عيون القلب

البارت العاشر

كان الجميع جاهز للخروخ أدم وعلي وزين وساره وسهي ويارا
زين : كله جاهز يلا
ركبت ساره ويارا  مع زين في السياره وعلي وأدم وسهي في سياره أخرى
زين : تحبوا تروحوا فين
ساره : الملاهي
زين : تمام بس نروح نتغدى الاول 
ذهب الجميع إلي المطعم وجلسوا علي طاوله كبيره
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
كانت صفااء وعين في التاكسي
عين هنروح فين
صفااء: أنا جعانه تعالي نروح اي حته نتغدى الاول
عين : تمام في مطعم قريب من هنا
ذهبت صفاء وعين إلي المطعم كان مطعم فخم جدا
جلسوا علي طاوله
صفااء: بهمس عين تعالي نروح ناكل كبده عند عم عبدوا احسن الناس هنا شكلها نضيفه
عين : لا والله يا صفااء الناس هنا نضيفه واحنا معفنين يعني
صفااء : انا مش معايا فلوس
عين : متقلقيش يا ستي انا معايا اطلبي اللي انتي عايزاه
اخذت صفااء المنيو وطلبت لها هي وعين
كانت سيده تجلس علي الطاوله المقابله وكانت ترتدى فستان قصير جدا يظهر أكثر مما يخفي كانت صفااء تنظر لها بقرف من فوق لتحت وتقول في سرها استغفر الله العظيم ياارب اي القرف ده دى لبسه قميص نوم مش فستان
عين: اسكتي يا صفاء ملناش دعوه احنا هنتغدى ونمشي
ظلت صفااء تراقب تلك السيده وتنظر لها بإستحقار فلاحظت تلك السيده نظرات صفااء طول الوقت
فقامت من مكانها وكانت تمشي في اتجاه صفااء
صفااء: يا لهوى دى جايه علينا
السيده: ممكن افهم حضرتك بتبصلي من الصبح بقرف ليه
صفااء: اي ست انتي هو حد كلمك هو حر شكل للبيع وخلاص
عين: احنا اسفين حضرتك هي متقصدش
السيده : كمان اسمك صفااء مش كفايه انك بيئه اوووى
صفااء: انا بيئه صح يا بليتشوا
السيده : مش هرد عليكي عشان انتي قد طنط
صفااء: انا بيئه وطنط صح
عين : أهدى يا صفااء ويلا نمشي
صفااء: بصوت عالي انا هوريكي يا عره الستات مين البيئه وانقضت صفااء علي هذه السيده
عند زين وأدم
زين : اي الصوت ده
ساره :باين في خناقه هناك
ساره : زين اي ده مش دى السكرتيره اللي عندك في المكتب
نظر زين وجدها صفااء تضرب هذه السيده ولا يستطيع أحد الاقتراب منها
زين : صفااء !!
قام زين بسرعه وذهب إلي صفاء وشدها من يدها
صفااء: سبني عليها بقؤلك
زين بصراخ : صفااء قؤلتلك اسكتي وأهدى بقاا شويه
صفااء استوعبت وجود زين : انت بتعمل اي هنا
زين : انتي اللي بتعملي اي وبتضربي الست دى ليه
السيده ببكاء : انا مستحيل اسكت علي اللي حصل ده انا هبلغ البوليس
زين : انا اسف حضرتك علي اللي حصل نقدر نقعد نتفاهم
زين : خد صفااء والانسه مع البنات
أدم : اتفضلوا ذهبت صفاء وعين مع البنات وكانت صفااء تنظر لساره بغيظ
ساره بهمس ليارا: هي بتبصلي كده ليه دى شكلها عايزه تضربني
ياارا : شكلها مجنونه
وبعد عشر دقايق جاء أدم وزين بعدما خافت هذه السيده من نفوذ زين وذهبت دون احداث مشاكل
زين : حسابك معايا بعدان يا صفااء
زفرت صفااء بضيق
أدم : ازيك يا عين عامله اي
عين : الحمدلله بخير
أدم : انتي تعرفي انسه صفااء
عين : صفااء صحبتي وعايشين مع بعض
أدم : اعرفك زين وساره أخواتي وعلي ويارا وسهي ولاد عمي
زين : اهلا بيكي
ساره ويارا : اتشرفنا بمعرفتك يا قمر
سهى: انتي تعرفي ابيه أدم ازاى
عين: انا صحفيه وكنت عملت مقابله معاه قبل كده
كانت صفااء مبتسمه بشده عندما علمت أن ساره اخت زين
