تحت رحمت امير (مكتملة)

part 26

فاقت اثير كتكسل بشويا بلاصتها دارت لجيهة الاخرة مبانش ليها تاج دين و حتى سيف مكينش ناضت بزربة و قلبها كيضرب ... كل ما فعقلها بلي سيف دا ليها ولدها بلا متحيس بداو يهبطو ليها دموع ... كتوصل حتى ل تاج كتولي حساسة بزاف ناضت كتجري كتقلب فلحمامات بجوج و فدرسنغ مبقاتوش خرجات كتقلب فكلوارات و مشات لبيت و د كاليا كدق بجهد ... خرجات هندها و هي مخلوعة
اثير كتبكي : تاج ... سيف ... سيف دا تاج و مشا دالي ولدي
كاليا معدم فهم : كيفاش داليك ولدك تهدني و دوي بشويا ...
اثير كتنفس بزز من لبكا : فقت ملقيتهومش كانو حدايا منين نعست و فاش فقت مكنوش ...
ريحان كانت جايا تفيقهم منين شافت اثير فديك لحالا قلبها بغا يسكت ...
ريحان بخوف : مالك اويلي اش واقع علاش كتبكي ...
ياله غتبدا تعيط ليها و هي تسمع البكاء ديال تاج و صوت سيف كيسكتو ... اثير تنفضات من بلصتها و هبطات كتجري لقات سيف هاز تاج لي ملبسين ليه جبدور و كبحاول يسكتو ... جرات لعندو و خللاتو منو بصرعة و عنقاتو كتبوس فيه و خنزرات فييف دين
اثير بعصبية مخلطة بدموع : معندكش حق تهزلي ولدي من حدايا و تخلعني عليه انت راك مريض متبقاش تحط يديك على ولدي
سيف تعصب : هذا كما هو ولدك راه ولدي حتا انا الى كانت جانابك ناسيا نفكرها (شدها من يديها و جرها لعندو و كيدوي تحت سنانو) و دابا تحركي طلعي تبدلي هذشي لي لبسا فبل منطويك هنا ... (رفع نبرت صوتو لغوات) يالاه ...
اثير عاد ردات لبال اش لابسة كات بيل سماطي فوق صرة و شورط بيجامة و ملبساش حتى سوتيان واخا همم باقا معنتا معاه
اثير بتحدي : ماطالعاش و مامبدلاش و لمرة جايا لله يخليك منين تجي تاخد ولدي قولهالي ...
سيف معصب هز يديه بحال غيضربها : اثييييير
اثير وقفات معاه بحال كتحداه : ضرب ياله ضربني نيت راك موالف ماشي اول مرة ضراااااب
تاج بدا كيبكي بجهد و علاء تدارك الموقف و زاد هند اثير جرها من يديها ...
علاء بصوت مهدن : اثير دابا طلعي ولدك بدليلو من هذ لحريق لي فيه و هدشي من بعد و دويو فيه واخا ...
كاليا عقظات حجبانها : اشمن حريق ...
علاء تنهد : الختانة ...
اثير تصدمات : ختانا كيفاش ختانا امتا ختنتوه
علاء بتاسم : هذ البح دابا طلعي و بدليلو حيت و وجدو راسكوم هلى ود هذ نهار و منها نيت نحتافلو بيه لله يخليك ...
اثير خنزرات ف سيف و طلعات كتجري و و تبعوها لبنات اما سيف فا جلس كيحاول يرجع انفايو من الاعصاب لي شعلاتهوم فيه ... وصلات لبيت و حطات تاج على سرير مشات جابت باش تبدل ليه و هي دمعها مبغاوش يحبسو ... بدات تبدل ليه و هو كيبكي درت ليه دوا و قدات ليه بشويا و مساعفا معاه من لحريق ... هي كانت عارفا بلي غيجي نهير و غيتختن و كون قالوها ليها مغتولفقش بلحق انه يتصرف من راسي هدشي عصبها حيت هي لي تعدبات عليه و ولداتو و تمحنات فكل لحضة تعصبات بزاو و فنفس الوقت بقا فيها تيجو حيت باقي صغير فنضرها و هي غي كتوصل ليه كتولس حساسة بلا قياس ... نعساتو بزز حيت مبغاش ينعس ليها بلبكا و هي تبكي معاه ... حطاتو و دخلات لحمام تغسل وجها و خرجات عند لبنات
اثير كدوي بشويا : مفهمتش علاش كيخدم منو لراسو مريض
كاليا تنهدات : و زعما كون قالا ليك غتوافقي
اثير بعصبية : لقليلة تكون فراسي و الى هزو صبح منتخلعش
ريحان ضحكات : كون قالا ليك غتهزيه و تهربي بيه موهيم ميختنوهش ...
اثير شدتها الضحكة منين دوات ريحان و بقاو كيضحكو حتى سكتاتهم باش ميفيقوش تاج دين
اثير عقدات حجبانها : اش مزلين كديرو حدايا ياله دوش و شوفو اش غتلبسو راه مشا لحال
كاليا بتسمات : قالي علاء بلي غيجي لمصمم و يجيب معاه قفاطن نختارو و و مكب ارتست و لي غيتكلفو بشعر ... قوتلو يجيب هدوك لي جاو فخطبتك و عرسك خدمتهوم زوينا ...
