هوس الثلاثينيه (مكتملة)

هوس الثلاثينية

الفصل التاسع عشر

"بارك لكما وبارك عليكما وجمع بينكما في خير "

أنهى جملته ليغلق الدفتر مكملا : بالرفاء والبنين

توالت المباركات على ليلاس وعمار لتهتف ليلاس بينها وبين نفسها : أنا مهوسة بعمار بس عمري ما فكرت في اللحظة دي .. أزاي أنا دلوقتي مرات عمار لا وبيحبني .. معقول الحياة كل حاجة سهلة كدة بس أحنا اللي بنصعبها

ليوزا بسعادة : أنا مصدومة بجد ليلاس القاضي أتجوزت .. أوبس مزهولة

ضحكت ليلاس ليحضنها عمر هاتفا : وفيها أيه أجمل بنت في الدنيا أتجوزت

ليلاس : بطل أڤورة يا عموري

عمار بمرح : مش هتجيبي حضن وبوسة كتب الكتاب

عمران : عايز تفهمني إن دي فاتتك

عمار بضحك : عايز الحق

ليلاس : عمار ..

ضحك الكل ليهتف عاصي وهو يحضن ليلاس وعمار : دلوقتي نحدد الفرح ونعلن رسمي جوازكم

ليلاس : فرح أيه

عمار : فرحنا أنا ك عمار معنديش مانع ندخل بعدين نعمل فرح

ليلاس وهي تعود خطوة للخلف : أنت عايزني أعمل فرح ورقص وهبل وأغاني وألبس فستان .. أنت بتهزر

عمار : أيه الهزار في كده أنا عايز ألبس بدلة وأسحب مراتي

ليلاس : يا روح ليلاس البسها وأجرلك عروسة تقضي معاك الفرح إنما أنا البس فستان ويلا اصحاب العروسة ومش عارف أيه والهبل بتاع الشعب ده لا .. أنا أنا ملبسش فستان مش شبهي بجد .. فستان أحنا هنهزر قال فستان قال

نظرت لعمر واردفت : دا بيقول ألبس فستان فرح

عمر بضحك : فستان الفرح بقى شتيمه

عمار : طب خليني معاكي للأخر وقوليلي عايزة أيه

ليلاس : مش عارفة بس لا مش هعمل فرح

عمر : عندي فكرة أنتم تروحوا هاني مون ولما ترجعوا نعمل حفلة جامدة نعلن فيها جوازكم وطبعا أحنا هنعمل هننشر خبر إن اتكتب كتابك على عمار ومحدش هيكذب الكلام

ليوزا : طب هننشر الكلام ده أمته

عمر : قبل ما ينزلوا بيومين تلاتة

ليلاس باستغراب : ثانية بس هو أحنا هنعمل هاني مون

عمار بحدة صارخة : نعم يا حيلتها لا فين المأذون طلقوني ولا مأذون أيه منا هدخل دنيا يعني هدخل دنيا

منعت ليلاس ضحكتها بينما علت ضحكات الأخرين ولأول مرة يشعروا بجو ألفة بين الجميع .. نظرت هنادي لعمر بإبتسامة بادلها إياها لتتجه له وتقف بجانبه