هوس الثلاثينيه (مكتملة)

هوس الثلاثينية

الفصل الرابع وعشرون

أطلقت صرخة مدوية تخرج ما بداخلها فأصبح هوسها هو سمها الذي يقتلها تدريجي .. أسودت عيناها أكثر وكم ودت لو تدخل يدها وتخرج قلبها تدهسه بقدمها

عادت للقصر ودخلت مكتب جدها بدون استئذان لتغلق الباب بقوة وتنظر لعمق عيناه

ليلاس : أنت كتبت تلت الورث باسم عمر والتلت التاني باسم حسام وجيت على حق أبويا كلته ليه

عاصي ببرود : شيء ميخصكيش دي كلها فلوسي

ليلاس بقوة : أنا اللي عملتك وعملتلك كل ده وعارفة كويس أوي أنك استغلتني كل السنين دي وفي الأخر تقسم ممتلكات أبويا بين ليوزا وفلك صح ؟

عاصي بنفي : لا الكلام ده غلط أنا معملش كده

أنفجرت ضاحكة لتخرج هاتفها وتضعه أمامه ليظهر فيديو له ولمحاميه الخاص يتحدث فيه قائلا

عاصي : لا التلت مش هيبقى باسم جسار لأنه مات .. هيتقسم نصين نص لفلك ونص لليوزا

عادت تضع هاتفها في جيبها لتردف : الكلام ده ملوش غير معنى واحد وهتأكد

عاصي : أيا كان اللي في دماغك لا هيقدم ولا هيأخر

ليلاس بعصبية : استغلتني وقعدت تقولي لو اتجوزتي ماسة هتروح فين ودي فلوسك ودا حقك حاربي عشانه ليوزا عيله خلتني خدامة لرغبات ولاد ابنك وماسة وليوزا وفي الأخر تطلعني بولا حاجة فوق يا عاصي يا قاضي دا أنا ليلاس

عاصي : وأيه يعني ليلاس وكمان أيه يعني بقالك أربعتاشر سنة شايله الشركة ولا ليكي جنية فيها ولا ليكي عندي حاجة

ضحكت بسخرية لتردف : بس ليا نفوذ وليا سلطة ورحمة أبويا لو عملت اللي بتفكر فيه لقتلك حسام وليلى وفلك وهخليك تتفرج عليهم .. مش ليلاس القاضي اللي تعمل فيها كدة دا أنا أرجل من ابنك الطفاش ال*** اللي رمى لحمه

وقف عاصي وقبض على عنقها واشتعلت أعينه ليردف : هقتلك قبلهم ومتنسيش نفسك أنتِ ولا تسوي جنيه عندي

دخلت ماسة الباكية لتدفعه بصعوبة عن ليلاس صارخه : سيبها يا جدي .. ابعد عنها

عاصي وهو يزيد من ضغط يده : هقتلها

أتى عمران على صوتهم ودخل جذب جده بعيد عن ليلاس التي اقتربت منه وتحدثت بفحيح

ليلاس : فرصتك راحت وحياة كل دمعة نزلت من أبويا وقهرة لدمرك واكرهك في اليوم اللي أتولدت فيه .. أنت اللي حولتني لسواد واللي بيعمل عمل بيتردله وأنا هردلك اللي بنيته فيا

خرجت ليلاس وخلفها ماسة ليلحق بهم عمران ويمسك ذراعها يشدها له

عمران : في أيه مالك وأيه اللي حصلك

ماسة ببكاء : جدك كاتب حق أونكل جسار باسم فلك وليوزا وليلاس ملهاش حاجة

عمران وهو يمسك وجنتها : ليلاس بصيلي .. بقولك بصيلي