تل الكواسر __بقلم هاجر إبراهيم __ مكتمله

الجزء الخامس والأربعون

#تل_الكواسر

-الجزء الخامس و الأربعون-

.................... عندما تغضب القلوب ....................

#هاجر_إبراهيم [Hajar Sh] ♡

" عندما رأيت ان قربي سيؤذيني ،، ابتعدت ،، ففي الغياب شيء من الحضور المهيب "

كان صهيب قاعد وغامر راسه بضياع ومتله كانوا البقية اللي حسوا بالعجز بعد اختفاء كل البنات من السرايا او بالأحرى من كل التل

دق عماد الباب ودخل هوة وقصي وزهدي
عربي:  شو صار معكم ؟
عماد: فتلنا الضيعة قرنة قرنة وفتنا عكل بيوتها تقريباً و ما لقينالهم اثر

عربي: .........

دخل جواد بعدهم وهو عم يحكي بنفاذ صبر : مافي مااافي ماااااافي. ،، عالفااضي. ،، لك حتى بالقبو دورت ومالقيتهاااا
عربي: جواد سمّعنا. ،، مو بس مرتك اللي مختفية. ،، كل البنات وحتى عمتك فضيلة ومرت عمك والولاد

رما انور التلفون عالطاولة وحكا: كل تلفوناتهم خارج التغطية ،، حتى تلفون ديالا
صهيب: اي. !!! والعمل. ،، شو نعمل اخي ،، عربي احكيلك شييي

مرهف:  المصيبة انه ما النا اعداء غير عابد. ،، يعني ازا كان هوة ورا اختفاء النسوان مو كان الأولى انه يخلص علينا لما تاحتله هالفرصة وخاصة انه وعالأغلب اخدنا منوم لحتى ماحدا فينا وعي عشي. ،، ومن جهة تانية سألنا الشباب اللي واقفين قريب السرايا وحكوا انهم ماشافوا شي مو طبيعي ولا شافوا حدا غريب فات عالسرايا

ساري: كلام مرهف مزبوط ،، شباب ليكون ورد عمللهم شي. !!

اطلعوا كلهم بـ ساري ليرد قصي: هلأ بدك ندى تقدر عكل البنات ولا ،،،،

قاطعه جواد بسرعة. :السفاااح. ،، يخربيته معقول يكون قطعهم ودفنهم وماحدا حس فيه.

عربي: جواد ممكن تنقطنا بسكووتك انت. ،، شو هي قطعهم ،، استغفر الله بس

سكتوا الكل ليسمعوا نغمة رسائل صادرة من جوال عربي. ،، رفعه وتغيرت ملامحه ليسأل مرهف:  شو. ،، مين. !!

عربي:  اجتني رسالة من رقم غريب بيقول فيها " افتحوا لابتوب ساري. "
اطلعوا كلهم على ساري ليحكي جواد: يا ابن ال ***** وال *******  عفكرا انا مابحبه هاللابتوب. ،، تضرب منك الووو اي يا ******. "
ساري:  وشو ذنبي انا
جواد:  يقطع عمرك على عمره ال **** روح جيبه لنشوف اخرتها مع هالشغلة ،، قال ورد عمللهم شي. ،، ******* عليك وعلى منطقك ال ***** وعلى ****  ورد على ******  هالعيلة اللي كلهاااا ****** و ******** $$$&*××××**

بقي جواد يسب مسبات شي بيعرفوها وشي بعمرن ماسمعوها وهنن صافنين فيه 
مرهف :يخربيتك شو لسانك زفر. ،، ولك منين بتخترع هالمسبات
جواد: من ال ****
اطلع عربي على زهدي وحكا: غطي ادانك. ،، حاكم فلت لسانه الحيوان