درباتها الفيقا مع 05:30 ديال صباح شافت حداها ملقاتش سيف ستغربات لانها ملفا تنوض تشرب فهذ لوقت و كتلقاه حداها هزات تيليفونها تشوف ساعا و هي تبلعل مصاج وتساب مصفط شي ساعا قبل دخلات كان اديو من سيف دين ... ستغربات حيت ما مولفاش ليه حلاتو كتسمع ليه و مع كل كلمة قلبها كيزيد يضرب و عينيها كيوساعو و يتجمعو فيهوم دموع ...
سيف فاديو : اثير حبيبتي و مراتي عرفك غيجيك هذ المصاج غريب و ف هاذ الوقب بضبط (تنهد) ليوم هدرتك خلاتني نفهم شحال انا منسواش و شحال انا كنشبع ل عتيق و مكنخلف عليه فوالو حيت اذيتك كيما هو بضبط اذا الوليدة من زمان والاكين لفرق هو اداها حيت كان كيكرها اما انا فا خوفي عليك و حبي ليك هوما لي خلاوني ناديك ... اثير (سكت شويا) من ليوم مبقيتيش غتشوفيني قررت نموت حيت مبقيتش قدر على بعدك عليا وصي معاك علاء يتهلا فيك و فتاج و انا حرمت عليك دينك كون يقصك راجل من غيري تهلاي فراسك ...
سلا الاديو و قلبهل كيضرب بجهد و دمعها شلال ناضت كتجري هزات عابايا و شال و مشات بجرا ل بيت علاء و كاليا
اثير كدق بجهد و كتغوت : علاء كاليا حلوووو علااااء حااال ...
كاليا حلات ليها لباب مخلوعة : اويلي مالك اش فيقك فهذ لوق و اش واقع واش طريا شي حاجا ل تاج دين
اثير كتبكي بهستيريا : سيف سيف كاليا سيف غينتحر سيف غسمون ...
علاء خرج و علامات الاستغراب على وجهو : كيفاش اثير واش دربك حمار ليل اش واقع ...
اثير فتحات ليه الاديو و بدا كيسمع ليه و هو مصدوم مزال مسالاو حتا وقف عليهوم وليد و هو صفر قطرة دم مفوجهوش
وليد مخلوع : علاء سيف لقاو طوموبيلتو طيفو من الجرف و هو مفهاش
علاء بحال الى كبيتي عليه صطل د الماء بارد جمد بلاصتو اما اثير فا داخت غي كاليا و ريحان لي شدوها حيت ريحان سمعات صداع و جات ...
علاء دخل لبس عليه كبيتشو و خرج كيجري هو و وليد اما اثير فا تبعاتو و كاليا شادا فيها و رحان هزات تاج لي كان كيبكي ففراشو وتبعاتهم طلعو طوموبيلات و كسيراو بجهد وصلو لجرف كانو طلعو الطوموبيل وبقين كيقلبو على سيف لي مليه حتا اثار ...
اثير مشات كتجري و كتغوت : سااااااااااف سااااااااااف لااااااااا لاااااااااااااااا
شدها علاء و عنقها و وليد مشا كيدوي مع البوليس لي مكلفين تماك لبنات كلشي كان كيبكي و اثير منهارا مقداش حتى تنفس غي كتبكي و معنقا علاء لي قلبة ربي لي عالم بيه على خوه تاج عياو يسكتو فيه لبنات و والو واش بغا يتهدن ...
اثير مسات دموعها : كاليا طيني عليك تاج ... (خداتو من عندها) حبيب ماما صافي متبكيش غي صبر شويا غيجي بابا و غنرجعو دار كاملين و نعيشو فرحانين ... (شافت جيهت الجرف) خرج ا سيف عافاك كنواعدك كلشي غيرجع كي كان تيق بيا مسمحا ليك و كنبغيك كتر متصور ...
