تحت رحمت امير (مكتملة)

part 23

خرج و هي هزات تاج و رجعات لبيت كانت متوترة و كتبكي حطات تاج على لفراش و بقات غادا جايا كضور فلبيت كتفكر كي غدير تخرج من هذ الموصيبة ... تنهدات و شافت جيهت ولدها لي كيلعب و يضحك ب براءة زاظت عندو باست ليه يديه
اثير كلها كترعد : ماغاديش يقد يدينا معاه ... انت ولدي انا بوحدي هو ماشي باباك ... (هزاتو و عنقاتو عندها) هو مغيقدش ياخدك مني انت ولدي انا بوحدي ... (تنهدات) حنا غنهربو من هنا كيما هربنا المرة لول غنهربو حتى هذ المرة هو مغيلقاناش حتى واحد ما غيلقانا غنمشيو غي انا وياك بوحدنا ...
حطاتو و دخلات لدريسينغ جمعات شي حوايج ديالها و شي حوايج ديال تاج و ݣاع دكشي لي غتحتاج ... دخلات غسلات وجها و عودات مكياجها و هزات تاج و هبطات ... يله وصلات لتحت حطاتو فارض و خلاتو كيلعب و مشات تشوف لبنات ...
كاليا تنهدات : اثير انت ما مطراش ترجعي معاه و هو كعندوش حق ياخد تاج منك
ريحان شداتها من يديها : اثير تاج ولدك و انت لي من حقك تربيه يعني واخا يدير لي دار مغيقدش يبعدو عليك
اثير تنهدات و هي كتشوف ف تاج : واخا تلاقا سما مع الارض عمرو ميحلم يبعدو عليا ...
عند سيف كان جالس فلبيرو راد راسو لور و كبتفكر كل كلمة قلتها هو عارف و متأكد ان هدرتها عندها فيها لحق و ندمان بزاف ... عارف حتى ان الندم ديالو مغيفيد فوالو حيت و بكل بساطة هو دار حوايج خيبين بزاف ر ضرها بزاف و هدشي لي كادير هي دابا مجرد رد فعل على دكشي لي داز عليها كان ساهي كيفكر حتى دخلو عندو وليد و علاء
وليد عقد حواجبو : شنو درتي فهاذ المسكينة حتى لهذ الدرجة كتكرهك ... (وليد مكانش فلوقيتتة لي وقاع لموشكيل كان مصافر و منين جا لقاهوم شادين رفيق منين سول عاود ليه علاء بلحق مقالش ليه تفاصيل)
سيف تنهد : لي درتو مينفعش يتعاود انا غلت معاها بزاف و عتارفت و هدشي لي كادير من حقها ولاكين طال زمان ولا قصار غترجع ليا بزز ولا بلخاطر
علاء ناض بنهضا : هد بزز انت هي لي خرجات عليك ... سيف دين هديك راها بنادم ماشي آلة تسيرها كي بغيتي و لي كييبغي شي حد كيتعامل معاه مزيان مقدرين غيرتك و حبك و خوفك عليها والاكين راه حتى هي بنادم و عندها قلب و روح و الى هي مقدراتش تقوليك هذ الهدرة انا غنقولها و الا انت مستعد تعاود تخسر اثير انا ممستعدش نخسر كاليا و كنضن حتا واليد ماباغيش يخسر ريحان ...
سمح فيهوم و خرج و خلا سيف من مراه كيفكر فهدرتو مزيان تنهد و ضور لكرسي و تكا عليه ... اما وليد فا تنهد و خرج تبع علاء لي كان جالس فجردة معصب ...
ولين تنهد : علاء دين ... لهدرة لي قولتي كانت قاصحة عليه راه كيبقا خوك و طبعو صعيب و انت عرفو متملك و مغيصبرش يشوف مرتو مع حد اخر
علاء غمض عينو بعصبية : هو راه بدكشي لي دار حرمني من لبنت لي كنبغي عاماين و بهدشي لي كيدير راه غيرجع يحرمنا كملين غي جوبني واش مستاعد تخسر ريحان و انت عاد لقيتيها ... اا جاوبني ...