اثير كانت كضحك جمعاتها منين سمعات هدرت كاليا تفكرات نهار عرسها و تعمولو معاها فلول لي تقلب 180° و ولا وحشي تنهدات و ناضت و عينيها مغرغرين
اثير بتسمات كتحاول تخفي دمعها : رالاه نوضو غليو تغسلو خلوني نمشي حتا انا يالاه ...
ناضو خرجو و هي بقات بحدها تنهدات تنهيدة طويلة و طلات على تاج و دخلات دوش ... عمرات بنيو و دارت فيه بردوي زولات حويجها و دخلات فيه ترخات و هي كتفكر ݣاع دكراياتها معاه من زوينين و لخيبين كتفكر كلشي حتى عينيها بقاو سيلين بدموع ... كتفكر كون موقعش دكشي و مخرجش رفيق و صفاء فحياتها كانت غتكون عيشا هي و هو بيخير ... هي عارفا راسها مغتبقاش بعيدا عليه حياتها كاملا مي على الاقل تشربو من نفس الكاس لي شربات منو تنهدات و خرجات من البانيو ل دوش باش تغسل شعرها و تشلل لحمها ... فهذ الوقت دخل سيف لبيت لقا تاج دين فوق سرير كيزغنن دليل على انه فايق هزو و خرج بيل لطيراس حيت سمع صوت الرشاش عرفها كدوش ... دخلات الخدامة حطات ليها بنوار اسود ديال لحرير و مكتوبا فيه اخت العروسة و خرجات ... سلات دوش لوات فوطة فرسها و دارت عليها بنوار و خرجات .. بان ليها سرير خاوي بدات ضور عينيها فالبست بقلق بان ليها سيف واقف فلكون و شاد تاج كيحاول ينعسو ... بتسمات على لمنضر ديالهوم و سهات ل لحضات و دركات راسها هزات ديك بنوار و دخلات درسنغ نشفات شعرها شويا و جمعاتو سفنجة مخربقة و لبسات كولون قصير فوق ركبة و دبردور فالاسود و درت فوقهوم ديك لبنوار لي كان حد الركبا و خرجلت لقاتو كيحط سيف فوق لفراش تنهدات و عطاتو بدهر كتدير كريمات لوجها فلمرايا ...
اثير تنهدات : احم باقي شاد رفيق و صفاء ...
سيف عقد حواجبو : هظاك سوقي انا اما انت فا بعيد عليك داكشي ...
اثير عقدات غبشتها بغضب : هداكشي كيهمني حتى انا و من لخر انا اكتر وحدة تاديت فديك لموضوع كامل صو معندك لاش تقولي هد لهدرة ...
سيف تنهد : دابا من تالي اش بغيتي علاش كتسولي عليهوم
اثير كتحاول تهدن : طلهوم ...
سيف بتسم بستهزاء : واش كضحكي معايا
اثير بنبرة مهدنا : لا كندوي معاك من نيتي كنضن عاماين ديال لعاداب كفيا و ربي راه مزال غيخد بتاري منهوم
سيف تنهد : هلاش انت ضريفا مع كلشي الى معايا اا ...
اثير قلبات عينيها : كنتمنا تاخد هدرتي بعين الاعتبار نخليك دابا ... و عافاك رد معاك لبال على تاج و حول متخليهش بوحدو حيت مكنتيقش فمرات باك
بقا كيشوف فيها كيفاش هي مسمحاي ليهوم واخا اداوها و كطلبو يطلقهوم حيت عدبهوم بزاف بقا حضيها باست ولدها و خرجات اما هو زول تيشور و سروال لحهوم و تلاح حدا ولدو نعس ... خرجات من لبيت و هي فطريقها ل عند كاليا طلقات ب فزية لي مشفتهاش من لبارح كانت وجها كحال و عينيها دخلو و تحت منهوم كحل لبسا جلابة لبلون كاسي و شال خفيف ...
فزية بسنهزاء : كان كيسحابلي عمك غترجعي لقصر لي تبهدلتي فيه ...
اثير بتسمات يستهزاء : انا رجعت لقصر على ود ولي العهد كي عرفتي ميقدش يعيش بلا ماماه
فزية كتستفزها : لله واعلم منين جبتيه و لسقتيه ل سيف ياكما كدبتي الكدبة و تيقتي ...
اثير ضحكات بستهزاء : ديك ساعا كونتي تقوليلو يدير تحاليل باش تعرفي اه ولا نسيت الى قلتهالو غيقمعك حيت تيق فمراتو (كانت غادا و عودات رجعات) ميسحابش ليك انا بحال ديك لمكلخة بدنت ختك جابتها غي فرسها و الى معفيتش عليها انا عمرها تخج من تماك ...
سمحات فيها و زادت ندمتها حتى علاش قررات تدوي معاها وصلات لعندك كاليا لبيت لقتها كتربع لبيت غادا جايا و متوترة كانت لبسا بحال لبنوار د اثير و مكتوب فيه العروسة و لتحت لبسا كولون فوق ركبة مع دبردور فالابيض طلقا شعرها و دايرا باندا ...
كاليا بلهفة : اجي نهربو مبقيتش باغا
اثير ضحكات عليها واش حسابك دخول لحمام كي خروجو جلسي جلسي احبيبة
دخلات ريحان لي لبسا بحال اثير بضبط و. معاها الطاقم لي غيتكلف بيهوم و هوما كيعشقو و يزغرتو نساو كاليا ف توتر ديالها و و جلسو كيقادو فحالتهم ما هي الى ساعات و كانو واجدات جلسين بحال الامرات كيتسناو لوقت باش يهبطو ...