"أرهقيني عمرآ إن أردتي"

"أرهقيني عمرا إن أردتي" 💦💙

"أرهقيني عمرا إن أردتي"💕
"الفصل العاشر"💕
" مع كاملِ أسفي، أنّ الأمرَ غالباً ينتهي
بالطّريقة التي أرعبكَ التفكيرُ بها"
------------------------------------------------------------------
هتفت "كيان"بعين متسعه قائله بصدمه
-بتحبني!لا دا انت بتستعبط بقا
اردف "يونس"وهو يتناول كفيها بين يديه قائلا وهو ينظر داخل عينيها بتأمل مصطنع
-ايوا بحبك فيها إيه دي؟
نفضت "كيان"يدها بعيدا عنه قائله بحده
-اه قول كدا بقا ...
ثم تابعت وهيا ترتب احداث في رأسها قائله بغضب مكتوم
-تعالي إشتغلي عندي سكرتيره وابدا انا بقا ب اللعب عليكي ومعرفش ايه وبعد كدا اقولك باي باي
رفعت إصبعها في وجهه قائله بغضب عارم
-لا إنسي يا "يونس "بيه اذا كنت مشيت مع بنات بعدد شعر راسك فانا مش فيهم ولا هبقي فيهم
والكلام دا شوفلك حد تاني العب عليه بيه
وادي شغلك اهو وطظ فيك انت وشغلك يا شيخ وسع كدا كتك نيله اصل هو الواحد ناقص
رفعت حقيبتها من فوق المكتب تغادر بسرعه غاضبه ولكن اوقفتها يد الياس الذي قبضت علي معصمها تجذبها نحوه مره اخري بقوه حتي صارت انفاسهم ممتزجه لا يفصل بينهم سوي بوصات قليله
شعرت بإضطراب قلبها اغمضت عينيها بشرود
ظل ينظر اليها يتاملها بخبث ولكن تبدل شعوه عندما تنفس انفاسها شعر بإضطراب غريب يسيطر عليه
اومأ رأسه يمينا ويسارا برفض
فتحت عينيها بحده تنظر اليه بغضب قائله
-سيب ايدي
اردف قائلا يتصنع الحب والعشق
-بحبك
نفضت يدها بعيدا عنه وهيا تركض الي الخارج بغضب تاكل خطوات الارض اكلا
نظر الي موضعها بغضب وهو يهتف باأقبح السباب قائلا بغضب عارم
-اتنططي براحتك يا قطه بكرا تقعي ولاحد هيسمي عليكي
دلف "آسر"الي الغرفه بسرعه يجد "يونس"يتحدث مع نفسه
نظر اليه بذهول قائلا بخبث
-فين عقلك؟؟هيا لحقت!!!
