عيون القلب

البارت الثاني

كانت عين شارده حتي وجدت من يرتب علي كتفها فصرخت فزعه
نهي: اي يا بنتي في أي انتي خفتي من اي
عين :كنت سرحانه بس فاتخضيت
نهي: يلا علي المكتب عشان نخلص بسرعه ونمشي بدرى
عين: بحماس يلا

في مكان أخر في فيلا المنشاوى
(الجد عبدالرحمن يعيش هو وأولاده محمود وزوجته كريمه واولادهم زين وادم وساره و ومحسن ابن عبدالرحمن الثاني وزوجته ناهد واولادهم سهي ويارا محمدوعلي)

في قصر كبير

يجلس الجد عبدالرحمن في الحديقه يتناول الفطور في جو مشمس مع أولاده
عبدرحمن : الولاد هيجو امتي من السفر وحشوني اوووى البيت فاضي من غيرهم
محمود : اتصلت بساره قالت إنهم هيجوا بكره الصبح
محسن: ادم فين مجاش امبارح ليه
كريمه : وصل انهارده الصبح بدرى كان مرهق خالص
محمود: الولد سهران طول الليل مطبق في الشركه عشان الشغل مش بيدى نفسه فرصه يرتاح

عبدالرحمن : أدم تعب اووى لحد ما وصلنا اللي احنا فيه كله بفضل ربنا وفضل ادم هو اللي كبر الشركه وعمل ليها فروع كتير واسم لامع وكمان جمع اخواته وولاد عمه حواليه الترابط اللي بينهم ده هو اللي كبرهم

محمود : أدم ذكي وطموح وطول عمره ناجح
عبدالرحمن : نفسي اشوف ولاده قبل ما اموت
محسن :بعد الشر عليك يا بابا انت لسه شباب
ناهد: ربنا يخليك لينا يا بابا
ضحك عبدالرحمن قائلا لمحسن : طول عمرك بياع كلام
محسن : أنا يا حج ده انا غلبان الحق عليا كنت عايز اشوفلك عروسه
عبدالرحمن : لا يعم لا تشوف عروسه ولا عريس سيبني في حالي بس ده كل اللي عايزه منك
ضحك الجميع واكملوا تناول الإفطار

🌺🌺🌺🌺🌺🌺
نرجع تاني لعين
انتهت عين من العمل وذهبت إلي البيت فوجدت البيت كما هو
دخلت غرفه صفاء وجدتها ما زالت نائمه
عين : صفاااء يا صفااء
صفاء: .......
عين : يا صفصف يا صفااااااااء
صفاء : وهي مغمضه عينيها اممممم
عين : اصحي يا بنتي كفايه نوم انتي مرحتيش الشغل انهارده كمان
صفاء : بصوت ممزوج بالنوم مقدرتش اصحي بدرى ممكن تطفي النور وتاخدى الباب في إيدك وانتي خارجه
عين: لا اصحي يلا نعمل شغل البيت ونتسلي مع بعض
صفااء: مع نفسك
قامت عين وفتحت الشباك ليدخل النور الغرفه لتتضايق صفاء حتي تستيقظ
صفااء : بصراخ قسما بالله الشباك ده لو متقفلش هحدفك منه تنزلي مكسره
خافت عين لأنها تعلم جيدا غضب صفااء قائله : لا وعلي أي الطيب احسن أقفلت الشباك بسرعه ثم خرجت من الغرفه
صفااء بصراخ : اطفييييي النوررررررر
خرجت عين كأنها لم تستمع
صفااء : اووووف اووووف هو الواحد مبعرفش ينام في البيت ده شويه خرجت صفااء عجبك كده طيرتي النوم من عيني
عين : هو انتي بتعملي حاجه غير النوم اصلا 
صفااء : أنا جعانه في أكل اي
عين: انا لسه جايه من الشغل هنزل اجيب حاجات للبيت من السوبر ماركت حضرى الأكل علي ما ارجع
صفااء: تمام
رجعت عين البيت وهي تحمل اكيااس دخلت المطبخ وجدته في حاله لا يرثي عليها
عين : اي ده فين المطبخ طب فين الاكل
صفااء : والله يا عسل انتي عارفه انتي مش بعرف اتنيل اطبخ
عين بغضب : انتي بتعرفي تعملي اي اصلا
صفااء : بت متزهقيش عليا يستي المطبخ هنضفه وانتي اعملي الاكل
قامت صفاء بترتيب المطبخ كما كان وظلت صفاء وعين يتشاجران مثل القط والفأر فعلي الرغم من أنهم يتشاجران دائما إلا أنهم اصدقاء قريبين من بعض جدا
وبعد فتره جلست صفاء وعين يتناولوا الغداء واخذت عين تحكي لصفاء عن اول يوم عمل لها
🌺🌺🌺🌺🌺🌺🌺🌺🌺
في قصر المنشاوى
كان عبدالرحمن يجلس في الصالون وجاء إليه أدم
أدم : اي اخبارك يا جدى وانحني قبل يديه ثم قال ازى الصحه
عبدالرحمن : الحمدالله يا حبيبي انت اي اخبار الشغل
أدم : كله تمام بس في صفقه كده قلقان منها والشركه دى شكلها مش سهله و وراها حاجه كبيره بس كله تمام متشغلش انت بالك
عبدالرحمن : المهم تخلي بالك من نفسك كويس
أدم : حاضر يا جدى متقلقش أنا خارج مشوار كده عايز حاجه
عبدالرحمن : عايز سلامتك يا حبيبي
ركب ادم سيارته وذهب
🌺🌺🌺🌺🌺🌺🌺🌺🌺🌺
كان أحمد يجلس في مكتبه مرهق خلع نظارته ووضعها علي المكتب وجلس شاردا وجد من قام بفتح الباب بقوه ففزع فوجده أدم صديق طفولته
أحمد : اي يا زفت مش هتبطل العاده اللي فيك دى قطعتلي الخلف يا شيخ منك لله
ضحك أدم وقال : أنا أادم المنشاوى بيتقالي يا زفت ضاعت الهيبه خلاص
ضحك أحمد قائلا : اقعد يا آدم بيه
جلس أدم ثم قال : أنا كنت جاي عايزك في موضوع كده
أحمد بهزار واضعا يده علي جيبه : قؤلي يا بني متتكسفش محتاج فلوس
ضحك أدم قائلا : انا غلطان اني جتلك اصلا عيل رخم وقف أدم قائلا انا ماشي
أحمد: اقعد يا بني بهزر انت علي ما بتصدق
أدم : في صحفي عندك كان نشر معلومات عن توفيق الصاوى رجل الأعمال صح
أحمد بزعل: ايوه عمر اتوصل لمعلومات وملفات واتصل بيا كلمني وقالي أنه هيشرح ليا كل حاجه لما يوصل  بس اختفي قبل ما المعلومات توصل ومحدش يعرف عنه حاجه
أدم : الراجل ده داخل معايا صفقه كبيره اوووى واختفاء عمر بيدل علي حاجه واحده أن المعلومات دى خطيره
أحمد : طيب انت دلوقت هتعمل اي
أدم بتفكير: بكره هعدى عليك وأقؤلك