"أرهقيني عمرآ إن أردتي"

"أّرهِقِيِّنِيِّ عٌمَرأّ إنِ أردِتّيِّ"💛
"الفصل الآۆلْ"
في الحُب قِيل :
‏"وشخص واحد هو الألف، واللام، والحاء، والباء . . والناس جميعًا مجرد نقطة، مُلقاة تحت الباء فقط"
.....................................
في صباح يوم جديد وخاصه قصر"الانصاري"
في غرفه "قاسم الانصاري"كان يجلس علي مكتبه يتفحص إلأوراق بتركيز شديد عندما سمع طرق خفيف علي باب غرفته
اردف قائلا بترقب
-ادخل
دخلت سيده جميله يفيض الحب من عينيها
هتفت "مريم"قائله بحب
-قوم ياحبيبي يلا انزل افطر معانا ومش هسمحلك برفض النهاردا ..هتنزل تفطر مع اخواتك يا إما انا كمان مش هفطر ولا هاخد علاجي وبعدين احنا بقينا نشوفك ب الصدفه وجدك زعلان مـڼك
قام "قاسم "من مقعده ليقبل كفيها بحنان. قائلا
-والله يا مريم مٍشًغوٍلً جدا وفي امتحانات ف الكليه والشركه
مليانه مشاكل بحل من هنا بلاقيها اتعقدت من الناحيه التانيه والبيه التاني" يونس" ولا علي باله كل اللي علي باله انه هو يسهر لحد الفجر ويجي الشركه بعد العصر
"إلياس"اللي شايل الشركه حتي "تميم"هو كمان بيتدلع والله اخلص الامتحانات بتاعت الطالبه بس وافضالهم هما الاتنين مفكرين نفسهم بهوات
ضحكت"مريم"قائله
-اخواتك برضو ياحبيبي وان متدلعوش عليك هيتدلعوا علي مين كلمهم براحه يمكن ربنا يهديهم ويتعدلوا لأحسن اقول لجدك اخليه يظبطهم
اخفت ابتسامتها ثم اكملت بجديه
-متاخدنيش ف الكلام وف الاخر مش هتنزل تفطر
اجابها بنبره حب
-يلا يا مريومه
لكزته في كتفه قائله بضحك
-ماهو انا معرفتش اربي الواد  مش هاين عليه يقولي يا ماما
ضحك "قاسم"قائلا بحب
-ماما ايه بس دا اللي يشوفك يقول عليكي خطيبتي وانتي قمر كدا يا قمر انت!
قالت "مريم"بضحك
-قدامي يا بكاش
...........
نزل "قاسم"ووالدته الي السفره التي كان يترأسها "سليم الانصاري"كبير العائله
اتجه "قاسم "اليه ثم رفع يده نحو شفتيه ليقبلها بحب وهو يقول
-ازيك يا انصاري باشا
رد عليه "سليم الانصاري "بحده مصطنعه
-ماهو انت لْـۆ همك الانصاري كنت حتي سألت عليه
هتف "قاسم" بأسف
-والله يا جدي كان ورايا حاجات كتير ف الجامعه وكان في امتحانات وانا لازم اراقب الجامعه وبعد الجامعه كنت اروح ع الشركه وكنت ارجع الاقي كله نايم
هتف "الانصاري"بحب
-ربنا يعينك يا حبيبي يلا اقعد كل علي ما العجول التانيه ينزلوا
-سمعتك يا انصاري يا كبير
هتف بها" إلياس" الذي ينزل الدرج بخفه ثم اتجه ليقبل كف جده
ضحك"الانصاري"قائلا
-كبير العجول جه
"الياس"بضحك
-شكرا يا حبيبي مش عارف اودي حبكم دا فين
ثم جاء صوت من اعلي الدرج قائلا بغرور مصطنع
-بتجيبوا في سيرتي صح
قالها"تميم"الذي ينزل من الدرج
ليضحك الجميع ليهتف "قاسم "
بسخريه
-روح شوفلك حته ناشفه اقعد فيها
ضحك الجميع بقوه هذه المره ليتفاجؤا بمن تنزل الدرج وهيا ملقيه حجابها اعلي راسها بأهمال
وتنسدل خصلات شعرها المتمرده علي وجهها
كانت تمشي في البيت وهيا نائمه ثم اتجهت الي التلاجه مباشره وعيون الجميع عليها يكتمون ضحكاتهم بصعوبه ولكن هناك من ينظر لـٍهآ بعشق يريد انا يختطفها ويداري هذه الخصلات المتمرده عن عيون الجميع
ظلت "نورين"واقفه أمام التلاجه تتناول ما يأتي أمامها بنهم شديد  الي ان انتبهت الي عائلتها التي تكتم ضحكاتها بصعوبه لينفجروا ضاحكين بقوه طأطأت راسها
بخجل ولكنها رفعت انظارها نحو "تميم"الذي يضحك بقوه توعدت ڵـهٍ قائله وهي تنطر ڵـهٍ نظرات ذات معني يعلمها هو فقط
-بتضحك طب والله لأقول عليك انت كمان ...اه هو كمان بينزل ياخد إلأكل من التلاجه ويطلع علي أوضته بما إنهم بيضحكوا فيضحكوا مَـرّه واحده بقا
هتف "قاسم"بضحك
-اتقفشتوا انتوا الاتنين والله الواحد ميديش أمان انه يسيب باب أوضته مفتوح وهو ناين للتتحولوا لأكلي لحوم البشر