استدار"يونس"بغضب قائلا
-هيا مين دي اللي لحقت "آسر"بالله عليك تبطل تلميحتك السخيفه ديي ما انت عارف اللي فيها
اتجه "آسر "نحو المقعد يجلس عليه بشموخ قائلا بتساؤل
-ها عملت ايه؟ ؟وصلت لفين؟؟
نظر "يونس"بشرود يقص عليه ماحدث
نهره "آسر"بغصب قائلا
-والله انت مبتفهمش ..طبيعي ان واحد حاي يقول لواحده بحبك وميعرفوش بعض غير من يومين طبيعي اللي هيا عملته داا
ماشاء الله ع الخطه يا "يونس"ياحبيبي ..اوعي تخطط تاني
هتف "يونس"بحيره وعينين قاتمه من شده الغضب
-يعني اعمل ايه؟؟؟
اردف"آسر"وهو يصفع مقدمه رإسه بتإنيب ضمير
-تعالي وانا اقولك...وحسبي الله ونعم الوكيل فيا...بقيت شرير بسببك ..انا هقولك الخطه دي وانا من طريق وانت من طريق
لكزه "يونس"في كتفه بقوه قائلا بسخريه
-ياشيخ اتنيل دانت الشيطان يرفعلك تعظيم سلام
هتف "آسر"وهو يقهقه عاليا
-طب تعالي اقولك تعمل إيه بقا
---------------------------------------------------------------------------
ظلت "حور"تبحث عن "قاسم"الذي احتفي من الوسط فجأه ولكن دون نتيجه
جلست تسند رإسها بتعب فوق الاريكه
ولكنها اعتدلت مره اخري عندما وجدت "إلياس"و"نورين"قادمون نحوها
جلس "إلياس" علي الاريكه المجاوره بينما جلست"نورين"بجانب "حور"تنظر اليها بفرحه
هتفت "حور"بتساؤل قائله بسخريه
-اوعوا تكونوا اتخانقتوا تاني انا والله فيا اللي مكفيني
هتفت"نورين"بسرعه تقاطعها قائله بفرحه
-انا و"إلياس"قررنا ندي بعض فرصه وانا وافقت ع الخطوبه
نظرت إليها "حور"بصدمه وعينين متسعه قائله بدهشه
-بجد؟؟؟؟؟
إومإت "نورين"رأسها بسعاده بينما اكد علي حديثها "إلياس"وهو ينظر الي صغيرته المدلله
ضمتها "حور"الي صدرها بحب فقد تناست جميع احزانها بمحرد سماع هذا الخبر
هنئتها "حور"بشده وهيا تتمني لهم السعاده الدائمه
هتفت "حور"قائله بتساؤل يغمر ملامحها السعاده
-ها احنا عايزين فرح ع طول مش لسه خطوبه ومعرفش ايه
هتفت "نورين"بسرعه قائله وهيا تقاطع "حور"
-لا طبعا دا الخطوبه هتبقا اربع سنين
لحظات من الصدمه والصمت اصبحت دقائق
فاق "إلياس"من شروده ينظر إليها بحده قائلا
-هو إيه اللي اربع سنين انتي بتهزري!!!!
هتفت "نورين"ببرأه
-لا مبهزرش انا وافقت ع الخطوبه بس مش هتنازل عن الاربع سنين
لمحت "حور""قاسم"يمر الي اعلي الدرج بسرعه
لم تسمع اي من حديث"نورين"و"إلياس"حيث نهضت بسرعه تذهب خلف "قاسم"
-انتي بتستعبطي والله ما هيحصل
كانت "مريم"تتجه نحو المطبخ عندما سمعت شجار "الياس"وابنتها
اتجهت اليهم قائله بقله حيله
-انا زهقت منكم انتوا الاتنين ..ايه ناقر ونقير مبتبطلوش؟ ؟سيبكم من دي..مبتتعبوش
اردف "إلياس"بغصب عارم
-يعني يرضيكي يا "مريم"خطوبه اربع سنين ليه هو انا عندي 16سنه ولا ايه ولا هيا نوغه وعندها خمس سنين
نظرت "مريم"الي "الياس"باعين متسعه قائله بتساؤل
-هيا وافقت ع الخطوبه اساسا؟؟؟
اومأ "إلياس"برأسه ايجابا
شعرت "مريم"ب السعاده تكسو ملامحها وقلبها ينبض فرحا فها هيا قد ظلت باقيه لليوم الذي سمعت فيه ابنتها توافق ع احدهم
غمزت"مريم"بطوف عينيها الي"إلياس" بينما اتجهت"نحو"نورين"تضمها نحو صدرها بحنان وسعاده
-الف مبرو ياروح قلب ماما ..ربنا يباركلكم في بعض ويرزقكم الذريه الصالحه ياابنتي
