الفصل الخامس عشر
قرر عمر العودة للقصر ليرتاح قليلا فقد طمأنه الطبيب على عمران وأنه سوف يفيق في وقت لاحق حين يزول تأثير الدواء عنه
"أنا لما ضربتك بالنار يا عمران مكنش أصدي كدة بس مكنتش مستوعب اللي هتعمله وضربتك بدون تفكير لكن أخر حاجة أتوقع أعملها هي أني أقتلك "
هذا ما قاله لعمران وهو في غيبوبته .. وصل للقصر ودخل لكن هناك رجفة طفيفة سارت بجسده كأنها نسمة باردة أختلت دفئه
نزل واتجه للداخل ينوي الإتجاه والاطمئنان عليها فليس هناك من يطمئنه بعد ذهاب ليلاس
في وقت سابق
دخل ياسر القصر ونزلت تاج له حين أخبرتها الخادمة بوجوده لتتجه لحضنه مباشر وتنهمر دموعها
عاصي ببرود : يلا يا تاج مع باباكي وأنا هخلي عمر يوصلك ورقة طلاقك واعتبري ملكيش بنات هنا ويا ريت تنسي عمر
نظرت له نظرة مؤلمة يليها إبتسامة لن ينساها إبتسامة شكر لتعود بنظرها لأبيها ورفعت وجهها له .. فتحت فمها تتحدث ثم أغلقه ومسكت رقبتها
ياسر : مش بتتكلمي ؟! .. حد زعلك صح ؟!
ابتسمت لتعود الدموع تنساب وسندت برأسها على صدرة ثم رفعت يده لشعرها في علامة يعلمها
ياسر : يلا
وسحبها للخارج لتقف مرة واحدة وابتعدت عنه لتخرج النوته والقلم تكتب شيء ثم قطعتها وأعطتها لعاصي
"شكرا أنك كنت السبب في خروجي من هنا عمري ما هنسى الجميل ده
شكرا أنك حطيت نهاية لوجعي وصالحتني على بابايا وأكدتلي جملته يوم فرحي وهو بيقولي إن عمر ابنك عمر ما هيبقى سند ليا في الدنيا وهلف الف وهرجعله هو ووقتها مش هيفتحلي بابه بس الظاهر كنت غلطانة لما قولت فعلا مش هيفتحلي بابه "
قرأ عاصي الكلمات ونظر لتاج التي سارت مع والدها ولم تنظر خلفها أبدا .. ركبت تاج السيارة بجانب والدها ولمحت سيارة عمر لكن سيارتها الزجاج أسود فلم يراها وهي لم تنظر خلفها فيكفي ما حدث معها منهم
دخل عمر القصر ليجد والده يقف وماسة بالأعلى فابتسم بسعادة
عمر بفرحة : حمدلله على السلامة يا بابا
واقترب منه ضمه بإشتياق ليهتف : مقولتليش ليه كنت نولت شرف أني أجيبك من المطار .. مالك يا بابا
عاصي : مفيش
لمح عمر يد والده ليأخذ الورقة منه ويقرأ ما بها ثم جلس على أقرب كرسي يعيد قرأتها عدة مرات
عمر بخفوت : ليه عملت كده
عاصي : دا الصح وبنتك مش عايزاها
ماسة وهي تنزل : هي حتى مهنش عليها تبص وراها ما صدقت
عاصي : موافقتي من الأول أنك تتجوز واحدة غلطت معاها كان أكبر غلط عملته في حياتي يا عمر لكن خلاص هصلح الغلطة دي ومفيش تاجات
أنت تقرأ
هوس الثلاثينيه (مكتملة)
General Fictionهي وبرغم انه اصغر منها بأحد عشر سنة الا انها تعشقه مجنونه به تتنفسه تمتلكه تقتل من يقترب منه حادة الطباع قاسيه اعينها تقدح شرا هو يصغرها بأحد عشر سنة لا يفكر فيها نهائي بالنسبه له اخته الكبيره يحب غيرها ولا يراها يمتلك بعض المرح الا انه من تلك العائ...
