#تل_الكواسر
-الجزء الثاني عشر-
....................العودة ما بعد الركام ....................
#هاجر_إبراهيم [Hajar Sh] ♡
" عندما تتحول آمالنا إلى لعبة بيد القدر تصبح أكبر طموحاتنا انهاء تلك الآمال لنعيش على اللاشيء "
بسيارتين وصلوا قريب من ڤيلا اللواء ،، نزلوا كلهم وشرور العالم كلها محطوطة بين عيونهم و التفوا حوالي سيرين
سيرين: اكيد بتعرفوا شو بدكم تعملوا
رد جواد: عيب تسألي هالسؤال سنيورة
سيرين: اخي انت مابدي منك الا انك تحمي ضهرنا
عربي: ماتاكلي هم ،، مافيه ابن مرة رح يسترجي يهوب صوب واحد فيكمسيرين: والاعور ،، بدي ايااه تحت رجليي
مرهف: اعتبريه صار
سيرين: واخيراً ،، بدي هاللواء يحس بأجواء تل الكواسر اليووومرسموا الكل ابتسامة مكر و ردوا : حصل
اتراجع مرهف والتفت وهو عم يحط كمامة ويحكي: الحقني انور
راحوا انور وصهيب من طريق
حطوا الباقي كمامات سودة ولبسوا طواقي على روسهم وانتشروا بينما عربي اتراجع ودخل على عمارة مواجهة لڤيلا اللواءاتوجه جواد من ورا الڤيلا ونط من السور بينما طلعوا مرهف وانور من جهة تانية ،، اما سيرين وصهيب اتوجهوا عند الباب الرئيسي ووقفوا بعيد شوي
ابتسم صهيب وحكا: اخخخخخ والله لطلع فيهم الخمير والفطير اليوم
سيرين: معناتا عشانا اليوم دسم لك برنس عههههههاتخبوا ورا حيط وهنن شادين عالأسلحة بايديهم التنتين
صهيب: بس عد للتلاتة بنطلع ،، ماشي
سيرين: تمام
صهيب: واحدابتسمت سيرين وطلعت مسدس تاني من تحت جاكيتها وحكت: تلاتة
واظهرت حالها قبل صهيب وبلشت تقوص عالحراس
صهيب: يخربيتك استنيني يامجنونة........................
بس سمع مرهف ضرب الرصاص بلش حكا: هي الاشارة ،، انور احمي ضهري
انور: وراك ابن عميفاتوا لجوة وبلشوا يضربو رصاص عالحراس المنشرين بساحة الڤيلا
........................
اما جواد ركض بسرعة نط على واحد ورفشه رفشة جابه سطيح ورفع مسدسه وبلش قواص عاللي كانوا مع الشب
وهروا كلهم قدامه متل ورق الشجر ،، ابتسم وكفى طريقه مشي لجوة وهو عم يغني وينغم
........................
قدروا سيرين وصهيب يقتحموا الباب الرئيسي ويدخلوا لجوة ،، ووراهم مسك حارس جهاز ارسال عن بعد وحكا: القوة معي ؟ ،، ڤيلا اللواء شهاب العدل عم تتعرض لهجووم من قبل مسلحيين
YOU ARE READING
تل الكواسر __بقلم هاجر إبراهيم __ مكتمله
Actionجاهزين للجزء الأول ✋ بسم الله بنبدا 🙏 #تَــل_الكواسر هاجر إبراهيم ،،،، مقدمة ..... "مرهف : القلب لما بيحوى حدا بيحواه بصدق ،،، لأنه القلب مابيكزب ،، ما بينافق ولا عنده أنانية متل نفوس البشر ،، " "أنور: ومع هيك،، بقيت خسارة ورا التانية وكلو تحت...