عيون القلب

البارت الخامس عشر

أدم : أهلا يا عين ازيك
عين : الحمدالله انا كنت جايه اعتذر لحضرتك علي اللي حصل
أدم : أنا هيجيلي ارتجاج في المخ بس يلا أنا كويس اهوو حصل خير
عين : متقلقش انت مش بيحصلك حاجه
أدم : أنتي بتحسديني بقاا
عين : لا انا بقر بس ثم قالت استاذ أدم أنا كنت جايه أطلب منك رقم أستاذ أحمد عشان أنا نسيت تليفوني في البيت ورجعت فجأه وما بلغتوش إني ممكن مرجعش الشغل تاني
أدم : متشغليش بالك أنا هكلمه
سيف : هو أنتي تعرفي أدم يا عين
عين : ايوه صاحب أستاذ أحمد مديري وعملت معاه حوار صحفي قبل كده بس ياريت متقؤلش لعمي لان ممكن تحصل مشكله
سيف : متقلقيش
أدم : أنتي مشيتي ليه يا عين ورجعتي علي الصعيد
عين : بسبب الظروف عن اذنكوا هتنزل لماما عشان اتأخرت
نزلت عين استغرب أدم هل هي اتضايقت
سيف : عين رجعت عشان عمي خايف عليها وعايز يجوزها  غصب عنها ابنه محمد وعين ومحمد رافضين
أدم : محمد مين
سيف :محمد يا بني ومش عارفين نحل المشكله دى ازاى
أدم : أنا عندى الحل
سيف : أي
أدم : عين حابه تعيش في القاهره وتكمل شغلها هناك وعمك مش عايز ده عشان هي هناك لوحدها وعايز يجوزها محمد
سيف :ايوه
أدم : الحل أن عين تتجوز واحد من القاهره
سيف : هنجيبه منين ده
أدم : احم أنا
سيف : نعم
أدم : أنا مش هكدب عليك أنت عارف اني اعرف عين قبل كده من طبيعه الشغل وغير كده ميديرها يبقي صاحبي أنا حبيت عين أنا سبت شغلي وجيت لحد هنا بدور عليها معرفتش اني بحبها غير لما اختفت فجأه بقيت هتجنن عليها وأنا عايز اتجوزها وانا اكتر واحد يعرف كويس ازاى يحميها
سيف : هنفتح عمي في الموضوع ده ازاى وازاى هنقنعه
أدم :أنا هروح دلؤقت القاهره وبعد اسبوع هجيب اهلي ونتقدم ليها
سيف : تمام انا هحاول افتح الموضوع مع عين
أدم : أنا عايز اكلمها أنا قبل ما امشي وانا اللي هقؤلها
سيف : تمام
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
كان محمد وساره في المطعم يتناولون الغداء ويمزحون
كان في الطاوله المجاوره شاب ينظر إلي ساره ولكن ساره لم تهتم كانت تتحدث مع محمد وتبتسم وتحكي عن يومها 
فوجدت ذلك الشاب يغمز لها😉 نظرت له بغضب فلاحظه محمد فحول نظره إلي ماذا تنظر وجد ذلك الشاب الوقح ينظر إلي محبوبته
محمد: ساره مالك
ساره : مفيش
محمدنظر إلي الشاب مره أخرى وجده مازال ينظر لها
قام محمد بإتجه بسرعه
محمد: شكلك عايز تتعلم الأدب
ساره : محمد أهدى بس
محمد امسكه وضربه بوكس صارخا : أنا ههميك لو بصتلها حتي بالغلط أنت فاهم وضربه بوكس أخر وقع علي الارض
وشد ساره من يدها ومشي
ساره ببكاء: أهدى يا محمد براحه ايدى وجعتني
فتح لها باب السياره ودفعها داخل السياره وركب السياره وكان يسوق بسرعه كبيره
ساره ببكاء: براحه يا محمد أنا خايفه
وقف محمد بغضب : لما الحيوان ده كان بيبصلك مقؤلتيش ليه لما هو بيضايقك
ساره بخوف : مكنتش حابه نعمل مشاكل وبعدين انت مكبر الموضوع اوووى
محمد : ساره انتي اتجننتي كان بيبصلك بوقاحه وتقؤلي مكبر الموضوع
كانت ساره خائفه جدا وتبكي
نظر محمد إلي حالاتها لعن نفسه لأنها اخافها بهذه الطريقه فأمسك يديها الصغيرتين  قائلا : أنا أسف بس خلاص متعيطيش دموعك دى بتحرق قلبي
قام بمسح دموعها قائلا : اللي يبصلك أو يجي جنبك احرق الدنيا كلها أنتي متعرفيش أنتي بالنسبالي أي
