تحت رحمت امير (مكتملة)

part 24

كانت اثير ياله وقفات و فيديها تاج دين و لݣارد دخلو لحوايج ... وقفات كتشوف فيهوم بلواحد ياله جا سيف يقرب ليها و يهدر و هي تحبسو بيديها ...
اثير ببرود : غنرجع معاك ولاكين عندي شروط الى باغي ولدك ...
سيف عقد حجبانو : اش هوما هذ الشروط ا لالا
اثير تنهظات و مشات جلسات : اولا انا معمري غنكون مرتك يعني بنسبا ليا انت بات ولدي لا اقل ولا اكثر .... تانيا مغديش نخلي خدمتي و شريكات لي بنينا انا و ختي يعني غيتبقا الادارة فيدي و غدي نمشي نخدم عادي يعني نخرج و ندخل كي بغيت ... ثالثا ريحان دابا ولات خدانا معايا فشاركة ماشي عندك فلقصر (ريحان بتسمات حتى دمعو عينيها حيت فلموقف لي هي فيه و هدشي كامل لي واقع و كتفكر فيها حسات براسها لقات اخت دبصح) رابعا انا مكنتيقش فديك مرات باك و و عود ند دبنت عمك ميقربوش جيهت ولدي و كون تخرج ديك عود ند من لقصر كان احسا ... (لاحت ليه هذ الهدرة و وقفات) غنطلع نوكل ولدي و نرضعو و انت ليك واسع نضر فكر فهدشي لي قولت مزيان ...
خلاتو مصدوم و ناضت طلعات لبيتها اما هو زير على يديه هدرتها عصباتو و اكتريا منين قالت انها تخرج و دخل كي بغات واش هو كيغير من لهوا لي كتشمو بلاك يخليها تخرج و دخل كي بغات ... خرج لجردة و بقا غادي جاي كيفكر فهدرتها دراري خلاوه على خطرو و جلسو بعيد كيراقبو تصرفاتو اما لبنات فطلعو تبعو اثير ...
ريحان عينيخا مغرغرين : عندك هذ الكشكيل كملين و كتفكري فيا ...
اثير بتسمات : واش يحساب ليك انت رخصة عندي راه مبقيناش غي صحابات ولينا خواتات
ريحان زادت عندها عنقاتها : لله يخليك ليا ر صافي ...
كاليا كانت واقفا و ساهيا بحال الا فحنجورتها شي حاجة باغا تقولها و مقاداش
اثير شافت فكليا : غا طلقيها بلا متبقا واحلا ليك
كاليا بصدمة : لا انت بزاف باش عرفتيني باغا نقول شي حاجة ...
اثير ضحكلت : وا راه منين كانت عدنا 5 سنين و حنى بجوح بقات راه شرباك احبي ياله اش كاين
كاليا حنحنات بتوتر : انا و علاء ... احم انا و هو
اثير بتسمات : رجعتو لبعضياتكم ...
كاليا توترات : اثير عافاك متقلقيش انا مكنتش نويا هو لي ...
اثير قطعاتها : واش هبيلة شكون لي كان كيحفزك ترجعي ليه عمتي لي عمر طسيلتك عرفتيها ... انا بلعكس فرحت ليك واش انا بديك زهر نشوف ختي فرحانا و علاش لا مزوجا بسيد لي كتبغي و حتى علاء راه بحال خاي و عندي عزيز و خيرو سابق
كاليا جرات عنقاتها و بستها : كنحبك انا و على هذ الهدرة زوينة انت دخلي بدلي و انا غنبدل ل تاج اري لهنا ...
زولات ليها من يديها ليكوش و لانجيت و دكشي و مشات تبدل لتاج اما اثير فا ضحكات و دخلات لدرسنغ تبدل عليها ...
اثير كتهدر من درسنغ : فراسك شي ناس هنا بداو يحبو و حنا مجيبين لدنيا خبار ...
ريحان ببلاهة : شكون هذا لي كيحب ياكما شي وحدة فلبنات
كاليا ضحكات بجهد : لا غي واحد البنت سميتها ريحان عرفتيها
ريحان تزنݣات : لا ماشي هكك انا غي
اثير قطعاتها : انت غي شنو امممم ...
