تل الكواسر __بقلم هاجر إبراهيم __ مكتمله

تكملة الجزء الأخير

كمالة الجزء الأخير رح تنزل هون ♥️

كان عدي واقف على جنب وهو عم يصفر للعرسان ويصفق. ،، التفت لجنبه وانتفض بس شاف نور عم اتطلع فيه
عدي: اعوذ بالله. ،، لك انتي منين طلعتي اه. "!!
نور: الست سيرين عزمتني على عرسها. ،، بس مايكون عندك مانع هااا
عدي:  لا بس يعني. ،، اديش قبضتي لتجي
نور: هههه دمك خفيف ليكووو ،، رايحة سلم عالصبايا وبارك لـ سيرين خانم

مشيت قدامه ليحكي  : اي ماتنسي تلمي النقطة
التفتت وطلعت لسانها عليه لينصدم
عدي: يخربيتك شو طماعة. ،، بس والله حليانة هالضرصانة

………………….

كانت الحفلة باولها والكل مبسوطين كتير. ،، لكن للاسف ماكانوا عارفين انه من ورا الكواليس عم ينحاك شي كبير وخطير

فجأة من غير انذار بلش ضرب الرصاص عليهم لينتفضوا الكل.
صرخ جواد : شباااب فووتوووو كل النسوان لجووةة

كلشي معازيم ركضو لقلب السرايا بينما الشباب بقيوا برا ليعرفوا منين اجا الضرب والرصاص.

وقف الضرب فجأة وسيرين بعدها واقفة معرالبنات بنص صالة السرايا. ،، شدت عالفستان وحكت: لااا هاد فخ. ،  فخ

ورفعت طرف فستانها وركضت وهي عم تحكي :ماااحدا يلحقني

وطلعت بسرعة برا السرايا وبلشت تتلفت حواليها مالقت حدا من الشباب
ركضت لورى السرايا رشافت زهدي واقف وعم يتلفت حواليه
ونادته: شو صار عمه. ،، لقيتوا حدا؟
زهدي: لا عمتي. ،، فجأة وقف الضرب. ،، فكرناه هجوم

تنهدت سيرين بقلق والتفتت لتنصدم بحدا مسلط السلاح عليها. ،، وفجأة قوص ،، تزامن هالشي مع صرخة صهيب اللي اجا قدامها ليتصاوب بصدره بدالها ويوقع بين رجليها اما زهدي رفع سلاحه وصرخ: والله لالعن شرفك
وقوص الزلمة براسه
شهقت سيرين بصدمة  ونزلت لعنده ورفعته
سيرين: صهيب. ،، رد عليي ياعمري
صهيب: سيرين. ،، فوتي لجوة
سيرين : لا. ،، مارح اتركك. ،  زهدي نادي لعمامك

التفتت وانصدمت بس شافت شبين ماسكين. زهدي. ومكبلينه بإحكام وهو عم يحاول يتفلت منهم. ،، وفجأة صعقوه بالكهربا ليغمى بين ايديهن

سيرين :مييين انتووووو
قزب الشب عليها وسحبها وثبتها باحكام ليحط التاني محرمة كلها مخدر على تمها وانفها. ،، حاولت تقاومهم لكن عالفاضي. ،، خارت قواها وغميت بين ايديهم ،، تاركة صهيب وزهدي لمصيرهم

🦅„…„…„…„…„…„…„…„…„…„…„…„…„…„…„🦅

كانت منزلة راسها وعم تاخده شمال ويمين وهي عم تهدس بإسم صهيب. ،، فجأة حست بحدا رش عليها كاسة مي باردة لتنتفض وترفع راسها وتنصدم باللي واقف قدامها

بلشت تاخد شهيق وزفير وهي صافنة بهالشخص اللي صحاها بعدم استيعاب

فجأة نطقت بهمس: ندى
ابتسمت ندى و ردت: هي هييي علينا. ،، بالله ماحلك تفرقي بيني وبينهااا
سيرين: انت كيف. !!!
ورد: هربت. ! هههه لك سيرين فكرك وحدة متلي رح تقدر تحبسني ولا تسيطر عليي
سيرين: انت اللي عملت هيك ؟