عيون القلب

البارت الاول

في صباح يوم جديد مع طلوع الشمس تداعب الشمس عيناها فتستيقظ وهي تتثأب فتنظر إلي الهاتف تجد الساعه السابعه
عين: يا نهار ابيض الساعه سابعه أنا شكلي هتأخر جامد انهارده اول يوم في ليا في الشغل ربنا يستر
خمس دقائق وكانت عين قد ارتدت فستان رقيق لونه بينك وبه ورود صغيره بالون الاحمر وارتدت حجاب اوف وايت فخرجت ترقض بسرعه حتي لا تتأخر أكثر
(عين فتاه متوسطه الجمال بسيطه جدا وعفويه انطوائيه وكتومه متوسطه الطول بشرتها بيضاء تميل قليلا الي الخمرى عيناه عسلي قاتم عمرها٢٤ عام وقد تخرجت حديثا من كليه الاعلام وكانت تقيم في الصعيد ولكن انتقلت الي القاهره مع صفاء لكي تنهي جامعاتها )

أوقفت عين تاكسي وانطلقت إلي الجريده وتدعي ربها أن يعدى اليوم علي خير
عين:بسرعه يسطاا لوسمحت
السائق : حاضر يا أنسه ما انتي شايفه الطريق قدامك ازاى اشيل التاكسي يعني و أجرى ولا اعمل اي
عين : حضرتك بتتريق يعني أنا بقولك اتأخرت واول يوم ليا وهترفد
السائق : والله يا انسه مش عجبك انزلي انتي مش هتعرفيني شغلي أنا عارف شغلي كويس لو بإيدى حاجه كنت عملتها
عين: حضرتك بتتكلم معايا كده ليه محسسني اني راكبه لمبرجيني أنت مسمي علبه الصلصه دى تاكسي دى ماشيه زي البطه جنب العربيات
السائق : يا حول الله يارب يا ست انتي هو حد داسلك علي طرف انزلي يا ست الله يسهلك مش ناقصه هي علي الصبح
عين: طب ياعم براحه علي نفسك محسسني اني هموت واركب معاك خد ياعم اجرتك اهي
السائق : مش عايز حاجه بس حلي عني الله يسهلك يا ست
نزلت عين من التاكسي
وقفلت الباب بقوه وكادت أن تتحدث قائله هو أنا بشحت منك يا عم قد هرب السائق بالتاكسي فقالت لنفسها ابو شكلك عصبح هي ناقصه
مش كفايه اتأخرت هنيل اي دلوقت خلاص هما شارعين همشيهم في خمس دقائق واكون وصلت
وصلت عين أمام الجريده هي تتنفس بصعوبه وطلعت السلم ودخلت
عين: لو سمحت فين مكتب استاذ احمد
الشخص :تاني باب في الطرقه علي ايدك اليمين
عين : شكرا
ذهبت عين بسرعه وقفت أمام الباب خائفه اخدت تهدأ من ضربات قلبها ثم طرقت الباب
أحمد : ادخل
عين : ازيك يا استاذ احمد أنا عين الصحافيه الجديده اولا أنا بعتذر جدا علي التأخير
أحمد :اتفضلي يا انسه عين انهارده اول يوم ليكي واتأخرتي يا ريت متحصلش تاني هسامحك المره دى بس عايزك تعرفي أن هنا مفيش تهاون في الالتزام ابدا وده هتعرفيه مع الوقت
عين : أن شاء الله هكون عند حسن ظن حضرتك ممكن اعرف هبدأ شغلي ازاى
أحمد: عجبني حماسك جدا للشغل وده حاجه كويسه وان شاءالله هتكوني معانا في المستقبل ومركزك اعلي واسم لامع استاذه نهي هتعرفك كل حاجه وهتدربك عشان انتي لسه جديده
عين : بشكر حضرتك جدا وعن اذنك هروح للاستاذه نهي
احمد : اتفضلي بالتوفيق ان شاء الله
خرجت عين من عند أحمد وكانت متوتره قليلا مرت فتاه بجانبها
عين :لو سمحتي الاقي فين استاذه نهي
ابتسمت الفتاه وقالت لها أنا استاذه نهي انتي الصحافيه الجديده صح
عين: اهلا بحضرتك أنا عين
نهي : اهلا بيكي يا حببتي مالك متوتره كده ليه
عين : اول يوم ليا هنا بقاا وكده
ابتسمت نهي وقالت خدى الموضوع ببساطه تعالي معايا علي مكتبي
ذهبت عين وهي متوتره وتشعر أن الجميع ينظر إليها فذهبت مع نهي الي مكتبها وأخذت تشرح لها ماذا تفعل وكان بجوار نهي مكتب جديد في نفس الغرفه لعين فجلست عين تعمل ما شرحته لها نهي
نهي: لو احتجتي اي حاجه قؤليلي متتكسفيش مني
ابتسمت عين ووأمت برأسها واكملت ما تفعله