وليد بقا غس كيشوف فيه حيت عندو الحق تصرفات سيف غتوصلهوم لشي مواصل هما مقدين عليهوم تاني ... طاح ضلام و لبنات كل وحدة قصدات بيتها تنعس الحرجة واقفة فالقصر كلشي ناعس ضلام و سكات ... خارجا كتسلت من بعد مهبطات كاع دكشي لي جمعات درتو فطوموبيل و طلعات هزات تاج دين لي كان ناعس تاكدات ان حتى واحد مكين و خرجات بشويا ... ركبات فطوموبيل و كسيرات بجهد خرجات من بوابت القصر و هي كتشوف من موراها ليكون شي حد مراقبها ...من زهرها كانو رجال لي دير سيف يراقبوها نعسين ... شافت راسها بعدات على القصر نقصات الصرعة و بقات صيݣا بيد و لخرا متكيا عليها فسرجم كانت كتفكر ݣاع دكشي لخايب لي دوزات معاه من بعد لحضات بظاو كيدوزو قدمعا ذكرايات زوينة ... كيفاش كان كيدافع عليها حدا باه و كيفاش كيسكت مرات باه و صفاء منين كيبغيو يدويو معاها ... تفكرات منين كانو كيكونو بجوج كيضحكو و منين كيغير عليها من علاء و كيخبيها مراه ولا منين كانت كتفيق حداه و هي معنقاه ... تفكرات هذشي كامل و هي صيكا و فلحضة دازت قدانها ديك اليلة الكحلة بكل تفاصيلها بغواتها و بكاها و ترجياتها ليه و هو بحال شي وحش كيهنشر فحوايجها و لهمها ... شدات فران بجهد حتى تخلع تاج و بدا يبكي فيقها من دكشي لي كنت فيه تنهدات نزلات رجعات لور هزات تاج دين فيديها و بدات ترضعو و دغيا رجع نعس حطاتو و رجعات لقدام تصوݣ كان قرب يطلع نهار ... فاقت كاليا على ابيل ديال علاء دين لي كان باقي منعسش معصب و دمو كيغلي باغي غي يسمع صوتها على الاقل يبرد شويا ...
كاليا بصوت ياله فيقا من نعاس : واش حلمتي بيا مالك مصونيلي مع 5 دصباح
علاء بتاسم : انا كنحلم بيك و انا فايق بقا غي و انا ناعس ...
كاليا بتسمات و هي ميتا بنعاس : واش جاتك عليا صباح هذا خليني نعس حشوما عليك
علاء تنهد : خايف ا كاليا ... خايف تعودي تمشي و منعرفش فين نلقاك خايف بزاف انني نعاود نخسرك و انا مدير والو
كاليا بتسمات و ناضت من فراش : انا هنا معاك متخافش معندي فين نمشي ...
علاء تنهد براحا : ياله احبيبي سيري ترتاحي دابا ....
كاليا تكسلات : لا غي خليك معايا حتى نمشي نشوف اثير و تاجو و نرجع و ديك ساعا قطع ...
ضحك و بقا معاها كيسمع تحركاتها و انفاسها لي كيريحوه ... وصلات لبيت اثير لقاتو محلول رغم انه ممولفاش ليها ضروري تسد لباب عاد تنعس عقدات حجبانها و دخلات لبيت كان سرير خاوي ...
كاليا بقلق : اثير واش انت هنا ... تاجو طاتي فينك
علاء بدا يتخلع : كاليا مالك فين اثير و تاج دين ...
كاليا مخلوعلة : علاء اثير مكيناش فبيت و حتى فالحمام ... (دخلات درسنغ) و حتى حويجها هي و تاج نقصين اويلي ياكما طرات ليهوم شي حاجة ...
علاء ناض بزربا مخلوع : غي تهدني انا غجي عندكوم دابا ...