--------------------------------------------------
دلف "قاسم"الي غرفته خلفه "حور" التي فتحت الباب بسرعه تدلف الي الداخل قائله بغضب
-انت كنت فين؟؟
اردف"قاسم"ببرود ونبره جافه
-انتي مالك
احتقن وجهها ب الحمره من الاحراج رفعت اصبعها في وجهه بغضب قائله بحده
-انت بتتعامل معايا كدا لييه ايه الجفاف دا انا عملت ايه لدا كله؟
تجاهلها يخلع ملابسه ببرود
وضعت يديها فوق عينها بغضب وهيا تفول ب ارتباك
-انت بتعمل ايه يا قلبل الادب
اقترب منها ببطئ وهو ينظر اليها بخبث
شعرت بأنفاسه تقترب نحوها وضعت يدها لا اردايا علي صدره العاري تبعده عنها
اقترب منها اكتر وهيا تعود للخلف حتي اصتدمت ب الجدار
احاطها بين يديه والحائط مقتربا منها بإنفاسه الحاره يهبط الي شفتيها بقبله اطاحت بعقلها عرض الحائط
حاولت دفعه بشتي الطرق ولكن في نهايه لم تجد الي الاستسلام
بعد عده ثوان تاهت هيا في قبلته ابتعد عنها بنفور قائلا بغضب
-انتي ازاي تسيبي نفسك كدا ..هو ب الشكل دا الجواز اللي عايزاه يبقا علي ورق بس
نظرت إليه والدموع تتكثف في عينيها بغزاره حتي رفعت يديها بكل مالديها من قوه صفعته علي وجنتيه بحده
تغير لون "قاسم"الي الاحمرار الشديد والعينين القاتمه سودا ينظر اليها بغضب جعل قدميها ترتجف بشده ولكن مازالت واقفه تتصنع الثبات
اقترب منها بشده حتي امتزجت انفاسهم هاجما عليها مره اخري يقبلها بغضب وعنف حتي سالت الدماء من شفتيها شعر بشئ لازج يلامس وجنتيه ابتعد عنها ينظر اليها بصدمه حين رأها تبكي بحرقه
اقترب منها محاولا تهدئتها ولكنها دفعته بعيدا عنها بقوه وهبا تبكي قائله بصوت حاد محذره اياه
-متقربش مني خاالص ابعد عني مش عايزا اشوف وشك هنا
حاول الاقتراب منها مره اخري ولكنها وضعت يديها فوق اذنها
تمنع وصةل صوته اليها قائله ببكاء عارم
-سيبني في حااالي بقا واطلع برااا
اردف "قاسم"بندم وهو يهدئها
-طب اهدي بس والله ما هقرب حتي اهو
ابتعد عنها ببطئ وهو يحاول ان يجعلها تتطمئن
وضعت يديها فوق وجهها تبكي بحرقه جعلته يقترب منها يضمها بحنان
انقطعت الكهرباء وعم الصمت الرهيب داخل الغرفه ابتعد "قاسم"عن "حور"بهدوء ليبحث عن هاتفه لتشيغيل المصباح ولكنه تفاجأ ب "حور"تلقي جسدها عليه بقوه وهيا ترتجف خائفه ضمها بين زراعيه بحب وهو يغمض عينيه بألم فهو بين حيره كبيره
"ايحبها ويعشقها وتهجره لانها مغصوبه عليه"
"ام يتركها لعمها وهو يفعل بها مايشاء"
ولكن اجابه السؤال الإول حدثت ب الفعل فهو قد احبها واعناد علي وجودها داخل حياته واعتاد علي عفويتها
اردف "قاسم"قائلا بتساؤل
-انا تليفوني سيبته تحت تيلفونك معاكي؟
-لا تليفوني مع "نورين"
جذبها بهدوء وهو يغادر الغرفه متجها الي اسفل بحرص خائفا عليها
--------------------------------------------------------------------
-انا عارفه كويس اوي انك مش سهله وعايزا تعملي حاجه ل"إلياس" فبلاش لف ودوران عليا
هتفت بها "تالا"الي "مرام"التي تنظر اليها بتوتر
شبكت "مرام"اصابع يديها بتوتر وارتباك بادي علي وجهها ثم هتفت بحقد
-اه لازم اعمل حاجه مش ابقا انا صاحبه عمره اللي مستنياه بقالي خمس سنين عشان يجي يقولي عايزك تساعديني نعمل مقلب في "نورين"عشان تغير وتوافق عليا
طول عكره بيحب "نورين"وانا جانبه وعمره ما شافني
