هوس الثلاثينيه (مكتملة)

هوس الثلاثينية

الفصل التاسع وعشرون

عقدت ليوزا حاجبيها وهي ترى كاميليا تجلس مع نائد وتتحدث بينما هو يستمع بهدوء .. ظلوا قرابة النصف ساعة يتحدثوا حتى وقفت كاميليا وذهبت للداخل فاتجهت ليوزا له

ليوزا : نائد

رفع رأسه لها وابتسم : تعالي في حضني يا قلب نائد

اتجهت له وجلست بجانبه ليأخذها في حضنه وقبل جبينها

ليوزا : كوكي كانت بتكلمك في أيه

نائد : كان بتحكيلي عنك وبتوصيني عليكي دي طلعت طيبة أوي

ليوزا بحب : أيوة يا ريتها كانت مامتي دي عسولة وطيوبة أوي عكس ما جدي وليلى قالوا وماسة وصلتلي

أتى وئام لهما مسرع ليقف نائد ويحمله : تعالى يا بطل

وئام : مش أنت واعدني هتيجي تلعب معايا شوية يا بابي بعد الشغل .. جيت تقعد مع كوكي ومامي

نائد بإبتسامة : خلاص أسف يا بطل تعالي هنلعب سوا شوية

وضع يده على شعر ليوزا مكملا : هروح يا حبيبي مع وئام

أومأت بتأكيد وذهب نائد لتظل لوقت تنظر خلفهم خائفة من فكرة أن تخبره فيأخذ ابنه ويتركها

★★★★★★★★★★★

جلست كاميليا مع تاج يتحدثان بخصوص عمر وبدأت كاميليا تقول لها الأمور من وجهة نظرها

تاج : طيب يا كوكي قوليلي أيه لازمة شغله هو مش محتاج فلوس

كاميليا : بصي يا تاج عدا عن الفلوس عمر بيبص لمركزه وعايز يبقى حاجة يعني مثلا ابنكم لما يكبر يلاقي أبوه رتبة كبيرة وشخص يُحترم مكان ما يروح

تاج : يعني يهري نفسه في الشغل عشان سبب ذي ده طيب لما ابنه يكبر وباباه في الشغل مش جنبه

كاميليا : مين قالك كده خلاص ليلاس رجعت وهو كلها فترة وهيظبط شغله بس بلاش تضغطي عليه .. بصي يا ماسة الدنيا دي جميلة أوي بس أحنا اللي مش بنعرف نعيشها صح

أكملت بتنهيد : أنتِ لسة صغيرة لسة قدامك فرصة وعمر كمان قدامك متضيعيش الأيام في نكد وحزن وعايط وأنت مش جنبي ولا جنب ابنك لا بالعكس هو مش جنبكم لما يبقى جنبكم خليه يبقى أحسن وقت لدرجة أنه يتهرب من الشغل عشانكم .. يا تاج أنت قدامك فرصة غيرك بيحلم بربعها بيحلم بس بكام ساعة يهونوا عليه سنين

قالت كلامها بصوت مخنوق ولمعت عيناها بالدموع لتتحدث تاج بحزن

تاج : فهمتك

ماسة بمرح وهي تجلس بجانب كاميليا : الحلوين زعلانين ليه

كاميليا وهي تحاوط كتفها : تعالي أنتِ كمان عايزة أكلمك

ماسة بقلق : في أيه أنا معملتش حاجة

كاميليا بإبتسامة : عارفة بس عايزين نتكلم في موضوع عمران