ريحان بستسلام : ما عندي هروب ياكو خسني ندوي
اثير و كاليا فدقة : يرضي عليك ...
بتسمات و مشات جلسات اما لبنات كل وحدة سلات دكشي لي كدير و جلسو حداها كل وحدة من جيهو و حطة تاج دين ف فراشو ...
ريحان بتسمات : اوا اجيو نعاود ليكوم اول مرة شفتو ...
# فلاش باك
ريحان تنهدات : رضية واش هذ لملاقيات ديالك مغيساليوش نخاف شي حد يحصلنا
رضية كتشوف رسها ف مرايا : شكون غيحصلنا تماك غي انت حضي مزيان ...
خرجو فاتجاه ديك البلاصة بحكم ان ريحان اصغر من رضية ب 3 سنوات كانت عندها 18 عام و ريحان عندها 15 عام كانت باقا صغيرة و ساهل تلعب ليها بدماغها ... و هوما فطريقهوم كيتسلتو بان ليها الامراء و معاهوم شي واحد جلسين فجردة كان كبير عليها بشي 7 سنين وخا هكك مقداتش تهبط منو عينيها ... من ديك نهار ولات كاتشوفو بزاف فلقصر ولاكين غي من بعيد كمتقدرش تقرب ليه ... قدرات تعرف بلي هو ولد خالة الامراء و عزيز عليهوم بزاف داير بحال خوهوم و هو صحبهوم الوحيد هو معمرو رد ليها لبال ولا شافها و هي بقات كتبغيه من بعيد حتى صافر يكمل قرايتو على برا و من تم معودات شفتو حتى نهار لي مرض فيه تاج دين و جا دوا معاها فطبيب و كانت اكبر صدمة ليها واخا هكك بقات شادا فراسها ...
# باك
اوا يلحبيبات هذي هي القصة ...
ضارت لقات لبنات متاثرين و اثير علاين يطيحو ليها دموع
اثير كتغبن : واو حب الطفولة شحال زوين بكيتوني
كاليا قرفداتها : حنى معدناش حب ادسطونس كتبغيه غيكون ليك سدينا ...
بداو كيضحكو على كاليا و حماقها اما عند دراري بقاو كيشوفو ف سيف حتا جا جلس حداهوم ...
سيف عاقد حواجبو : اش بان ليكوم انا راه حرت
علاء تنهد : و عندك ختيار اخور ...
وليد حط يديه على كتفو : شروطها مافيهومش لعيب اخويا غي فكر مزيان؟
بقا كيشوف فيه شويا و ناض دخل ... مدوا مع حتى واحد طلع نيشان فضروج و هو كيسمع ضحكتها لي شحال و هو مفتقدها بتاسم بلا ميحس تبع صوت حتى وصل لباب لبيت مدق ما والو حل لباب بجهالا و دخل ... هي شافت فيه عاقدا حواجبها و بنات شافو فبعضهوم و خرجو يخلوهوم يدويو ... سد الباب مو مور لبنات و تحرك لفراش ديال تاج هزو فيديه و شم ريحتو ر باسو فراسو ...
سيف تنهد : شحال عندو بضبط ...
اثير قلبات عينيها : عام و 4 اشهر ...
سيف بتاسم : ختنتيه ولا مزال ...
اثير بلعات ريقها : لا مزال و اصلا بلاش غينزل منو دم بزاف و غيبقا يتقصح و غيبكي لا مبغيتش
سيف ضحك : هدشي عادي ݣاع لوليدات كيدوزو من هدشي ... (رجع حطو كيلعب معاه) بدا كيهدر ...
اثير تنهدات : كيقول ماما و شي كلمات قلال ...
تاج ضحك بطفولية : ماااا مااااا
سيف شاف فيه مبتاسم : اممم و امتى غتعلم تقول بابا اا
تاج كيلعب بصبع سيف : بااا بااا
سيف شاف فاثير بنضرات فشكل بحال كيسولها واش هدشي لي سمعت بصح واش قال بابا ... هي بتسمات بلا متحس و هو هز ولدو كيبوس فيه و جلس فوق لفراش ...