نظرت اليها "تالا"بخبث قائله
-طب واللي يساعدك ويخليلك "نورين"دي تنزل من نظر "الياس"خاالص من الاخر اللي يخليهالك "الياس"يشوف العمي ولا يشوفها
نظرت اليها "مرام"بلهفه قائله بتساؤل
-ياااريت دا انا اعمله اي حاجه عايزها
اردفت "تالا"بخبث وحقد
-"قاسم"
نظرت اليها "مرام" تعقد حاجبيها بتساؤل
-ماله "قاسم"
هتفت "تالا"بخفوت وخبث
-ركزي معايا وبصي بقا
"قاسم"ليا اعتبري ان "الياس"ليكي لو "قاسم"مش ليا يبقا "الياس"مش ليكي ويا نعيش عيشه فل يا نموت احنا الكل
-------------------------------------------------------------------------
اتجهت "كيان"الي بيتها ودلفت الي الداخل تغلق الباب بتعب ولكن الباب لا ينغلق
نظرت الي الباب لتجده واقفا ينظر اليها بهدوء
دفعت الباب بكامل قوتها ولكنه دفعه بقوه اكثر جعلتها تسقط فوق الاريكه
اغلق الباب خلفه بقوه وهو يقترب منها بخبث جعلها تبتعد بسرعه للخلف حتي اصطدمت في الطربيزه بحده جعلتها تتألم بخفوت
مد يديه اليها قائلا بهدوء
-هاتي ايدك
رفعت يديها وهيا تنظر داخل عينيه برجفه
جذبها بقسوه اليها جعلت رأسها تصتطدم بصدره بقوه لف زراعيه فوق خصرها بحنان يميل علي شفتيها وهو ينظر اليها بشغف تناول شفتيها في قبله حاره جعلتها ترتجف بين يديه
شعر بمشاعر غريبه تسيطر عليه لم يشعر بمثلها من قبل زاد من عمق قبلته يشعر بسكون قلبه بين يديها خائفا من الفقدان ضمها بين يديه بقوه كادت ان تكسر عظام جسدها
استكانت بين يديه بعد محاولات من الابتعاد عنه تشعر ب الامان والدفئ التي طالما افتقدته منذ رحيل والدتها
ابتعدت عنه بحده ووهيا تنظر اليه بوجه شديد الاحمرار
--------------------------------------------------------------
كان "قاسم"يهبط السلالم وهو يضم "حور"يشعر بإرتخاء جسدها الشديد
عاد النور فجأه ليجد "قاسم" "حور"فاقده لوعيها لا تشعر بما حولها
انقبض قلبه بشده عليها يرفعها فوق زراعيه بخوف
عاد الي غرفته مره اخري حاملا اياها فوق زراعيه بقلق يسيطر عليه
واضعها فوق الفراش وهو يربت علي وجنتيها في محاوله لايقاظها ولكن محاولته بأت ب الفشل
صااح بصوت عالي مضطرب ينادي علي "مريم"التي جاءت مسرعه علي صوته
-في ايه يا "قاسم"
ثم وقعت عينيها علي "حور"الفاقده وعيها لتضرب "مريم"بيديها علي صدرها قائله بقلق وهيا تتفحص "حور"
-ايه اللي حصلها يا "قاسم"دي مبتصحااش خالص
زاد قلق "قاسم"عليها ليرفعها بين يديه وهو يغادر الغرفه مسرعا
-حد يجهز عربيه في ثانيه
هتف بها "قاسم"الذي يحمل "حور"بين يديه وهو يهبط لدرج بسرعه بينما العائله تجلس جميعا بالأسفل
ركض "الياس"بسرعه الي الخارج ليجهز السياره بينما هبطت التساؤلا فوق رأس "قاسم"مما جعله ينظر اليها بضعف خائفا
اتجه "قاسم"نحو السياره يضع "حور"فوق المقعد الخلفي بحرص بينما اتجه هو الي مقعد القياده
اردف "الياس"قائلا
-انزل انت يا "قاسم"وانا اسوق مش هينفع تسوق وانت ب الحاله دي
لم يعطيه "قاسم"اي اهتمام ليقود. سيارته بسرعه فائقه جعلت "الياس"يتجه نحو سيارته بسرعه يلحق بهم
---------------------------------------------------------------
في سياره "قاسم"
مال "قاسم"برأسه للخلف وهو يتناول يد "حور"يمسكها مقبلا اياها قائلا بضعف
-متخافيش يا حبيبتي هتبقي كويسه والله ..
