هوس الثلاثينيه (مكتملة)

هوس الثلاثينية

الفصل الثالث

تكملة قصة عمر & تاج

رنت تاج على عمر في منتصف الليل بعدما لم يجيب عمران لتشكيه كالعادة لعمر

عمر بمرح : تاجي الماس بيرن يا جمالو يا نيالو أنا

تاج بضيق : بتهزر يا عمر الأستاذ عمران فين ممكن أعرف

عمر بضيق حقيقي لم يظهره : عمران ؟! كل مرة ترني عشان عمران يا تاج

تاج بإحراج : أنا أسفه يا عمر بس مفيش حلقة وصل غيرك ..

عمر بهدوء : هو أنتِ فعلا بتحبي عمران يا تاج

تاج بتأكيد : أوي أوي يا عمر متخيلش حياتي من غيره عشان كده بفوتله كتير ... مرتبطين بقالنا كم شهر وهو شخصية شديدة ومش مستوعب مثلا أني برن كتير دا اهتمام وحب لا شايفه تحكم وخنقه أنا بجد زهقت

عمر بحزن : أممم معلش هفهمه يا تاج وأسلوبه هيتغير

تاج بتذكر : صحيح النهاردة ذكرى وفاة والدتك البقية في حياتك يا عمر

أزال دمعة علقت بأهدابه ليهتف بصوت مخنوق : طيب أنا رايح الديسكو الوقتي لما أرجع نتكلم

تاج بغضب : ديسكو ؟! بتهزر يا عمر طب على الأقل أحترم روح والدتك دا النهاردة ذكرى وفاتها

عمر بحدة : سلام يا تاج

تاج بحدة : لا مش سلام ودلوقتي ترجع البيت وبطل التصرفات الزبالة دي في يوم ذي ده

عمر بعصبية : أنتِ غبية ومتخلفه ومش بتفهمي ولا بتحسي

تاج بعصبية مماثلة : الكلام ده ليك أنت يا عمر ولازم تبطل الأشكال الزبالة اللي تعرفهم أنت أساسا ميملاش عينك غير التراب

شعرت بالفون يهتز لتجد عمران يرن فأجابت دون الاستئذان من عمر

تاج : فينك يا عمران

عمران : في أيه يا تاج كنت بحاول مع عمر عشان مسبوش في المقابر لوحده لكنه زعق ومشاني وأنتِ نازله رن

تاج بألم داخلي بدأ : مقابر ؟! .. ليه ؟!

عمران : مش أنتِ عارفة أن النهاردة ذكرى وفاة مامته هو بيقعد طول الليل في المقابر ويكدب أي كدبه على الكل بس محدش عارف غيري

تاج ممثلة البرود : مقابر أيه ؟!

عمران : مقابر ***

تاج بكذب : أيوه بسألك عشان أعرف فيها نور بليل ولا لاء يلا هسأل بابا

عمران : لا مفهاش للأسف

تاج بتثاؤب كاذب : طيب يا عمران ورايا أمتحان بكره بدري في الدرس ولازم أنام بدري

عمران : خلاص ماشي يا حبيبتي سلام

تاج وهي تقف : سلام

بدلت ملابسها مسرعة لتنزل متخفيه وهي تأخذ سيارة غير الخاصة بها حتى إذا رأها أحد لا يعلم لتتجه للمقابر مسرعة ثم نزلت تقف أمام البوابة وأرسلت رسالة لعمر تتضمن "أخرج أنا مستنياك بره المكان اللي أنت فيه"