وبعد ساعه طرق شريف الباب
نهي :اتفضل
شريف : في اجتماع عند أستاذ أحمد وطالبنا كلنا ثم نظر إلي عين مخاطبا نهي مين القمر
سمعت عين شريف ولكن تصنعت أنها لم تسمع وأنها مشغوله بعملها فقد خجلت
نهي : تعالي اعرفك فنادت علي عين وقالت لها استاذ شريف زميل معانا هنا
عين : اهلا وسهلا بحضرتك
شريف : اهلا بيكي ثم نظر إلي نهي يلا عشان منتأخرش ثم خرج
وبعده نهي وعين

في مكان أخر في الصعيد

كانت تجلس سيده في عمر الخمسون لكن كأن الزمن لم يمر عليها ما زالت محتفظه بجمالها قطع شرودها طرق الباب
عواطف : ايوه جايه
فتحت الباب وجدت محمد
محمد: كيفك يا خاله اخبارك اي
عواطف: امنيحه يا ولدى ادخل جوه اشرب الشاي انت هتحدد وانت واقف أكده
دخل محمد وقال إني كنت معاود لابوى في الأرض قؤلت افوت عليكي اشوفك عايزه حاجه كده ولا كده
عواطف : الله يخليك يا ولدى البيت فاضي من اليوم اللي مشت فيه عين
محمد : مكنش لازم تسبيها تعيش وحديها في البندر يا خاله
عواطف : علشان علامها يا والدى هو انت كنت عايزني احبسها اهنه وبعدان انت عارف انها غاويه علام
محمد : بس يا خاله عشان محدش يتكلم عليها كلمه أكده ولا أكده واصل
عواطف : انا واثقه في بنتي يا ولد حسن وبعدان هي مش وحديها دى معاها صفاء
محمد: ربنا يسعدها يا خاله
عواطف :الله يخليك يا ولدى
محمد : اني معاود عشان اتاخرت عايزه حاجه يا خاله
عواطف : شكرا يا ولدى مع السلامه

نرجع تاني للجريده
اتي الجميع في غرفه الاجتماعات منتظرين أحمد وكانت عين متوتره جدا من نظرات الموجدين بالغرفه بالغرفه وتتمني أن تخرج حالا أو ينتهي الاجتماع بسرعه
جاء احمد والقي السلام ثم عرف الجميع بعين وجلس يشرح الجالسين ويعطي كل واحد مهمه قائلا نهي عملتي اي في أخر موضوع طلبته منك نهي:جاهز يا فندم
احمد : كويس جدا اجهزى يا نهي عشان هتسافرى يومين في مهرجان الجونه
نهي: تمام
ثم أكمل احمد : شريف انت هتعمل مقابله مع رجل الأعمال ادهم المنشاوى
شريف : تمام
ثم أكمل احمد: طارق انت بقاا في واحده قتلت جوزها في قريه .....هتروح تشوف اي الدنيا وتكتب عن الموضوع ده وبعدها تروح للضابط المسؤل عن القضيه هيفيدك
طارق: موضوع قتل الستات لازوجهم ده بقي منتشر جدا والموضوع بقي غريب اوووى
شريف : الموضوع ده عليك يا معلم وانت اللي هتكتب فيه
طارق : تمام يا باشا
ظلت عين تستمع وتشاهدهم وهم يتحدثون وهي متوتره جدا
أحمد : عين انتي هتكملي موضوع الموضه والازياء اللي نهي كانت بكتب فيه اول ما تخلصي تحبيه ليا الاول علي مكتبي أقرأه قدامك يومين
عين : تمام
أحمد انتهي الاجتماع يا جماعه يلا كل واحد علي شغله
خرج الجميع وخرجت عين مكسوفه جدا ومتوتره وكانت شارده ماذا سوف تفعل في هذا الموضوع إن لم يعجب استاذ احمد في كانت متفوقه ولكنها تخشي أن تفشل ليس لديها ثقه في قدراتها
وهي شارده وجدت من يرتب علي كتفها فصرخت فزعه.....
🏵️🏵️🏵️🏵️🏵️🏵️🏵️🏵️🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نكمل الفصل اللي جاي
في ملحوظه احمد مش هو البطل ولسه البطل هنقابله في الفصل التاني والشخصيات هنتعرف عليهم وادوارهم واحنا بنقرأ وأحمد عنده ٢٩ سنه شاب طويل وسيم بشرته قحيه شعره اسود وعيونه بنيه 🌺🌺🌺