هوس الثلاثينيه (مكتملة)

هوس الثلاثينية

الفصل السابع عشر

جلست تاج على طرف الشباك والدموع تنساب متذكرة تهورها البارحة وإخبارها لوالدها

اتجهت تاج اليه لتجده يجلس ويتحدث مع الحارس الخاص به فقررت إخباره بأمر الطفل وبالتأكيد لن تخبره بتعبها الذي يؤكد إن فعلت إجهاض سوف تموت

ياسر : زود الحراسة يا إبرام أطلب حراس أكتر وممنوع منعا باتا عمر يدخل الڤيلا .. روح أنت

تاج بهدوء : حضرتك فاضي

ياسر : ولو مش فاضي أفضالك يا حبيبتي تعالي

جلست أمامه لتردف والدموع عرفت مجراها : حضرتك النهاردة اللي فهمته إن الحياة بيني وبين عمر مستحيلة صح ؟

ياسر : فعلا يا تاج دا مش شخص تكملي معاه

تاج ببكاء رغما عنها : طيب أنا حامل

ياسر بهدوء وهو يمسك يدها : المرة دي مش هتهور ذي ماسة وأقولك نزليه لأ عايزة تحتفظي بالبيبي تمام أنا موافق وخلي ماسة لعمر

تاج : بس أنا جيالك المرة دي عشان أقولك مش عايزاه .. دا أخر حاجة تربطني بعمر ومش عايزاها

ياسر : فكري الأول يا حبيبتي وبلغيني واللي عايزاه هخليكي تعمليه

تاج : أنا مقررة ممكن تنفذلي

نظر لها قليلا ثم أكد برأسه هاتفا : هجبلك ممرضة تسحب منك عشان التحاليل اللي قبل الإجهاض

تاج بتوتر : لأ أنا عاملاها وكلها كويسة يا بابي لأني حاولت أجهض قبل كدة بس عمر منعني .. أنا جاهزة

ياسر : تمام يا حبيبتي هبلغك بالمعاد

أومأت بتأكيد ووقفت غادرت متذكره حديث الطبيبة لها في أحد المرات التي تعبت بسبب المرارة

الطبيبة بهدوء بالأسبانية : هنادي أنصحك بعدم عمل تلك العملية الأن لأن صديقتك تعاني من نسبة سيولة عليا بالإضافة لضغط الدم المنخفض دائما والأنيميا الحادة هذا كله ملازم له ولا أنصحها بعمل أي عملية الأن

فاقت تاج من كل هذا لتمسح دموعها هاتفه : يا ريت بقى دموعي تخلص أنا زهقت منها

أعادت خصلاتها للخلف لتكمل : كدة هبعد عن الحياة دي وهموت أنا والبيبي وعمر معتش يزعلني لأني هموت

علت شهقاتها لتكمل : بس أنا بحبه وعايزة ارجعله وعايزة مموتش وأسيبه لوحده

وضعت وجهها بين يديها كالطفلة التائهة والتي تريد فقط أن يأتي عمر ويأخذها ويخبرها ما يجب فعله

★★★★★★★★★★★★★

في المساء
جلست ليلاس تتناول الطعام مع الكل ولم تشعر بماسة التي أعينها على كرسي والديها .. تنهدت بحزن متذكرة حالة والدها في صباح اليوم لتطرق بالشوكة على طرف السفرة عدة مرات