We Found Love (COMPLETED)

Chapter 2

Kinabukasan ay gustong-gusto sana niyang tanungin ang tiyahin pero nahihiya naman siya.

"Kailan ka uli magbabakasyon dito, Pamangkin?" Tanong ni Aunt Alice. Her eyes were glowing. Sa palagay niya, in love ito Kay Harvey kaya?

"Ewan ko po kay Mommy." Sabi niya.

Sumagot ang kanyang Ina. "Naku, Ate mahirap magbakasyon kasi kawawa naman si Clarence kung iiwan naming mag-isa sa America."

"Bakit? Hindi puwedeng magpaiwan munang mag-isa si Kourtney dito tutal   bakasyon pa naman sa school nila? Dati naman, pinapayagan ninyo siyang tumira dito at magbakasyon, ah." Saad ng kanyang tiyahin.

Ngumiti ang kanyang Ina. "Noon 'yon, Ate. Bata pa si Kourtney noon. Alam mo namang nag-iisa naming anak yan at sobrang protective ang kanyang Papa niya. Hindi yan pinapayagan Kung hindi ako kasama."

"Masyado kayong mahigpit sa kanya, Seraphina. Kawawa naman ang pamangkin ko. Baka mag-asawa nang maaga 'yan."

"Siguradong aatakihin sa puso si Clarence kapag nangyari 'yon."

"Matagal pa akong mag-aasawa Mommy, Auntie. Wala pa nga akong boyfriend."

"Basta huwag ka lang gagaya sa akin, Kourtney." Pakli ni Aunt Alice.

Nakakuha siya ng pagkakataong masundot ang kanina pa niya gustong ungkatin. "Bakit, Auntie? Hanggang ngayon ba, wala pa rin kayong nobyo?"

Tumawa ito ng malakas. "Ikaw talagang bata ka. Hanggang ngayon, iyan pa rin ang ikinukulit mo sa akin."

"Eh, Wala pa nga po ba?"

Hindi nasagot ni Aunt Alice ang tanong niya dahil may kumatok sa pinto.

Agad na bumilis ang kanyang puso nang makitang si Harvey ang kasama nito.

May dalang tatlong bote ng sariwang gatas ang binata.

"Harvey, kapatid ko... Si Seraphina at nag-iisa kong pamangkin na si Kourtney." Pagpapakilala ni Aunt Alice sa lalaki. "Siya yong sinasabi kong kaisa-isa kong kapatid at kaisa-isa kong pamangkin. Hindi ko na naipakilala sayo kagabi kasi umalis ka na agad."

Ibinaba ni Harvey ang dala nitong gatas sa mesa. Iniabot nito ang kamay sa mommy Niya. "Ikinagagalak ko kayong makilala."

Pagkuwa'y sa kanya naman iniabot ang kamay nito. "At ikaw, magandang binibini. Ikaw pala si Kourtney na bukambibig ng tiyahin mo. Kamusta na? Ako nga pala si Kendrick Harvey Villamonte pwede mo akong tawaging Harvey, Taga kabilang farm."

Hindi malaman ni Kourtney kung tatanggapin ang palad nito. Basta ang alam niya, malaka na malakas ang pintig ng kanyang puso.

Kung hindi pa Niya naramdaman ang mahinang pagsanggi ng kanyang Ina sa kanyang paa ay hindi pa niya iaabot ang kamay niya.

Pero parang gusto niyang pagsisihan ang pakikipagkamay na iyon dahil nang mapaloob ang kamay niya sa mainit at medyo kalyuhing palad nito, pakiramdam niya ay may bolta-boltaheng kuryenteng pumapasok sa kaibuturan niya.

Agad niyang hinala ang kanyang kamay. She had shooks hands with a lot of guys but she didn't feel the sensation.

Ngayon lang. Hindi tumanggi si Harvey nang anyayahan Aunt Alice na makisalo sa almusal nila.

Nalaman niya sa pagkukuwento ng tiyahin na madalas daw na dinadalhan ito ni Harvey ng gatas ng kalabaw.

Madalas din na doon nag-aalmusal ang lalaki. 

"Mabuti nga at nagkaroon ako ng kapitbahay. Noong nakatiwangwang ang farm diyan sa kabila masyadong malungkot."

Hindi magawa ni Kourtney na makisali sa usapang ng tatlo.