بعد عده دقائق "!
هبط "قاسم"من سيارته بسرعه قائلا بصوت عالي حاد
-سرير بسرعه
ثم اتجه نحو "حور"يرفعها بين يديه بحنان وهو يتجه نحو الداخل بخطوات مسرعه
وضعها فوق السرير وهو ينظر اليها برجاء
ثم اتجه الي الداخل خلف الممرضين
-----------------------------------------------------------------------
بعد نصف ساعه
كان "قاسم"ينتظر بالخارج خائفا
بينما حضر "الياس"والبقيه ليجدوه في تلك الحاله
اتجه "الياس"نحو "قاسم"يتسأل بقلق قائلا
-ها يا "قاسم"الدكتور قالك حاجه
اردف "قاسم"بصوت مبحوح كالطفل الصغير الذي يوشك علي البكاء خائفا من فقدان اعز مالديه
-لا
ربت "الياس"علي كتفه بهدوء قائلا
-متقلقش انشاء الله خير ومش هيحصلها اي حاجه
هتف "قاسم" برجاء قائلا
-يارب ...انا مش فاهم نص ساعه بيعملوا ايه نص ساعه انا اعصابي باظت والمصحف
كاد "قاسم"ان يقتحم الغرفه ولكن سبقه الدكتور وهو يدلف الي خارج الغرفه قائلا بملامح عابسه
-للأسف المريضه الي جوا مريضه كانسر
شعر "قاسم"بدلو ماء مثلج يسقط فوق رأسه دون رحمه
بينما قبض علي الدكتور بقسوه قائلا
-انت اتجننت ولا ايه مين دي اللي مريضه كانسر دا انا اللي هخليك مريض كانسر دلوقت
جذبه "الياس"بصعوبه من اعلي الدكتور قائلا بقلق
-اهدي يا صاحبي ايه اللي انت بتعمله دا
ثم تركه متجها الي الدكتور قائلا بتأسف
-انا اسف جدا لحضرتك بالنيابه عنه
اردف الدكتور وهو يعدل من وضع ملابسه
-المريضه محتاجه دم ضروري
هتف "الياس"بتساؤل
-ذره دمها ايه؟
هتف الدكتور بعمليه
"o-"
كانت "اسماء "تجلس فوق الكرسي بتوتر بينما اتجه اليها "الياس"قائلا
-اكيد حضرتك يا طنط نفس الذره
أومأت "اسماء "بإرتباك بادي علي وجهها قائله
-ااه يا ابني
اردف الدكتور بعمليه
-طب ممكن حضرتك تتفضلي معايا
بعد عده دقائق
انتهي الدكتور من التحليل قائلا بعمليه
-مش نفس الذره
في حد تاني اقدر اسحب منه دم لان ذره الدم دي قليل جدا لما نلاقيها هنا انا هعكل تحليل للجميع
أومأ الجميع برأسهم ايجابا ليبدأ الدكتور بعمله مره اخري
-------------------------------------------------------------------
كان "يونس"ينظر الي "كيان"ذات الوجه شديد الاحمرار بإستمتاع
بينما كانت "كيان"علي وشك البكاء من شده الاحراج
هتفت قائله بحده لاذعه
-اطلع برا بيتي يا اما قسما بالله هبلغ عنك
