Unicode
ကောင်းကင်ကြီးက သိပ်ကိုလှပလို့နေသည်။ ပြာလွင်လွင်နောက်ခံအရောင်ထက် ဖြူလွလွတိမ်စိုင်တချို့က ဟိုတစ်စု ဒီတစ်စု ဖြန့်ကျက်ကာ နေရာယူထားပုံမှာ ပြီးပြည့်စုံလွန်းပါသည့်ပန်းချီကားတစ်ချပ်အလား။
အချိန်ကတော့ ကောင်လေးနှစ်ယောက်ရဲ့တစ်သက်တာအတွက် မေ့မရနိုင်တဲ့အခိုက်အတန့်လေးတစ်ခု မ စတင်မှီ နာရီဝက်ခန့်အလိုဖြစ်၏။ ဒီနေ့လေးက ကုန်းကျွင့်နဲ့ကျန်းကျယ်ဟန့်ဆိုတဲ့ လူသားလေးနှစ်ယောက်ရဲ့ ထိမ်းမြားလက်ထပ်ပွဲ ကျင်းပမည့်နေ့ရက်ကလေး...။ နှစ်ပေါင်းများစွာကြာအောင် အမြစ်တွယ်ခဲ့ပါသည့် ချစ်ခြင်းတရားတို့ကိုသက်သေထားရင်း ထာဝရအတူပေါင်းဖက်နိုင်ရန် စတင်ပါမည့်ပထမဦးဆုံးနှင့် အဓိပ္ပာယ်အရှိဆုံး နေ့ရက်ကလေးဟုဆိုလျှင်လဲ မှားမည်မဟုတ်ပေ။
ပြာလွင်လွင်ကောင်းကင်အောက်ရှိ ပြာလဲ့လဲ့ပင်လယ်ပြင်ကြီးရဲ့ဘေးမှာကတော့ ဖြူသန့်ကျယ်ပြန့်ပါတဲ့အမိုးအကာတစ်ခုရှိလို့နေသည်။ ထိုအမိုးအကာရဲ့အောက်ရှိ စားပွဲဝိုင်းငယ်များစွာရဲ့အလယ်မှာတော့ အဖြူရောင်ကော်ဇောရှည်ခင်းထားတဲ့ လျှောက်လမ်းကလေးတစ်ခုရှိနေပြီး ထိုလျှောက်လမ်းရဲ့အဆုံးမှာကတော့ စတိတ်စင်ငယ်လေးတစ်ခုရှိပါ၏။
အပြာရင့်ရောင် tableclothလေးတွေ ခင်းကျင်းထားတဲ့ စားပွဲဝိုင်းငယ်တစ်ခုစီပေါ်မှာတော့...အချစ်ဦးလို့အဓိပ္ပါယ်ရပြီး အပြစ်ကင်းခြင်းနဲ့ သန့်စင်ခြင်းကို ကိုယ်စားပြုတဲ့white Hydrangeaကို... နှစ်ယောက်သားရဲ့လိုက်ဖက်ညီတဲ့ ပေါင်းဖက်မှုနဲ့ အဆုံးမရှိတဲ့သစ္စာတရားတို့ကိုဖော်ညွှန်းတဲ့ white roseနှင့်အတူ ပေါင်းစပ်ကာအလှဆင်ထားတဲ့ ပန်းအိုးငယ်လေးတွေဟာ သပ်ရပ်တင့်တယ်စွာ နေရာယူထားပြန်ပါ၏။
Oops! This image does not follow our content guidelines. To continue publishing, please remove it or upload a different image.
YOU ARE READING
Melt In Your Smile (Completed)
Fanfiction~ရင်ခုန်သံတွေကိုနိုးထစေခဲ့တဲ့ အပြုံး လေးတစ်ပွင့် နဲ့ အဲဒီအပြုံးလေးတစ်ပွင့် ကြောင့် စတင်ခဲ့တဲ့သူတို့နှစ်ယောက်ရဲ့ အချစ်ဇာတ်လမ်းလေး~ ~ရင္ခုန္သံေတြကိုနိုးထေစခဲ့တဲ့ အၿပဳံး ေလးတစ္ပြင့္ နဲ႕ အဲဒီအၿပဳံးေလးတစ္ပြင့္ေၾကာင့္ စတင္ခဲ့တဲ့သူတို႔ႏွစ္ေယာက္ရဲ႕အခ်စ္ဇာတ္...