لبنات كيشوفو فيها و قلبهوم كيضرهوم عليها ... بقات جلسا فطوموبيل حتا نعسات تاج و خرجات كان الصباح بدا يطلع و هوما مزال كيبحتو ... وقفات حدا طوموبيل كدعي و لبنات حداها حتا جا واحد من لبوليس هدر مع علاء و وليد بان ليها علاء توازونو خل مبقاش قادر يوقف اثير فهمات بقات كدور وجها يمين و شمال بمعنا لا علاء تمالك راسو و زاد عنها بشويا ...
علاء كولو كيرعد : اثير شدي فراسك واخا سيف لقاو الج...
اثير قطعاتو و بهستريا : لا لا متقلهاش سيف عايش ماطرا ليه والو سيف بيخير هو غيرجع لعندي و عند ولدو نزال غنعيشو بجوج عافاك متقولهاش هو غيبقا ديالي ديما غيكون ليا انا مغاديش نقد نعيس بلا بشه لا لا لا ...
شفتهم خرجو جثة هزينها بواحد الرافعة مغلفة بواحد الكيس تجمدات مبقاتش قادا تحرك طاحت فالارض كتبكي نزلو لبنات كعندها و فتانية مشات كجري لعندو
اثير كتغوت : سيف لا لا عافاك نوض عافاك مديرش ليا هكا متمشييييش سااااايف ... (كدوي مع طاقم الانقاد) حل هذ زمر حالوووو هو عايش لاش ديرين ليه هاكا حاااال (هلاء جا عندها كيحاول ينوضها) علاء قول ليهوم يزولو ليه هدشي غيخنقوه هو عارفني كنبغيه مغيخلينيش بوحدي قولهوم يزولو ليه غيخنقوه ...
علاء عنقها و بغي يجرها و هي ماباغاش ترجع معاهوم حتى تحطات يد على كتف علاء و بانت ملامح الصدمة على وجه لكل ... علاء طلق اثير من صدمة و سكتت ݣاع الاصوات اثير هزات راسها بتقالا منين خترقات ريحتو انفاسها ... شافت فيه بحال الى حداها خيال هزات يديها بشويا و مسات وجهو حتا داخت و طاحت ليه فيديه ...
كتحل عينيها بتقالا و راسها كيضرها عضمها مدكدكين و مقداش تحرك كتحس بشي حاجا مخترقا عرقها ضراها فيديها حلات عينيها كتشوف فيقف كتحاول تستوعب اش وقع حتا ناضت من بلستها طفجا
اثير بخوف هستيري : سيف دين فين هو اش وقع فين تاج دين فين راجلي و ولدي ساااايف ...
كاليا جوات عندها كتحاول تهدنها : شششششت تهدني موقع والو هوما بيخير كوشي بيخير ...
اثير كتبكي بهستريا : فين هوما عافاك اختي ديني ليهوم (كتحاول تزول شوكة د سيروم) زوليلي هدشي و ديني عندهوم عافاك
كاليا عنقاتها : تهدني ها هونا غيجيو عافاك تهدني اختي كضري صحتك هاكا
اثير كتبكي : سيف دين فين سي....
قبل متكمل هدرتها قطعاتها الباب لي تحلات و دخل منها سيف هاز تاج فيديه و موراه علاء و وليد لي كل واحد فيهوم مشا عند حبيبتو ... اثير ميم شافتو ناضت تجري لعندو حتى تنترات يديها بجهد و ضراتها الشوكة لي فيديها ... طلقات انين بوجع خلا سيف يتنفض من بلاستو بالخلعا جرا عندها و عطا تاج لريحان و شد فيها
سيف مخلوع : حبيبي ملك اجي بشويا عليك عنداك (جرها تجلس فلفراش) اجي جلسي
اثير كتقيس فوجهو و مخلوعة : انت بيخير ياك قالولي متي انا متيقتهومش ياك انت بيخير ياك
سيف عنقها : بيخير احبيبي غي تهدني بيخير ...
بدلاتو لعناق و زيرات عليه و هي كتبكي بقات هكك شويا و هو يدق عليهوم طبيب و دخل ...
الطبيب : جلالتك سمحلي نشوف جلالت الاميرة ...
سيف شاف فيه و خنزر : ماكاينش طبيبة مرأة لي تشوفها ...