كانت تتمني بداخلها ان لا يبتعد فقد استكانت لهذا الشعور الذي كان بين يديه تشعر بجفاف بينما هو يبتعد عنها فقد عانت بما فيه الكافيه لتأخذ استراحه كان قلبها يشعر ب الامان بينما هو بجانبها لاتريد اغلاق باب منزلها ولا الشرفه تريد فقط وضع نفسها بين يديه واغلاق يديه فوقها بقوه تنسيها تلك الليالي القاسيه التي غفت فيها في الشتاء القاسي بينما كانت ترتجف بدون فراش ...تلك الليالي التي حاولت ان تمشط خصلات شعرها ولم تعرف فقطعته ..ولكنها تريد الان وضع رأسها فوق شئ والنوم ..النوم بعمق دون خوف ودون تفكير في الماضي والحاضر ..
شعر "يونس"بتوترها وارتباكها الواضح
بينما هتف "يونس"بهدوء وهو ينظر الي عينيها
-ممكن تديني فرصه ولو مش قادره انا مش هغصبك علي حاجه بس اديني فرصه ابين ليكي حبي وبعدين القرار كله في ايدك انتي! "
-موافقه
كانت تلك الحروف السته التي هتفت بهم كفيله بجعله يشعر بلذه الانتصار الشديده
-------------------------------------------------------------------
كانت "نورين"تبكي في صمت بينما تضمها "لين" التي تنساب دكوعها هيا الاخري دون اراده منها بينما "تميم"ينظر اليها بحزن فهو يريد الان ضمها بين ذراعيه وان يربت علي ظهرها بحنان لتهدأ
بينما كانت "مرام"تقف بجانب "تالا"يبتسمون بخبث وتغمرهم السعاده
بعد عده دقائق خرج الطبيب قائلا بعمليه وتساؤل
-"الياس "
اتجه "الياس"نحو الطبيب بقلق
بينما لحقه "قاسم"بسرعه
هتف الطبيب بتساؤل
-حضرتك اخو المريضه
اردف "الياس"بنفي قائلا
-انا لا
انعقدت ملامح الطبيب باستغراب قائلا
-ازاي دا تحليل ال DNA بيثبت 100% انك اخوها
شعرت "اسماء"بالجمود كيف ينكشف سرها التي طالكا اخفته طوال تلك السنوات عن الجميع
بينما اتجه "الياس"مسرعا نحو "اسماء"قائلا بتساؤل وكلمات متقطعه
- "حور"مش بنتك يا طنط صح؟؟
ارتبكت "اسماء"التي انسابت دموعها رغما عنها
-اه ..لا..اه
صاح "قاسم"بحده في وجهها قائلا بغضب
-اه ولا لا انطقي
زادت شهقاتها بقوه وهيا تقول ببكاء
-مش بنتي ايوا هيا اختك يا "الياس"واخت "تميم"كمان
صدمه ..ارتباك ..جمود...غضب ..حقد..فرحه
كل هذه مشاعر احتلت جميع العائله
كانت الفرحه من نصيب "الياس"
بينما "قاسم"يقف مذهولا مما يسمعه
بينما اتجهت "مريم"نحو "اسماء"قائله بتساؤل
-وازاي"حور"وصلتلك لما هيا اخت "تميم"و"الياس"
-انا هحكيلكم كل حاجه بس الاول "الياس"يتبرع ل "حور"اللي بتموت جوا دي
اردف الطبيب بعمليه موجهها كلامه نحو "الياس"
-اتفضل معايا يا استاذ
-------------------------------------------------------------------
كان "تميم"يقف كمن صار جليدا لا يتحرك من هول الصدمه فكيف في غمضه عين اصبحت لديه اخت وظهرت الان بعد مرور كل هذه السنوات اهو في حلم ام في كابوس وسينتهي كل هذا احداث متتاليه تتساقط بسرعه فوق رؤس الجميع ولكن هذا حدث غريب قليلا كيف اصبحت "حور"شقيقته ومنذ متي ولماذا كانت بعيده عنهم كل تلك الفتره