سيف تنهد : انا خديت منهوم حقك و حق حتى تاج دين
اثير بعدم فهم : من عندمن خديتي حقي مفهمتش ...
جبد طيليفون من جيبو و فتح ليها كمرات المراقبة على صفاء و رفيق خرجات عينيها من هول الصدمة دهدشي لي كتشوف واش بصح هو دار هدشي و على قبلها ... بلعت ريقها و شفت فيه
اثير بتوتر : كي درتي عرفتي بلي هوما من مور كلشي ...
سيف حط تاج و شدها من يديها : رفيق كان هربان و نهار شديناه عتارف بكلشي عترف بكشي ... (تنهد) اثير انا درت دكشي من غيرتي عليك مكنتش نقدر نتحمل نشوف شي واحد كيقصك نفضل نموت
اثير عينيها تغرغرو و نترات يديها منو : لا انت فضلتي الاغتيصاب و دا و السبان و الاهانة ماشي لموت ... (غمضات عينيها بجهد و عودات حلاتهوم) اشنو قررتي ف الشروط لي قولت ليك ...
سيف تنهد تنهسدة طويلة : انا موافق على انك تكملي خدمتك بشرط يكونو معاك لݣارد فينما مشيتي ... و ريحان اصلا دابا ولات محسوبة على وليد يعني غيعيشو معانا بصفتها مرات ولد خلتي ... اما فزية فا تهناي من جهتها حيت متقدش تمسك بسوء لا انت لا تاج ...
اثير بستهزاء : زعما انا ساهلا ليها ...
سيف بتاسم : اما على شرط نتاع غتكوني غي مامات ولدي ماشي مراتي (بقا كيقرب ليها حتى لصقها لحيط) فا غنشوفوه من بعد
اثير بلعات ريقها و حسات برسها غتستسلم ليه حتى جات قدمها دكشي ليدار و فاقت من سهوتها
اثير دفعاتو : اثير لي كنتي كتعرف ماتت و هذي اثير جديدة معمرك غتاثر فيها سمعتي ... و يمكلك دابا تخرج بغيت نجمع حوايجي ...
تنهد هو وخرج و هي عيطات لوحدة من بنات تجي تعونها و لخرين مشاو عند كاليا و ريحان ... جمعو حويجهوم كملين مخلاو حتى حاجة حيت عرفين بلي مغيرجعوش و الى رجعو شي نهار غتكون غي على ود الخدمة ... كملو و هبطو لتحت مع كمية هئلة من شوانط لي كينقلو فيهوم لݣارد لطوموبيلات ... جاو دراري و كولا جر حبيبتو يركبها معاه اما سيف فا عطاتو اتير تاج دين و صبقاتهوم هي كتمشا هازا نفها لسماء ... بقات لكارد قادو بلاسة د تاج ... حطو سيف و قدلو صمطة و هي ركبات لقداو كان دير ليها خطرها و مسايرها و هو فداخل ديالو غيموت بضحك على تصرفاتها الصبيانية و كفاش ديرا فيها عزت نفسي متسمحليه هههه ...كسيراو نيشان لمطار و تماك كانت كتسناهم الطيارة الخاصة الملكية ... نزلو لبنات و كل وحدة ضحكة من ودنيها الى اثير لي عقدهم ... هزات تاج لي جا علاء خداه منها و تم طالع بيه ...
اثير غبشات : واش انا غنبقا نشد نوبة على ولدي ...
علاء ضحك عليها : خليه مع عمو شويا تي مالك ...
بداو ضحكين و طلعو ما هي الى ساعات قلال كانو وصلو لمغرب و اخيرن بعد عناين كترجع و تشم هواء بلادها ... هبطو من طيارة و هوما مقدهوم فرحة ركبو طوموبلات لي كانو بوش كحلا ماط د علاء لي راكب معاه وليد و معاهم ريحان و كاليا و كسيراو نيشان لقصر و جيب كحلة ماط حتى هي ديال سيف لي حداه ركيا اثير و تاج فيديها حست مبغاش يسكت من لبكا و هزاتو كترضعو و سيف غيقطع راسو من لغيرة ههه ... بعد دقائق كانو فالقصر و مع دخلة كولشي كان مصدوم ... يتبع /