هلووو ♡
صبح صبح يووم جديد على ابطالنا
احمد كان واخذ اجازه من عمل متريح يعني عنداش نيه فيي شي اصلن هكي علمه ضاايق
يفكر فيي تامي ويحاول يبطل شويه تفكير فيها
....
جاء رمضان وطبعن كلنا عارفين رمضان وتجهيزه واجواءه
طبعن احمد عمل من صبح لليل وكان روح يروح على غداء يتغدا ويرد العصر
طبعن روتين رمضان غير يطلع الظهر ويرد قبل مغرب بي نص ساعه للحوش وبعد الفطور يرد بعد نص ساعه للمحل ويروح الفجر وهكذا ..
طبعن تامي روتينها عادي تركد وتنوض وتفرج وتخش للمطبخ هيا واختها
طبعن جاءهم مرتين فطر معاهم احمد بس وتامي متجاهلاته وماتبحتش حتى فيه
مانكذبش عليكم لكن تامي تريحة معا احسين صح ماتحباش لكن قررة انها تعفس على قلبها وانها حاتحبه وكل شي في وقته وانها تنسى احمد وفعلا ابتعادها عليه وحتى لما يجي ماتطلعش خلاتها معش تفكر فيه بس هوا لالا هوا مزال يفكر فيها ويفكر كيف يرجعها له
احسين: تامي شن دايره غلاتي
تامي: كويسه ياقلبي
احسين: غلاتي نبي نقولك شي
تامي: شنو ياقلبي
احسين: قتلك شن رايك نجيب امي
تامي: عليش
احسين: لان نبي نخطبك اقل شي مش نحس انك ليا
تامي: نقعد لكي بعد تقرا فاتحه
احسين: ونقراها عادي غير عليك انتي بس نانبي تقعدي حلالي وام بناتي مستقبلا .
تامي: تعرف احسين نامش مقتنعه بافاتحه الا اسبوع الفرح
احسين: وعادي نانبي حتى خطبه بس اهم شي عشان اسمي يقعد على اسمك خطيبة احسين ياريت والله
تامي: يعمري انا من وين طحت فيك
احسين: ههه نا لي من وين طحت فيك
تامي: ههه نجك ليا يارب
احسين: نحبك ..
تامي: ونا نموت فيك
احسين: باهي شن رايك نجيب امي
تامي: ياقلبي والله مش عارفه شن نقولك
احسين: ماتبينيش نخطبك ؟؟
تامي: مش هكي بس نحس في روحي مزالة صغيره
احسين: اين صغيره تامي اللي اصغر منك وعنده عيلين
تامي: نا مادخلنيش بي حد
احسين: غلاتي اسمعي خطبه بس والله خطبه بس
تامي: تعرف نسال ماما ونقولك
احسين: باهي شن تقوليلها
تامي: نقوللها لو جاء حد خطبني تعطيني توا
احسين: ولو قلتلك لا
تامي: نقولك قلتلي لا
احسين: تامي من جدك
تامي: باهي شن امالا نراجيك تجي وبعد يرفضوك لاني صغيره وحاتزعل ما نسالها قبل خير
احسين: وبه لوقلتلك لا مانعطكش
تامي: هذك ساعه ساهله وبعدين نا ماما را متساهله يعني ديما تسمع فينا نا وبنات ماما صحبتنا واختنا قبل ماتقعد امي اللي جابتنا
احسين: يعني متفاهمه
تامي: ايوا هكي يعني ماما موش من نوع اللي مقيدتنا في لبس في تلفون حتى بابا لان يعرفو تربيتهم كويس
احسين: مش شادين
تامي: بس في اشياء لهن خطوط حمر
احسين: اكيد
تامي: وباهي مرات امك انته ماترضاش بيا
احسين: شن كلام هضا تي امي نا تقولي غير شير على بنت اللي تبيها ونا نمشيلها طول تي امي تراجي في يوم اللي تشوفني فيه عريس ياتامي تقولي فلانه وعلانه شوفهن غير نقوللها في خاطري وحده بس وهيا عارفه
تامي: مرات تشوفني ومنعجبهاش
احسين: يكفي انك عجبتيني انا
تامي: ...
احسين: وحاتعجبي امي دوباينك عجبتيني
تامي: ...
احسين: وينك ساكته
تامي: معاك
احسين: شن في كنك ضايقتك في شي ؟
تامي: لا ماضيقتني في شي غير نفكر بس
احسين: في شن تفكري
تامي: لا شي مش مهم
احسين: دوبينك تفكري فيه معناها شي مهم
تامي: احسين والله مدور
احسين: باهي كنك حسك مش تمام
تامي: ماكني شي غير شن نحس في روحي ثقلة
احسين: كنك شن شن تحسي في شي ووين تحسي
تامي: ههه وسع بالك احسين ممكن تعبانه نبي نركد او نعرفش والله تعرف حتى عيوني قعدن يوجعن فيا
احسين: سلمتك عيونك ياقلبي انتي
تامي: تسلملي ياارب
احسين: بلكي نايضه بدري لانه
تامي: لا وعيت 10 ونص انا بلكي يوم اول يوم نوض موخر
احسين: واللهي ههه تي نا 12 وعيت مفيش خدمه طخيتها لي 12 اخرا كان ما امي وعتني راني كملتها نووم
تامي: بالي اللي وعاتك
احسين: عليش
تامي: لان كان هكي راك توا راكد ونا بروحي
احسين: صح والله ههه
تامي: تعرف خلاص نا معش نقدر
احسين: كنك
تامي: نبي ركد
احسين: ليش توا ساعه كم
تامي: 12 ونص
احسين: ماحستش على وقت
تامي: حتى نا
احسين: باهي ياقلبي معناها توا بااي شكلك تعبانه انتي بكل
تامي: اي بكل
احسين: تمام تبي حاجه
تامي: نبي سلامتك
احسين: تامي
تامي: اعيونها
احسين: انحبك ياعيوني
تامي: نموووت فيك ياعيون تامي انته
احسين: تعرفي مانبيش نصكر غير عارفك تعبتي
تامي: ولا نا ههه كان نقعد شويه اخرا نطيح على وجي
احسين: باخي نصبجي عل خير
تامي:.....
احسين: تامي ؟؟... تاامي ؟؟
تامي:..
احسين: شكلك ركدتي
تامي:..
احسين: نوووم عوافي ياعيون احسين
أنت تقرأ
احببته عندما احبني❤ (تامي & احمد)
Romanceقصه دراميه لمحبين دراما ❤ قصه حقيقيه بالهجه الشرقاويه ... للكاتبه: toma tom💛 تابعوني:- insta: tomatom335 Tik Tok: tomatomo
