عيون القلب

البارت السابع عشر

بدأت عين تفتح عينيها وجدت نفسها في غرفه مظلمه لا يوجد بها اي فتحه لينفذ منها الضوء غير تلك المسافه القصيره جدا اسفل الباب وينفذ منها ضوء بسيط جدا
بدأت تبكي وأصبحت يداها كالثلج من الخوف لاتعرف ماذا فعلت حتي يتم خطفها هي لم تأذي أحد قطع شرودها صوت تأوهات صفاء
صفااء:أهاااا يا ظهرى يا رب يجيلك الغضروف الأرض هنا ساقعه اوووى وجعت ظهرى ثم أكملت اهااااا يا دماغي ياارب يجيلك خابط في دماغك يا اللي خبطني هتروح من ربنا فين
وكانت عين مستمره بالبكاء
صفاااء: عين احنا فين احنا اتخطفنا صح
زادت شهقات عين في البكاء
عين : يا للهوى احنا انخطفنا هنموووت ياللهووى كان نفسي اموت موته حلوه شكلي هموت مقتوله هنا وزاد بكاءها
صفاااء: بس ابت انشفي كده شويه مبقاااش أنا صفاااء لو مخرجنااش انهارده
عين : هتعملي اي يا مجنونه
صفااء:لسه مش عارفه بس اكيد في حاجه اعملها
قامت صفااء أخذت تفحص الغرفه بدقه لا يوجد منها منفذ للهرب غير الباب
صفااء: تعالي يا عين بسرعه
عين : ليه
صفااء: بطلي رغي وتعالي نقف ورا الباب
عين : والله انا مش خايفه غير منك
وقفوا الاثنين خلف الباب وأخذت صفاااء تصيح بصوت عالي جدا
صفاااء: الحقونيي الحقونا البت بتموت يا ناس ياللي هنا انتو يا بهاااايم الحقونا بموووووووووت
كان يوجد ثلاثه رجال مسلحين بالخارج
رجل: أنا هروح اشوف البت دى عامله وش ليه
الرجل الثاني: متجيش جنبهم الباشا قال مش عايز يأذيهم عشان وراهم نااس جامده
الرجل : تمام هروح اخرسهم بس
دخل الرجل وفتح الباب لم يجد أحد وكاد أن يخرج وضعت صفاء قدمها فوقع علي وجهه
صفااء: عين خدى المسدس من جيبه وجلست صفاء عليه
أخذت وتلكمه في وجهه وتصرخ يا حيووان انت ازااى تخطفنا
الرجل : ما تبعدي عني ياا مره ودفعها بقووه فوقعت علي الارض
الرجل : انا هربيكي وكان يسحبها وهي تحاول الفرار منه دفعته كاد يرفع يده ليضربها فكانت اسرع منه وركلته في بطنه بقوه
صفاااء: الضربه القاضيه اعاااا
كان الرجل يتلوى من الألم في الأرض
صفااء أمسكت يد عين التي تبكي في يدها المسدس : يلا نخرج بسرعه
خرجت صفااء وعين ببطء ينظرون حولهم
الرجل الثاني: أدخل يا بني جوه شوفه أتأخر ليه
الرجل الثالث : حاضر
دخل الرجل فلاحظته صفااء فسحبت عين واختبأت خلف صناديق وبعض الكراكيب
وأخذت تبحث حولها حتي وجدت عصااا خشب سميكه
دخل الرجل الغرفه وجدها فارغه وصديقه يتلوى من الألم في الأرض فصرخ به وأخذ يهرول إلي الخارج وقبل خروجه قامت صفااء بضربه علي رأسه ضربه قويه حتي وقع علي الارض
عين ببكاء: ده مات يا صفااء أحنا بقينا مجرمين وهنتحبس وجلست بجانبه عمو اصحي والنبي اوعي تموت
صفااء: يلا يا عين مش وقته غباء شويه وهيفوق يلا نلحق نخرج من المخروبه دى
قامت صفااء بسحبها للخارج ولكن كان يوجد رجل أخر بالخارج فأختبأت مره أخرى وراء حائط قذفت صفااء حجر صغير وسط الكراكيب فأحدث ضجه فدخل الرجل ليري ماذا هناك
قامت صفااء بسحب عين وخرجوا إلي الخارج بسرعه وحرص شديد واصبحوا في الخارج وجدوا أنفسهم في مكان أشبه بالصحراء لا يوجد بيوت ولكن كان يوجد طريق بعيد قليلا اخذوا يركضوا في اتجاه هذا الطريق
وقفت عين تتنقس قليلا فقد تعبت من الركض
صفااء: وهي تأخذ نفسها يلا يا عين بسرعه خلاص قربنا نوصل للطريق
عين ببكاء: مفيش عربيات ماشيه علي الطريق مفيش كلبه ماشيه مفيش حتي سحليه
صفاااء: يا بنتي بطلي نواح بقااا متقرفنيش انا قرفانه خلقه
عين ببكاء: ياارب يوم ما اموت امووت مقتوله لا اموت في الصحرا دى والكلاب والديابه تكلنا أنا عايزه اروح
صفااء :يا بنتي اخرسي بقاا خلينا نشوف هنروح فين داهيه
وصلوا إلي الطريق
صفااء: تعالي نمشي في الاتجاه ده
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في مكان أخر
محمد: يعني اي هربوا هربوا راحوا فين تلاقهم بسرعه واسمعني كويس الخبر ده ما يوصلش لتوفيق تلاقيهم وتكلمني
زين :في اي
محمد : بيقول في واحده مجنونه ضربتهم وهربوا
زين : اكيد صفااء
أدم : هربوا فين الطريق مقطوع انا هروح ليهم
محمد : أهدى انت كده هتبوظ الخطه