ناض كيجري هابط فضروج حتى كيبان ليه سيف خارج من لبيرو كان بايت خدام على شي وراق باش يرض تاج على سميتو و يرد اثير معاه لمغرب ... شاف علاء هابط كيجري و كيعيط على وليد حس بيه مخلوع من شي حاجة ...
سيف عقد حجبانو : مالك كتغوت اش واقع ...
علاء تيدوي بزربة : اثير و تاج دين ...
سيف سمع سمياتهم خرج عينيه بخوف : مالهوم ... مال اثير و تاج دين ... دوي ا علاء مال مرتي و ولدي اش وقع ليهوم
علاء كيبلع ريقو : معرفتش قلبات عليهوم كاليا فلبيت ملقاتهمش ...
وليد عقد حواجبو : كيفاش ملقتهومش ...
علاء تنهد : ماعرفتش كونت دوي معاها اپيل و قاتلي نبقا معاها بنما شافت اثير و تاج دين منين مشات ماقتهومش ...
سيف متسناهش يكمل خرج كيجري من لقصر و هوما موراه خدا طوموبيل و ركبو كاملين و كسيرا بجهد ... فهاذ الوقت كانت اثير وصلات لمطار ... جا واحد من لعمال هز ليها شوانط و درهوم فبلاصة دبݣاج بحكم انها غتخد طيرتها الخاصة و هي هزات تاج و طلعات ... وصلات لطيرة يله جات تحط تاج فبلستو و هي تصدم بدكشي لي سمعات ...
تاج بطفوليا : باااا بااااا
اثير خرجات عينيها من صدمة : تاج ولدي اش قلتي
تاج ضحك بطفوليا : ماما بااااباااا
غمضات عينيها بجهد و بدات تعاود ليها هدرت كاليا و ريحان فودنيها ...
كاليا بهدوء : انا كنقدر خوفك على تاجو ولاكين هو كيبقا باباه و تاج محتاج باباه معاه ...
ريحان كتاكد هدرت كاليا : اثير تاج منين غيزيد غي شويا غيبغي باباه غيسول بزاف و يقد يتعرض لتنمر من ناس فالمدرسة و بزاف
كاليا بجدية : اثير واه باه واش هذ لولد ايعيش بلا اب منين يوصل لمدرسة و يلقاو عندو كنيت ماماه واش عرفا كميت التنمر لي غيتعرض ليها
تنهدات و هبطات عليها دمعة حارا على خدها فكرات انه غيكون محتاج ل باباه و باغي باباه يكون معاه مفيها من سهوتها غي صوت المضيفة
المضيفة بانجليزية : سيدة اثير القبطان كيتسنا منك اشارة باش يقلع ...
اثير تنهدات : خبريه بانا الرحلة تلغات و قوليهوم يرجعو حوايج لطوموبيل دغيا عافاك ...
المضيفة هزات راسها ب الجواب و مشات اثير تنفسات بضيق و زيرات عندها تاج و نزلات من طيارة ... لقاتهوم كيرضو الحوايج لبليسهوم ... حطات تاج و دارت ليه سنتير و طلعات هي بلستها و قلبات ضورا فاتجاه القصر ... كانو دراري وصلو و لقصر مقلوب سيف غيتسطا باغي غي بفهم اش واقع دخل و هو دمو كيفور ...
سيف تيغةت : بغيت نفهم فين هي فين مشات و كفاش حتى خرجات بلا ميشوفها حتى واحد ...
كاليا معصبة : معندك حق تلوم حتى واحد حيت الوحيد الملام هنا هو انت و بس ...
سيف معصب ولاكين مبغاش يجوبها حيت حس بلي عندها لحق ... دار عند وليد
سيف و هو معصب : فين ديك زو.... لي حاط انا باش يرضو ليها لبال فييييين ...
وليد تنهد : كينين برا شديناهم و جبناهوم مبغيناش ندخلوهم ...
سيف مجوبوش ضار جيهت الباب باش يخرج حتى وقف مصدوم كيشوف فجيهت الباب ... يتبع /