مشهد تشويقي من الجزء ال 19 🔥
على طريق متوزع فيه الشجر من الجنبين وصل جان بسيارته. ،، وبس شاف قارمة زرقاء حكا: هون. ،، نحنا وصلنا
ركن السيارة وبقي صافن بقهر. ،، حول نظره على لورا وحكا: سامحيني لأني بدي حطك بهيك موقف
نزلوا دموعها وهزت راسها بالنفي وردت: عماد صار لازم ينحطله حد يا جان. ،، انا لولا انور كنت حكيت للكل وجبتهم معي لهون ليقطعوه بسنانهم
جان: ليش انا شو اللي مسكتني غير انور. ،، والله مو هاين عليي اكسر بخاطره ،، وخاصة بعد ما خسر مرته وابنه
لورا: عأساس مرت انور مابتخصك لك جان. ،، لك هي اختك الوحيدة
غرغروا عيون جان بالدموع و رد : الله يرحمها. ،، كانت عطول تحكيلي اديش انور منيح معها. ،، بعمره مازعلها او سمعها كلمة ضايقتها.،، انور ما اذى اختي من زمان. ،، وانا مستحيل إإذيه هلأ
بقيت لورا اتطلع بـ جان اللي بلش يبان عليه الهم والحزن ،، اتنهدت بأسف وهمست: هناك. ،، حكيت انه حياتك كانت ماشية منيح قبل ما ترجع تلتقينا
اتفاجئ ورفع راسه واطلع فيها
لورا: انت انأذيت اكتر واحد بسببنا
جان: لا لورا. ،، كانت لحظة غضب
لورا: بس كانت حقيقة وانت ماحكيت شي غلط. ،، سامحنا جان
جان: وانتي شو ذنبك. ،، عأساس اللي صابني انتي سببه !!
لورا: ،،،،،،،،،
جان: كيف علاقتك مع مرهف؟
صفنت لورا بحزن ونزلت دمعتها بسرعة. ،، التفتت لقدام واتغيرت ملامحها واشرت قدامها ونطقت: كأنه وصل عماد
اطلع جان لقدامه وشاف سيارة وقفت قدام سيارته بشكل مباشر وجواها كان عماد قاعد وعم يبادله نظراته ،، نزل جان بشرعة لينزل عماد بدوره ويستند عالباب ويحكي: كيفك ابن عمتي
جان: هيك لك واطي. ،، مالقيت اسلوب احقر من هيك لترجع لورا فيه
عماد: ولورا مين بتكون !!. ،، بتكون مرتي ومستعد اعمل اي شي كرمالها
طلعت لورا من السيارة وصرخت: فشرت عينك كون مرت واحد حقير متلك
بقي عماد صافن فيها بأسف و رد: حقير. ؟ بعد كلشي عملته كرمالك صرت انا الحقير يا لورا. !!
لورا: حقير وندل وانا مابتشرف ينربط اسمع بإسم واحد متلك
غمض عماد عيونه وميل راسه و همس: لكن تربطي اسمك بإسم مرهف. !! هيك رح تكوني رضيانة؟
لورا: صرماية مرهف بتسواك يا واطي
عماد: ...........
جان: وين بنتي ؟
عماد : بنتك !!؟
جان: .........
عماد: بنتك. ،، ليكها ناطرتك بالسيارة
نزل راسه عند شباك الكرسي ورا الشوفير وحكا: نزلي اجا ابوكي ياخدك
اطلعت فيه الين وهي عم تبكي وفتحت الباب ونزلت وبقيت صافنة بـ جان بنظرات غريبة
جان: تعي بابا. ،، تعالي
كانت بدها تمشي لما رجع عماد شدها فجأة من جاكيتها وغرس المسدس برقبتها وحكا: لااا مو قبل ماتجي لورا لعندي
صرخ جان بصدمة: عماااد ايااك تفكر تأذيها
عماد: انا عم بطلب حقي
لورا :حق شووو. ،، رجع الين. ،، لا تحشر البنت بقصص ما الها فيها
صرخ عماد بقهر : عيلتنا انبادت يا لورا. ،، ما وقفت عليها
نزلوا دموع لورا وردت: وهالشي يلي لازم يخليك تتمسك باللي بقيانين ياعماد. ،، والله انت ماكنت هيك
عماد: انا بسببك انتي صرت هيك. ،، قلتلك اني حبيتك بس انتي شو عملتي؟ استخفيتي فيني وبمشاعري وفضلتي مرهف عليي. ،، مرهف بشو احسن مني يا لورا ،، بشوووو؟
لورا: ببساطة لأنه مو متلك
عماد: ،،،،،،،،،
جان: عماد كبر عقلك. ،، انت كان بدك لورا لتسمع جوابها وهي انا جبتها متل ماطلبت. ،، تريك الين من ايدك وخلينا ننهي هالقصة
صرخ عماد: قلتلك مارح اتركها قبل ما تجي لورا لعندي
غمضت الين عيونها ونطقت وهي عم تبكي : عمو مشان الله تركني روح لعند بابا
اتغيرت ملامح عماد وصحي اخيراً عحاله وعالغلط اللي عم يغلطه بحق حاله قبل العالم
فجأة حس عحدا غرس سلاح بقفا راسه وهمس: تريك البنت من ايدك قبل ما فجرلك راسك يا واطي
عماد: ..........
#قطع وموعدنا السبت بإذن الله ♥️
YOU ARE READING
تل الكواسر __بقلم هاجر إبراهيم __ مكتمله
Actionجاهزين للجزء الأول ✋ بسم الله بنبدا 🙏 #تَــل_الكواسر هاجر إبراهيم ،،،، مقدمة ..... "مرهف : القلب لما بيحوى حدا بيحواه بصدق ،،، لأنه القلب مابيكزب ،، ما بينافق ولا عنده أنانية متل نفوس البشر ،، " "أنور: ومع هيك،، بقيت خسارة ورا التانية وكلو تحت...