أدم بغضب : خطه اي وزفت اي انا مستحيل اعرض حياتهم للخطر وادخلهم في حاجه زى كده
مالك : أهدى بس كده واسمعني انا في اتنين اللي تبعنا هناك وبيحموهم الموضوع في صالحنا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في الصعيد
عواطف خرجت من منزلها وجدت محمد وسيف
عواطف بقلق : يا محمد
محمد : نعم يا مرات عمي
عواطف : عين راحت تجيب حاجات للبيت وقالت هتقعد مع صفااء شويه ومن صباحيه ربنا مرجعتش لحد دلوقت
محمد : متقلقيش يا مرات عمي اني هروح أناادى عليها
عواطف : كتر خيرك يا ولدى
ذهب محمد لبيت صفااء وطرق الباب فتحت شيماء
محمد : احم نادى لعين يا شيمااااااء
شيماء: وه هي مش عنديكم صفااء وعين نزلوا الصبح يتمشوا
محمد: مرات عمي قالت برضوا نفس الكلام
شيماء: هيكونوا راحوا فين
محمد: اني هروح ادور عليهم
شيماء : استني اني جايه معاك اشوف مقصوفه الرقبه دى فين
محمد: ادخلي يا شيماء هتروحي
شيماء بعند : اروح اشوف خيتي فين
محمد وهو يمشي : ارجعي يا بت مش هعيد كلمتي
شيماء: رجلي علي رجلك ومش هعاود
محمد بنفاذ صبر: امشي قدامي لما نشوف اخرتها اي معاكي
في بيت عواطف في الليل كانت رحيل وشيماء بجانبها يهدأوها
عواطف ببكاء: بتي فين أنا عايزه بنتي
رحيل : هنلاقيها إن شاء الله يا عمتي أهدى
جاء محمد وشيماء:مش موجوده في البلد كلها اختفت فص ملح وداب
جاء سيف : مش لاقيها
حسام : ابن عمي سلطان اللي في البلد قال إنه كان بيزرع الارض في الناحيه الغربيه وشاف عربيه سوده خطفت عين وصفااء علي ما طلع من الأرض وراح ليهم كانوا مشيوا واختفوا
محمد بغضب: راحوا هناك يعملوا اي المنطقه دى مقطوعه ومفيهاش بيوت
حسام : هو قالي أن العربيه مشيت في الطريق اللي بيخرج علي الطريق الرئيسي هنروح تشوف الكاميرات بتاعت المحلات اللي علي الطريق
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺كانت صفااء وعين يمشون علي الطريق
عين جلست علي الارض : انا مش قادره امشي خطوه واحده
جلست بجانبها صفااء : لا انا انا تعبت مش قادره مفيش ولا عربيه عدت احنا لو اتقتلنا هنا محدش هيسمع بينا
عين : المسدس ده انا مش عارفه جبته معايا ليه
صفااء: هاتي كده اجربه
عين : بلاش انتي تعرفي تمسكيه اصلا
صفااء: اول مره امسكه بس بشوفهم في التلفزيون بيعملوا كده رفعت ايدها لاعلي ممسكه المسدس اطلقت رصاصتين قائله : نيههههاهااااا
فزعت عين : صفااء ارمي البتاع ده انا بقيت اخاف منك
كان الثلاث حراس يبحثون عنهم بالعربيه حتي سمعوا صوت إطلاق النار فذهبوا بإتجاهه وجدوا صفااء وعين جالسين
عين : الحقي في عربيه جايه علينا نظرت صفااء كانت العربيه قد اقتربت
صفااء: ياللهووى دول اللي خطفينا اجرررى يا عين
وصلوا إليهم بالعربيه وخذوا يركضون خلفهم حتي امسكوا بهم
صفااء: بس يا بني متزقش
عين كانت تبكي
الرجل : دخلهم واقفل عليهم روحوا هاتوا ميه واي حاجه يطفحوها
بعد ذهاابهم
اخرج الرجل هاتفه واتصل علي زين
الرجل : الووو يا باشا
......................
الرجل : حاضر ثواني
فتح الباب ونظر لهم : مين صفااء
صفااء: نعم
الرجل: الباشا عايز يكلمك
صفااء بصدمه : انت يا زين الكلب اللي خاطفنا والله لافضحك
زين : صفااء اتلمي اسمعي كويس اللي هقوله انا بعت الراجل ده عشان يحميكوا اعملوا اللي يقولكم عليه عشان الاتنين التنين تبع اللي خاطفكوا بكره أنا جااي ليكوا بالبوليس
صفااء: تمام أعطته صفااء الهاتف فخرج بسرعه
عين : أنا مش فاهمه حاجه حكت لها صفااء ما قاله زين
عين : الحمدلله انا كده ارتحت
قامت صفااء : انت يا بني
جاء الرجل : عايزه اي
صفااء: عايزه اكل
الرجل : في واحده مخطوفه ليها نفس تأكل
صفااء: مش أنا طلبت
الرجل: اهااا
صفااء: يبقي في وهات حاجه ننام عليها وحاجه نتغطي بيها وعايزه شبسي بالجبنه وايس كريم
الرجل : فوقي يا انسه انتي مخطوفه مش في رحله
صفااء: عليا النعمه لو منفذتش اللي انا قؤلت عليه هقؤل للعجلين اللي بره انك تبع زين
الرجل : ياارب اي المصيبه اللي وقعت فيها دى حااضر حاضر هجبلك اللي انتي عايزاه بس اسكتي
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