احببته عندما احبني❤ (تامي & احمد)

البارة الثالث 3

تصويت حبيباتي ☆ ورايكن في تعليق ♡♡

عدة سنه كامله وجت 2017 ..

كانت اتحبه في الاول بس بعدها شويه شويه بديت تنسى فيه وانها(كانت)اتحبه
هوا كسرها بس جاء اليوم اللى ربي كسره وحسسه ضعف اللى حساته ..
مريم اللى يبيها عبدالسلام كانت اتزر فيه مش ايجي يخطبها ونفس الوقت تبيه ايدير حوش وهوا مزال في بداية عمره تبي الجيزه وخلاص مهم عبدالسلام ايكلم في مريم..

عبدالسلام:الووو ياعمري
مريم: اهلين
عبدالسلام: شن جو
مريم: تمام الحمدالله .. قتلك نبي نحكيلك حاجه
عبدالسلام: دوم حمدك احكي نسمع فيك
مريم: امتى تبي اتجي تخطبني
عبدالسلام: مزال اندير حوش قبل وله عادي انجي نخطبك  وراجيني لعند اندير  حوش ماعندي وين انسكنك ..
مريم: لالا ماتجيش تخطبني ونقعد انا متعلقه وخلاص
عبدالسلام: وعليش ماتبيش اتعلقي ماهكي وله هكي انتي ليا وانا لكي
مريم: بصراحه ياعبدو (ادلع فيه)..
عبدالسلام: شنو..
مريم: جااي واحد خطبني اكويسين وعنده حوش وفلوس واتي يعني
عبدالسلام: اتبصري اكيد( يحسابها دايرتها بالعاني مش ايجي يخطبها).
مريم: والله وهلي يبوني انوافق لانهم هله اكويسين وهوا حالته ماديه كويسه
عبدالسلام: وانتي موافقه
مريم: .....
عبدالسلام(بغضب)صوته علا : ردي وانتي موافقه لمن انخرف انا ردي توا..
مريم: لو جيت خطبتني وقعدنا حتى في اجار سنه على مابنيت وله شريت شقه..
عبدالسلام: مريم تدوي جد
مريم: وعلش نبي نكذب مثلا عليك
عبدو لو مادرة حل نهاية السنه هذي راني نبي نجوز انا هلي مش ح يخلوه الراجل كويس وولد ناس  ..
(عبدالسلام ماقدرش واعيونه طول نزلو دموع ومسكاته العبره) ..
عبدالسلام(بصوت واطي ومخنوق): وانا انهون عليك انك اتخليني وتاخذي غيري اتهون عليك السنين هذينا كلهن ليش ليش وانا عمري ماقصرة معاك وانحبك من كل قلبي وحتى سيبت اللى اتحبني  على خاطرك ..
مريم: انا ماقلتش شي هضا حقي يااخي ماتبيش ادير سيور على روحك مش ديما  انا نبي انراجيك واللى تحبك انا ماقلتك سيبها عديلها لوتبيها.
عبدالسلام: كنك قعدتي هكي انتي متغيره وكيف نعديلها وانا مانحبهاش انحبك انتي افهمي.
مريم: لاني متغيره لاشي  شنو انا نبي نقعد معاك هكي ل امتى لنطق الاربعين وله الخمسين ونعنز في حوش هلي.
عبدالسلام: اخساره فيك حبي لك والله ماتستاهلي.
مريم: اخساره فيا على شان قلت الحق
عبدالسلام: والله نحبك افهمي مانقدرش انخليك لغيري مستحيل انا مزلة بشويش اذا حتى خوتي اللى اكبر مني ماتجوز واحد منهم لعند توا هضوما بشققهم وفلوسهم.
مريم: اسمع ياولد الناس انته موضوعك موضوع وانا خلاص توا نبي نوافق عليه كبدي درهة منك
عبدالسلام: انا موضوعي موضوع
مريم: اها انته
عبدالسلام: نكرهك ونكره اليوم اللى عرفتك فيه
مريم: خلاص معناها انسى وحده اسمها مريم بعد تكرهني بااهي.
عبدالسلام: تمام اتشاو.
وصكر الخط في وجهها وحاس بحاجه غريبه هوا كان قريب لامه وااجد ف حكالها اللى صار وحكالها حتى على تامي وكيف نادم انه خلاها..
طبعن موده عمرها ماحبت عبدالسلام كان علاقه عاديه 4 سنين وعمرها ماحباته كانت اتحب ولد جيرانهم اللى جاء خطبها عليش سيبة عبدالسلام ..
..................................................
قال الشيخ وسيم: ❤ اللى يحبني افرش له الارض بدمي❤..
*******
ودبل واي( يحيى الحاج) قال:
واللى يحبك عمره مايسيبك 💔
واللى سيبك عمره ماحبك❤
*******
هذي قاعده ماشيين عليها👆..

💛toma tom                 
..................................................
بعدها طبعن في عيد الاضحى جاو عيال خوالها كيف كل سنه ايعيدو على امها وبصدفه هيا كانت نازله تحت لحوشهم مهم على جيتهم  هما ركبو لسطاح وهيا بعد عرفتهم جو قعدة تحت لين عدو وطبعن امعاهم عبدالسلام وخوته واعيال عمه باقيين( باقي اعيال خوال تامي خالها فرج وسالم)..
وهوا كانن اعيونه ايدورن في سطاح ايدورن فيها كان خااطره ايشوفها وهيا العكس قعدة لوطه مش ماتشوفاش لين عدو مش بعدها ركبة لفوق..
وهنا تامي قررة انها تنساه وفعلن نساته وقعد لما ايخطم عليها مافيش اي احساس اتجاها برود صارلها ..
وفي شهر تسعه خالتها هنيه دارة عمليه على (الفدك) وقعدة امعاها امها لين طلعة في يوم العيله كلها غادي ايساولو فيها على طلعتها بسلامه في حوشها مهم كان قاعد احمد تحت وهوا اللى فتح الباب لان هما فوق ومايسمعو من يدق باب  فتحلهم احمد لانه كان برا معا اصحابه في شارع وهنا سلم عليهم كلهم وجاء عند تامي  ارتبك وامها طبعن اتقوله سلم سلم(عارفينها الحركه هذي) ولانه كابر وله وين ماشفش تامي وهيا كبرة مره وحده وتحجبة استغرب وسلم عليها وطلع ..
هوا حس بحاجه غريبه اول مره ايحسها وابتسم بسمه خفيفه وعدا لصحابه ..
وهما ركبو فووق لخالتهم

💛toma tom
انحبكم❤واااجد وانشاءالله عجبتكم وماتنشوش التصويت⭐
راايكم مهم❤ليا..
insta: tomatom335
TikTok: toma tomo
انستا معا اني مانحباش فتحته على سبا انزل امتى حلقه الجديده بآذن الله.. وماتنسوش تعملو فولو بليززززز ♡♡
❤فضلا وليس امرآ❤^^
انحبكم هلباااا & وااجد😇❤^^