك بيك
حازم .. ممصدك صرتي من نصيبي شكد دعيت الله تصيرين من نصيبي والحمد لله الله استجاب دعائي
ايمان .. انصدمت .. كتله شنو يعني
حازم .. يعني اني من زمان جنت احبج وامووت على الهوا الي انتي تتنفسينه .. ايمان اعرف انه ابن عمج يحبج .. حسب ماسمعت .. بس ايست من عرفت يريد يخطبج .. ومن عرفت انه انتم رفضتوا .. قررت اخطبج .. ايمان اني احبج من جنتي اول مرحله معهد ومجنت احجي لان اني طالب وجنت ادرس واجتهدت علمود من اخطبج ماكو شي ينقصني .. وهذا البيت سويته علمود اعيش اني وياج بسعاده
ايمان .. من كلي هيج حصرتني العبره حسيت نفسي اريد ابجي ..
طيب حازم اريد ابدل شلون
حازم اني ابدلج .. بديت افتح السحاب مال البدله واباوع ظهرها يخبل ابيض بديت ابوسها بركبتها حسيت جسمها كزبر .. درتها عليه بستها بشفايفها ونزلت على ركبتها .. باوعت لعيونها خدرانه ..
ايمان .. من تقربلي مااعرف حسيت نفسي ارتاحيت لحركته .. .. وبعد محسيت غير بألم فضيع .. وهو يكولي تحملي لخاطري .. من خلص باسني بكصتي .
حازم .. بستها بكصتها وكتلها مبروك حبي .. ونزلت اخذت النيشان لامي وامها الي ينتظرونه
ايمان ... اخذ وصله بيضه بيها نيشاني .. واسمع الهلاهل جوه ..
بعد مرور ... شهر طبعاً حازم جان كولش حنين وياي وشنو اريد كالي صار .. واني هم ممقصره وياه بالبيت .. من اكله من ملابسه غسل وكوي والبيت تنظيف .. وهم اجت التعينات .. وقدمت وطلع تعيني .. كمت اوافق بين بيتي وزوجي ودوامي ... بس جنت مقصره وياه بحقوقه بالغرفه من يتقربلي اتشنج منه وهو مرات يعصب ويتركني ويروح للحمام يسبح .