زين : وانتي يا صفااء بتتخانقي مع خلق الله كده علطول ضربتي الست الغلبانه دى ليه
صفااء: دى غلبانه دى دى وليه عايزه الحرق
زين : انتي اللي لسانك عايز القطع
أدم : أهدوا كده يا جماعه في اي
زين : ممكن تقولي اتخانقتي معاها ليه
عين : عشان قالت لصفااء انتي بيئه و كمان قالت ليها يا طنط
ضحك الجميع
سهي : تستاهل اللي انتي عملتيه فيها دى لو شالت الميكب هتلاقيها قد تيتا
صفااء: حببتي والله انا حبيتك ابت خدى بوسه
عين: طب عن اذنكوا بقاا هنروح احنا يلا يا صفااء
اسرع أدم : تحبوا اوصلكوا
سهي : ما تقعدوا وقضوا معانا باقي اليوم احنا لسه هنروح الملاهي
جلست صفااء قائله إذا كان كده : مااشي
أدم:وانتي يا عين وراكي حاجه
أسرعت صفاء: لا معندهاش
نظرت لها عين نظره تحذير
أدم : خلاص اتفضلي اقعدى
جلست عين وبعد انتهاء الغداء ذهبوا إلي مدينه الملاهي
كانت صفااء وسهي وعين وساره في السياره مع زين وطول الطريق كان زين يضايق صفااء برمي الكلام عليها
وكانت ياارا وعلي مع أدم
وصلوا لمدينه الملاهي واستمتعوا جميعا ما عدا عين فهي تخاف من هذه الألعاب وكان أدم معاها حتي لا تكون بمفردها
عين : انت مش هتروح معاهم
أدم: لا انا مش بحب الالعاب
عين : انا بخاف منها
أدم : تعالي معايا متخافيش
عين : لا انا بخاف اووى
أدم: عين متخافيش طول ما انا معاكي
عين ابتسمت بخجل: حاضر
ركبت وأدم القطار
أدم: لما تحسي بخوف غمضي عينك
عين : حاضر
بدأ القطار السير براحه حتي أصبح في الاعلي ثم اسرع عند الهبوط فصرخت عين واغمضت عينيها وامسكت يد أدم بقوه
وبعد أن انتهي نزلت عين كانت دايخه وكانت هتقع فساندت علي أدم
أدم بضحك : مالك انتي دوختي ولا اي
عين : انا مش هسمع كلامك تاني
أدم بضحك: تعالي بس اقعدى احسن تقعي في حضني تاني
عين بغضب ممذوج بخجل: انت رخم علي فكره
أدم : وانتي قمر علفكره
عين : هاا
أدم بضحك: هاا اي اقعدى هنا هجيب حاجه بسرعه واجيلك
ذهب أدم وأحضر عصير ومياه وشيكولاته كتير وغزل بنات
وجاء إلي عين
عين بفرحه : هيييييي غزل البنات
ضحك أدم عليها : انتي طفله
عين بضحك : طفله طفله المهم أن في غزل بنات وأخذته منه وأخذت تأكل منه
أدم : مش عايزه تشوفي انا جبتلك اي
عين بإبتسامه وفضول: اي
أدم : اعطاها الكيس
عين نظرت فيه بفرحه : الله دى شيكولاه كتير
ميرسي ميرسي ميرسي ميرسي
ابتسم أدم ونظر لها بحب وهي تأكل مثل الاطفال
وبعد ساعه جاء الجميع للذهاب
أدم : أنا هوصل صفاء وعين وانتوا روحوا مع زين
ذهب أدم ووصل صفاء وعين إلي البيت نزلت صفااء
عين لادم : شكرا بجد
أدم : علي اي المهم تكوني مبسوطه
عين : ابتسمت
أدم : عين
عين : نعم
أدم : ممكن رقمك لاني محتاجك في شغل عشان الشركه وكده
عين : اها طبعا ثم اعطته الرقم ونزلت عين من السياره
أدم : عايزه حاجه
عين : عايزه سلامتك
طلعت عين إلي المنزل وهي سعيده جدا
وجدت صفاء نامت
القت نفسها علي السرير وهي سعيده تنظر إلي أعلي وتفكر في أدم وتضحك قائله : انا شكلي فعلا حبيته
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند أدم وصل الجميع إلي منزل وكل واحد ذهب إلي غرفته
وصل أدم وكان سعيد جدا يتذكر عين ضحكاتها وغضبها وخجلها وتذكر تلك اللحظه التي كانت ممسكه بيده
ثم تمدد علي السرير ونام بعمق
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