احببته عندما احبني❤ (تامي & احمد)

البارة ♡17♡

هاااي 👋 كيف حالكم ..

................................................

تامي: الو .
احمد: .....
(بعد سمع صوتها تريح واااجد كانه هم وانزاح من ظهره)
تامي: تي الو من معايا .
احمد: الو اهلين .
تامي: هلا من ! .
احمد: اسراء تسمعي فيا هكي وله مزال صوتي مش واضح .
(بعد عرف انه تامي معرفتاش دار روحه غالط)
(وهيا عرفاته بس دارة روحها ماعرفتاش)
تامي: الا مش اسراء انا غالط خويا .
احمد يسمع ويعصر فيه قلبه مسكين💔
احمد: اي سامحيني ملخبط شكلي في رقم سامحيني .
تامي: عادي ولا يهمك .
وصكرة على طوول حسة بشعور حاسته من قبل واللي صاار اكدلها انها ان مزالة تحب احمد 😭💔
واحمد بعد صكرة هوا يحساب انها ماسحه رقمه وتحسابه رقم غريب وندم وقال ياريتني قتلها انا احمد ..
وتامي تحساب احمد صاح ملخبط وجت في بالها اسراء اللي تقربلهم في دريانه وانه بينهم حاجه 💔 وكانت صدمه بانسبه لها ..
واحمد تريح انه بخير لانه صوتها يقول هك 🤷‍♀️
تامي ندمة وقالة ياريتني ماردية عليه ..

وعدى احمد ل مروى اخته وقاللها حلمته اللي حلمها .

احمد: وبسس هك .
مروى: بس ممكن يكون يصيرلها حاجه لكن بعدين مش توا ، وبعيد سو عليها ياارب .
احمد: بعيد سو .
مروى: مزلة تحبها .
احمد: (تنهد) منعرفش .
مروى: وليش ماتقوللها .
احمد: معتقدش انها تبيني اكيده شافة حالها .
مروى: ..... (سخفها حال خوها وجهه الاصفر) .
احمد: شن تبي فيا ما مني نا من اول خليتها معرفتش قيمتها الا بعدين (تنهد) .
مروى: تامي كويسه وهيا مش بنت خالتي بس الا اختي الصغيره ويابختك كان تاخذها .
احمد: مروى نبيها ومعش عرفة كيف نوصللها .
مروى: اللي كاتبه ربي يصير انشاءالله ربي يكتبلكم نصيبكم بابعضكم ياارب ونشوف اعيالكم .
احمد: (ضحك) انشاءالله ياارب لكن اعيالكم 😂 هذك ساعه ساهله .
مروى: حيواان ندوي جد انا انشاءالله نشوف عيالك تمام من تامي وله من غيرها تمام هكي .
احمد: ... من تااامي غيرها لااا .
مروى رن تلفونها كان خطيبها .
مروى: هيا توا اطلع عدي لي دارك هيا توا .
احمد: به رد على منجوهك .
ظرباته بي المخده
مروى: عدي يابارد .
طلع احمد من دار مروى يضحك وهو متريح شويه انه حكاه اللي جواه وفضفضلها .
حط راسه على مخده وهوا يفكر في تامي وشن دير زعمه راكده او نايضه ويقول في عقله اكيد تضحك وتهدرز معا خواتها وحالها باااهي ومش مدوره شي .
وهيا تامي كانت راكده ودمعتها على خدها وقافلة تلفونها عشان معندهاش نيه في حد علمها ظاااق بعد اللي صاار وماطلعتش من دارها 💔💔

..................................................

ثااني يوم ..

ناض احمد كيف كل يووم روتينه يلبس ويعدي لي شغل .

اما تاامي جت توعيي فيها امها ..
تامي: ممم .
امها: تامي كنك يا امي نووضي .
تامي: اااه ااه .
امها: يانعليا بنتي شن فيك تامي تامي .
تامي: .....
مش قاده تحرك وتحس روحها ثقيله وقلبها ينغز فيها .
امها: يا عويل ياعويل دونكم اختكم انظر كنها .
وجاء فرج شالوها لمستشفى طوول .
...............