كل هذه الاسئله كانت تدور في عقله دون رحمه بينما شعر بمن يمسك بكفيه يضغط عليهم بطمأنينه نظر اليها وماهيا الي جميلته"لين"
اغمضت عينيها ثم فتحتها بهدوء وهو تحاول ان تجعله يهدأ بينما هو نظر اليها بسكون واضطراب
----------------------------------------------------------------
-يعني ايه طلعت بنت عمه ...يعني اييييه"؟؟؟
اردف بها "معتصم"وهو يلقي كل ماياتي امامه الي الارض بقسوه
بينما هتفت "تالا"عبر الهاتف بحقد
-والله لو طلعت مين حتي ماهسيبها تتهني ب العز دا كله !
هتف "معتصم"بغل
-لا دانتي تركزي معايا بقا وسيبك من الخطط التافهه اللي احنا كنا بنعملها دي
------------------------------------------------------------------
اتجهت "نورين"نحو "قاسم" التي تسيطر علي وجهه علامات الخوف وهيا تربت علي كتفه قائله
-متقلقش "حور"هتبقا زي الفل "
نظر "قاسم"اليها بضعف وهو يضع رأسه فوق كتف "نورين"بتعب قائلا
-انا اول مره في حياتي اخاف كدا يا "نورين"انا حاسس اني في حاجه جوايا مش لاقيها مش عايز غير انها تبقي كويسه وترجع تعمل كل اللي هيا عايزاه تاني
انسابت دموعها رغما عنها وهيا تربت عليه بحب
-------------------------------------------------------------
خرج الممرضه الي الخارج بينما سبقها "الياس"
هتفت الممرضه بعمليه
-المريضه فاقت واللي عايز يدخلها يتفضل
انتفض "قاسم"معتدلا يتجه نحو غرفتها بسرعه وقلبه يؤلمه بشده
دلف الي الداخل وهو يغلق الباب خلفه بهدوء
بينما استدارت "حور" الذي يربط ذراعها اشياء غريبه يسير بها الدماء وغرفه لم تكن غرفتها واشياء لم تعتاد علي رؤيتها
نظر "قاسم"اليها بوهن وضعف يتجه اليها بحب
جلس فوق المقعد المقابل للفراش بهدوء بينما هتفت "حور"بتساؤل
-ايه دا كله يا "قاسم"هو ايه اللي حصل؟"
اردف "قاسم"بارتباك وهو يتناول يديه بين كفيه يربت كفيها بحنان قائلا
-محصلش حاجه يا "حور"انتي زي الفل اهو ..قله اكل ياهانم
نظرت اليه "حور"بقلق وهيا تشعر انه يكذب عليها
هتفت قائله بتساؤل
-"قاسم"انت بتكدب عليا قولي عندي ايه انا اساسا من فتره حاسه ان عندي حاجه
نظر اليها "قاسم"بلوم وعتاب قائلا
-وليه مقولتليش يا "حور"ليه تسيبي نفسك لحد ماتبقي كدا كان ممكن نلحق المرض في اوله ليه بتاعندي مع نفسك ومع المرض ومع كل حااجه
هتفت"حور"بتعب وقد انسابت دمعه من عينيها لتسقط علي الوساده علي الفور
-اتعودت علي كدا يا "قاسم"..