طبيب توتر : كينا جلالتك انا نصفطها ليك دابا
خرج طبيب و هو بعدها عياه تكاها و هي شادا يديه مبغاتش طلق ... نخليوهوم يشوفو اش بيها لالا اثير و نردوكوم تفهمو اش وقع ...
# فلاش باك لنهار لي ودات فيه كاليا مع سيف ...
كاليا تنهدات : ختي سمحات ليك غي خصها تقتانع بهذشي
سيف شا فيها بحزن : دكشي لي درت مكيتغفرش هي معمرها غتقد تسمحلي ...
كاليا بتسمات : بغيتي ناكذ ليك بلي سمحات ليك ...
سيف عقد حجبانو : كيفاش
كاليا ضحكات : تبعوني و مغتندموش ...
علاء كيشوف فيها مسخر عينيه : انا مكنتيقش فهذ الشفات ديالك
شافت فيه بضحكة شر خلعاتو منها نيييت بقا كيشوف فيها بمعنا اش كتخططي تاني ...
كاليا بتسمات ل سيف : انا مغديش نعطيك خطة ولاكين لي نقد نقولو هو الى بغيتي ختي ترجع ليك خصك تحسسها بالخطر و الخوف ... اثير ختي و كنعرفها منين كتحس بالخطر على شي حد كتبفيه مكتبقاش تحكم فراسها و كيصيطر عليها لخوف و تماك غدي تحس بلي كتبغيك و غتعتارف بيها ݣاع ... واش عقلتي منين جات ل تاج سخانا ولا منمشيوش بعيد غي منين فاقت ملقاتوش حداها كي تخلهات ... اثير عندها هذ الفبيا من نهار ماتو وليدينا يعني الا بفيتيها خصك تدير شي حاجا هاكا ... المهم انا لي عندي قلتو و نخليك دابا تصبحو على خير ...
لاحت ليهوم هذ الهدرة و طلعات بحالها لبيت سيف بقا جالس كيفكر كيفاش غادي يدير يخلعها و يردها ليه ...
علاء عقد حجبانو : فاش كتفكر ا سيف
سيف تنهد : كفاش نرد مرتي ليا
علاء هز يديه لسماء : انا غنمشي نعس و مدخلنيش فهدشي ...
سيف خنزر فيه و هو جمع يديه فوق راسو بحال لهنود و طلع ... اما سيف دخل لبيرو ر بقا كيفكر كيفاش غادي يردها ليه لقا فكرة جهنمية لي غتنجح 100٪ حساب الهدرة لي قالت ليه كاليا وللكين مبغا ينفد والو دابا حتا دوز ديك سيكانا دلعرس و علاء و كاليا يصافرو حيت باغي كلشي يكون واقعي و دوز ديك سيمانا عادي حتا لهذ النهار و منين طرات بيناتهم ديك المجادلة صبح قرر ينفد خطتو و من حسن حضو كاليا و علاء كانو تحت تاتير الصدمة لي خلاتهم ينساو لهدرة د ديك نهار و يركزو فالحادت و هو هدشي ليكان باغي باش يبان لاثير كلشي طبيعي و متشك فوالو كان باغي ردت فعل علاء و وليد تكون عفوية باش هي متحس بوالو ... مشا وقف عند جرف و صفط المصاج ل اثير و ناض دار فطوموبيل دمية تقل ديالها بحال انسان و هدشي بمساعدو د واحد البليسي باه كان خدام فالقصؤ و من تماك تعارفو منين كانو صغار و بقاو صحاب بعد مصفط لمصاج ل اثير دفع طوموبيل باش تنزل فجرف و منين طاحت تلاحت منها ديك دمية لي دارو فيها باش يبان كلشي حقيقي و ديك البوليسي عيط لفاريق ديالو و تماك بدات الخطة ديلهم و لباقي فراسكمو فدسك لوقت كامل كلن جالس فطوموبيل بعيد حاضي اش واقع ...
باك ...
اثير كانو سلاو ليها الفحص و بقا معاها غي سيف حيت جرا على كلشي الغيرة يا سادا ...
الدكتورة : جلالتك الاميرة معندها والو غير دوخة بسباب التوتر و سيروم سالا يعني تقد تخرج ...
