تل الكواسر __بقلم هاجر إبراهيم __ مكتمله

الجزء الواحد والثلاثون

#تل_الكواسر

-الجزء الواحد و الثلاثون-

.................... على نهاية خط الإنتقام ....................

#هاجر_إبراهيم [Hajar Sh] ♡

  ”إحسانك للحر يحركه على المكافأة ، و إحسانك إلى الخسيس يـبعثه إلى معاودة المسـألة“
-مصطفى السباعي-

بسيارته كان جان قاعد وصافن بـ بوابة بيت جمال. ،، اتنهد وهز راسه بالنفي ومشي بسيارته ليشوف سيارة جاي اتجاهه مباشرة لدرجة كانت رح تخبط فيه. ،، تفاجئ جان وضرب بريك قوي لتوقف السيارة اللي قدامه بدورها

بانزعاج طلع جان وحكا: فيه مجال اعرف ليش مخالف وماشي بعكس السير

انفتح الباب وطلع منه شب ثلاثيني طويل لابس بدلة رمادية و رد بكل هدوء. واكابرية:  انا اسف ازا فاجأتك. ،، بس هي دخلة بيتي الوحيدة من طريقي
جان: ممم. ،، منيح بس حتى لو ،، المفروض كان لازم تعطي اشارة انك رح تفوت. ،، يعني لولا ستر ربك كنا خبطنا ببعض

رد الشب بكل احترام: صحيح. ،، معك حق. ،، بكرر اعتذاري

اخد جان نفس و رد: حصل خير
ابتسم الشب وشال النضارة وسكر باب سيارته وتوجه عند جان وحكا: بتعرف حاسس حالي بعرفك من شي مكان
ركز جان بملامح الشب و رد: لا مابظن انه التقينا من قبل
رد الشب بكل برود اعصاب : مع اني متأكد اني شايفك. ،، استنى اتذكر وين

صفن الشب وهو عم يحك ذقنة وجان صافن فيه باستغراب
جان: لا ما .....
قاطعه الشب: هاااااا تذكرت. ،، انت المفوض جان نصر الدين خطيب بنت عمي ايلفان.  !!

تفاجئ جان وبقي يطلع فيه باستغراب وسأل: بنت عمك. !! بس مابعمري شفتك

رد الشب: و رح عرفك عن حالي. ،، اسمي نائل الصوان الحفيد التاني لـ جمال الصوان
ومدله ايده وسلم عليه

جان :تشرفت بمعرفتك اخ نائل. ،، انا اسف بس ماشفتك ولامرة لا بحفلة الخطبة ولا بعزا اخوك موسى ،، العمر الك
نائل: يسلم عمرك. . ،، انا فاتح شغل برا البلد وبتعرف قبل كم شهر سكرت المطارات وماقدرت اجي ،، لهيك ماقدرت احضر عزا اخي وخطبة بنت عمي. ،، بس طبعاً كنت مطلع على كل الأحداث اللي صارت اخر فترة

جان: يلا رب صدفة نافعة. ،، هي تعرفنا على حدا من العيلة. ،، انا بدي استأذنك لأنه عندي شغل
نائل: لو تفوت لإتعرف عليك
جان: غير مرة اخي نائل. ،، بالاذن

ورجع ركب بالسيارة وانطلق فيها ونائل بيطلع فيه ببرود واضح وهو راسم ابتسامة غريبة وعيون جان براقبوه من خلال المراية

جان: كأنه كلهم مختلين بهالعيلة. ،، بروده بنرفز بجد

🦅„…„…„…„…„…„…„…„…„…„…„…„…„…„…„🦅

صهيب : يعني وصلت الهدية. ،، تمام. ،، الله يعطيكم العافية

سكر الخط وقعد قبال سيرين وبقية الشباب اللي اجتمعوا كلهم بغرفة مرهف
صهيب : شهاب استلم الهدية
ساري: ماكان فيه طريقة تانية لتخبره انه اسعد مات غير بهالطريقة الوحشية ؟ انتوا ليش مصريين تظهرونا بمظهر السفاحين