ثم تابعت بمرح وقد شعرت بإلم شديد في معدتها
-عندي ايه بقا وبطل كذب عشان انا اكتشفت فيك حااجه كدا
هتف "قاسم"بتساؤل وهو ينظر اليها
-اكتشفتي ايه
هتفت "حور"بمرح وقد شعرت ان الالم يزداد
-انك لما بتكدب بتقعد ترمش بعينك كتير كدا
ابتسم "قاسم" بقوه مماجعلها تتامله بحب
-مشاء الله عليا بقيت مكشوف كدا
انسابت دكوعها دون ارده منها وهيا تضغط علي كفيه بقسوه تكاد تعتصرهم من شده الالم
هتف "قاسم"بذعر
-مالك يا "حور"
انكمشت ملامحها بتعب
صاح "قاسم"بنبره عاليه قلقه
-يا دكتور
دلف الطبيب الي الداخل بسرعه قائلا
-اطلع برا يا استاذ "قاسم"
غادر "قاسم"الغرفه بقلق وهو ينظر اليها
------------------------------------------------------
بعد انتهاء الطبيب من فحصها دلف الي الخارج قائلا
-متقلقش يا قاسم بيه دا الم طبيعي هيحصلها كل فتره وانا دلوقتي اديتها مسكن وهيا نايمه ومش هتفوق غير علي بكرا
التفت "قاسم"الي "مريم"التي قالت بحنان
-روح انت يا "قاسم"وخد الباقي معاك وانا هفضل هنا عشان مش هينفع كل دا يفضل هنا كدا
هتف "قاسم"باعتراض
-لا انا اللي هفضل معاها هنا
هتفت "مريم"في محاوله لجعله يتركها ويذهب هو
-روح يا ابني انت تعبان ومش هتقدر اقعد جنبها طول الليل
هتف "قاسم"بهدوء
-خلاص يا مريم الكلام خلص انا اللي هفضل جنبها
ثم وجه كلامه نحو "الياس"قائلا
-خد الباقي ورجعهم البيت يا "الياس"
ربت "الياس"علي كتفه قائلا بقلق
-حاضر يا صاحبي
بعد مغادره الجميع دلف "قاسم"الي غرفه "حور" مره اخري ينظر اليها ثم اتجه الي غرفه الطبيب
-------------------------------------------------------
كانت "تالا"تقف في المرحاض بعدما غادر الجميع تنظر الي "قاسم"الذي غادر غرفه "حور"
اتجهت نحو غرفه "حور"بخفوت وهيا تلتفت حولها بخوف
دلفت الي الداخل وهيا تنظر حولها بتوتر
اتجهت نحو "حور"تنظر اليها بحقد قائله
-هتوحشيني يا حبيبتي والله
ثم رفعت الوساده الملقاه فوق الاريكه لتضعها فوق فم "حور"تضغط عليها بقوه قائله
-مع السلامه يا "حور"هانم
-------------------------------------------------------------
-ياتري ايه اللي هيحصل ل "حور"؟
-ومرام هتعمل ايه في "نورين"؟
-وايه الحكايه اللي اسماء مخبياها ؟؟؟
-وياتري "تميم"هيتقبل فكره ان في اخت ظهرتله فجأه كدا؟
-وايه اللي هيحصل ل "كيان"اللي وافقت تدخل النار برجليها؟؟
----------------------------------------------------------
‏" تذكر دائمًا أن الخيارات لا متناهية، وأنك لست محدودًا بفرصةٍ واحدة أو بمستقبلٍ معين، تذكر دائمًا أن في الحياة رحابة وأن الآفاق واسعة، وأن الدنيا أكبر من أن تتمسك بشيءٍ ظنًا منك أنه قد لا يتكرر "

-بقلم"ملك ابراهيم"💕💕