سيف محنزر كي العادا : تقدري تمشي ...
الطبيبة تحنات احتراما و خرجات ... اثير كانت غي شادا ليه فيديه و كتشوف فيه ممتيقاش انه حداها ...
اثير تنهدات : سيف دين
سيف بتاسم : روح سيف دين
اثير عينيها دمعو : كونتي غتخليني بحال لي خلاوني ماما و بابا
سيف باس على راسها و عنقها : عمري غنخليك ... (بعدها عليه و شد حنكها فيديه) دابا سمحتي ليا احبيبي
اثير دموع نزلو ليها : درتي هذشي كامل باش نسمح ليك ياك بغيتي تحمقني ...
سيف ضحك و ضربها بطرف صبعو لنفها : تيحمقني هذ الذكاء ديالك احبيبي ... و دابا نوضي بدلي راه ولدنا كيتسناك ...
اثير قلبات عينيها : عيط لبنات يعونوني ...
سيف زاد لودنها بابتسامة : و انا اش تندير هنا امم
خلاها مصدومة و ناض لجيهت بلاكار صغير فلبيت جاب ليها حويجها لي جابوهوم ليها من لقصر بامر منو و زول ليها ديك الكسوة د طبيب و هي ديرا فيها حشمانا بدل ليها و سالا لبسها سروال دجين ازرق و كبوط فاسود سخيخن و سبرديلة فالابيض و الاسود ... وفها مسندا عليه و خرجو كانو بنات و دراري سبقوهوم القصر يبدرو و يرتاحو و داو معاهوم تاج لي حتا هو عيا .... كان خارج من البيت شاد ليها فيديها و عطا ساك لواحد من الݣارد لي كانو محوطين المستشفا كامل ... ركبو فطوموبيل و كسيراو نيشان لقصر وصلو و دخلو شاد ليها فيديها و غيدي معاها و هي دايرا فيها مقلقة عليه وصلو لصالوني لي كانو جلسين فيه كملين و معاهوم حتا عائشة و احمد ... لبنات غي شافوها تلاحو عليها كيعنقو تقول غابت عليهوم عام اما علاء فا جر سيف جلسو و بقل كيتسناه يبدا يعاود لبنات جلسو اثير لي مقداش حتا تهز راسها غي مسندا على كاليا ...
اثير بتعب : كاليا فين تاج دين
كايلا دوزات يديها على حنكها : فبيتو احبيبتي بدلت ليه و وكلتو و نعس حتا هو عيا
اثير بتسمات بتعب : واخا سمحيليا عديتك معايا
كاليا خنزرات فيها : غندير راصي مسمعت والو حيت مبغاش نضربك و انت مريضة ...
الكل بدا كيضحك على رد دكاليا و حنيتها على ختها و حبها ليها و لتاج دين
سيف ناض عند اثير : حبيبي ياله ترتاحي
اثير قلبات عينيها : كاليا قالو بلي مبغاش ندوي معاه ...
سيف ياله غيجوبها حتى قطعو علاء
علاء عقد حجبانو : فين ناوي تمشي اسي مغتحركش حتى تعاود لينا اش وقع و شنو ديك لمصرحية كملا ...
ضحك سيف و بدا كيعاود ليهوم على اش وقع سلا و خلا كلشي مصدوم بداو كيضحكو شويا و كل واحد قصد بيتو يرتاح ... عائشة و احمد مشاو بعد مطمنو على اثير و وليد و ريحان خرجو يجلسو فجردة ... دخل سيف لبيت لقاها خرجا من دوش لبسا بنوار و فوطة على شعرها كتزيد بزز ... يتبع /
أنت تقرأ
تحت رحمت امير (مكتملة)
Romance#حصـــريــــا عــلــى كــرنـفـال للـقـصـص راقـيـة 🎭 🚨يمنع النشر منعا باتا الى بعد اخذ الاذن🚨 مع الكاتبة. #Salma_Za ثاني قصة ليا... بعنوان : #تحت_رحمة_أمير تقديم ...... ____________________________________________ ⚫من بين جميع البلدان...