هزت رأسها بلا
فأبتسم ونظر في عينيها قائلا : أنتي حببتي وأختي وبنت عمي وكل حياتي
كانت في صدمه و قلبها يدق بعنف هل هو أعترف لها بحبه أم أنها في حلم
محمد : ساره ...ساره 
كانت في وادى أخر
ساره : هو انت قولت حاجه ولا أنا بيتهيألي
محمد: ساره أنا بحبك
ساره  بصراخ : أنت غبي ياااض أنت عايز تجنني كل السنين دى متنيلتش قؤلتلي ليه
محمدبضحك: يعني أنتي كمان بتحبيني
ساره :عايز تفهمني إنك طول الفتره مش حاسس بحبي ليك
محمد :أنا كنت عارف حاجه واحده بس اني بحبك ومقدرش أعيش من غيرك
ساره : أنا مش مصدقه
ضحك محمد : تعالي نروح عشان نتأخر
ابتسمت ساره بخجل
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
كانت سهي تذاكر دروسها حتي رن هاتفها
سهي: ألووو
شخص :ايوه يا حلوه
سهي: مين معايا
الشخص : لحقتي تنسي صوتي
سهي: انت عايز مني ايه حرام عليك
الشخص :  هو انا لسه عملتلك حاجه اخواتك هتسمعي خبرهم
سهي بتمثيل : لا والنبي اخواتي كل اللي انت عايزه هعمله بس أخواتي لا
الشخص بضحك : بصي بقاا يا حلوه هبعتلك عنوان تيجي لوحدك فاهمه لو جبتي حد معاكي أو قؤلتي لحد هخلص عليكي فاهمه
سهي: حااضر والله
الشخص: سلام يا قطه
وبعد دقائق ارسل لها العنوان في رساله
اتصلت بمالك
مالك : ازيك عامله ايه
سهي: الحمدلله الراجل كلمني تاني وبعتلي عنوان وطلب مني اروحله
مالك : تمام لو بعتلك اي رساله ابعتيهالي فورا لو رن عليكي مترديش واوعي تخرجي من البيت فاهمه
سهي : فاهمه
أخذ مالك سيارته وذهب إلي هذا العنوان
وصل إلي عماره في منطقه لا يوجد بها أحد صعد السلم بهدوء
وقف بجانب الباب وطرق عدت مرات فتح شاب الباب قام مالك بضربه علي رأسه بسلاحه فقد الوعي  وأدخله للداخل وقفل الباب
فقام بربطه بحبل وكان جالسا أمامه واضعا رجل علي رجل
الرجل: أنت مين ورابطني ليه
قام مالك  : وأمسك رأسه وقام بضربه لما تيجي تتكلم معايا تتكلم بأدب أنت اللي مين وعايز اي من سهي وتعرف اخواتها منين قام بضربه مره أخرى أنطق ياااااض
الرجل: انت مين وعرفت ازاى
مالك قام بسحبه علي البلكونه :اقسم بربي لو ما نطقت لارميك من هنا
الرجل : خلاص والله هقؤل كل حاجه
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
أدم كان زهقان نزل يتمشي شويه في الطبيعه
رأي عين تلعب مع أرنب أبيض وتجلس علي الأرض تضعه علي رجليها وتملس علي ظهره خطفت قلبه أخذ تليفونه والتقط لها عده صور صوره تركض وراء الارنب وأخرى تحمله وغيرها وغيرها فأقترب منها
أدم : عين
عين : نعم
أدم: كنت عايز اتكلم معاكي في موضوع كده
عين : اتفضل قؤل
جلس بجانبها ونظر إليها
أدم : عارفه انا جيت هنا ليه
عين بإستغراب : ليه
أدم : عشانك
ابتسمت عين بكسوف ونظرت لاسفل ثم أكمل أنا قلبت عليكي الدنيا لحد ما لقيتك كنت كل يوم بروح أقف تحت بيتك علي أمل أني المح طيفك أو تردى علي تليفونك أنا قلبي دق من أول يوم شفتك فيه لما وقعتي في حضني كل مره ببص في عنيكي بحس اني بعيش عمر جديد بحس اني في مكان تاني مكان مفيهوش حد غيرنا لدرجه اني كل الناس بتختفي من حوليا ومبشوفش غيرك انتي وبس انتي أول حب ليا
أدم : عين
نظرت إليه بخجل
أدم :أنا بحبك وعايز اتجوزك
عين قامت بسرعه وركضت من أمامه
نظر في أثرها حتي اختفت وابتسم
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