عيون القلب

البارت العشرون

في فيلا عبدالرحمن
في صباح يوم جديد ومع طلوع الشمس  استيقظ الجميع واجتمعت العيله علي السفره للإفطار
عبدالرحمن : محمد فين مجااش من امبارح ليه
أدم : توفيق هرب امبارح أثناء الاشتباك محمد بايت مكتبه من امبارح بيدرس القضيه
محسن : ربنا يعينه
محمود : كده لسه في خطر خلي بالكوا من نفسكوا يا ولاد محدش يخرج لواحده سامعين يا بنات الكلام ليكوا  مفيش خروج من البيت الا للضروره
كريمه : ربنا يحفظكوا ياارب ويبعد عنكو الشر
سهي : انا زهقت من القاعده في البيت انا عايزه اروح دروسي
زين : هكلم المدرسين يجوا البيت هنا
سهي: ينفع اجيب صحبتي معايا في الدروس هنا
زين : مفيش مشكله وعشان متزهقيش
يارا: انا عندى امتحان ميد ترم في الكليه ولازم اروح
أدم : تروحي وتيجي بالعربيه مع السواق علطول
تمام
محسن : علي هيجي امتي من اسكندريه
أدم : هيخلص المشروع اللي هناك ويجي
أدم : احم كنت عايز اتكلم في موضوع كده
محمود : خير يا بني قلقتني
أدم : مفيش يا بابا انا بس .. انا قررت اكمل نص ديني انا عايز اتجوز
كريمه بسعاده :اخيرا يا حبيبي نفسي احضر فرحك واشيل عيالك
عبدالرحمن: مين العروسه يا آدم
آدم : الصراحه يا جدو انا .. كان في بنت صحفية اعجبت بيها جدا وبأخلاقها وتربيتها
ناهد : بنت مين بقاا يا أدم اكيد من عيله كبيره حسب ونسب وبنت ناس اكاابر
آدم : والله يا يا طنط ده كله مش مهم اهم حاجه عندى اني شوفت فيها انها تنفع أم لعيالي شوفتها زوجه وشريكه عمرى اللي هقضي معاها عمرى كله تستحملني في الحلوه والمره شوفتها ونس واهم حاجه شوفتها حببتي ومراتي
ساره : بجد يا بختها بيك بس يارب تكون اللي في بالي
سهي: أبيه حضرتك بتتكلم علي عين صح
آدم : ايوا انا بتكلم علي عين انا عايز اتجوزها
محسن :قبل اي حاجه متنسوش أننا كلنا في خطر
آدم : انا عارف عشان كده مش هنعمل اي حاجه الا لما نقبض علي توفيق ونطمن انا قؤلت افرحكوا دلؤقت وعشان تكونوا جاهزين
محسن : هي مين وتعرفوها منين
ساره : قابلناها صدفه لما خرجنا كلنا
آدم : أحم أحم هي من ...الصعيد في سوهاج
محمود : انا واثق في اختيارك يا بني والبنت اللي تخلي
آدم ابني يحبها تبقي اكيد مش عاديه
‏ياارا: الف مبروك يا أدم
‏الجميع : الف مبروك يا عريس
‏آدم :بسعاده الله يبارك فيكو
‏حبيت اقؤلكوا من دلؤقت عشان تجهزوا  هنسافر كلنا الصعيد لما نخلص من الوش ده وكمان لما تخلصوا امتحانات نقعد اسبوعين هناك انا اشتريت بيت هناك من شهر
سهي: يااس هروح هناك لصفاااء هيييه
زين : بقؤلك اي مش عايزك تقعدى معاها كتير عشان متتعديش منها
جاء  زمحمد
محمد: صباح الخير
الجميع صباح النور
محسن : مش هتبارك لآدم
غمز محمد لأدم : خير
آدم : كل خير يا ابو حميد انا هتجوز
محمد: ما بلااش يا بني الجواز نكد وانت عارف الستات نكديه ونظر لساره
نظرت له ساره بغيظ
آدم :طب والله انت ظالمهم
محمد: افتكر اني قؤلتلك بلاااش
كريمه: بس يا محمد متلعبش في دماغ الواد ثم نظرت لآدم اوعي تسمع كلامه يا حبيبي
زين : طب يا جماعه انا كمان عايز اتجوز
سهي سقفت : الله أكبر بركاتك يا شيخ أدم 😂😂
ضحك الجميع
محسن : مين اللي كل الناس داعيه عليها دى كمان
زين بإبتسامه : صفاااء  السكرتيره اللي كانت عندى
عبدالرحمن : واحده واحده علينا نخلص أدم وبعدين نشوف موضوع زين
محمد: يعني كلكوا هتتجوزا وانا قلقاسه يعني ولا اي
انا كمان عايز اتجوز ثم نظر لساره التي كانت تموت من الخجل
محسن : هو انتوا يا تجوزوا كلكوا يا متجوزوش خالص
محمود : مين العروسه بقاا
محمد: احم احم عمي أنا طالب أيد بنتك ساره
محمود : انا مش هتلاقي حد احسن من ابن عمها يحافظ عليها ويخاف عليها بس اهم حاجه رأي عروستنا
ساره بخجل : اللي حضرتك تشوفه يا بابا
محمود بمكر : شكلها مش موافقه يا محمد مقالش اه يبقي معنديش بنات للجواز
ساره بسرعه : لا والله موافقه
فضحك الجميع عليها فذهبت بسرعه إلي غرفتها هنئ الجميع محمدوذهبت البنات الي غرفه ساره
في غرفه ساره
ياارا:الف مبروك يا ساره
سهي: الف مبروك يا حب
ساره : الله يبارك فيكو عقبالك
وبدأت سهي بالغناء والرقص
قدام مرايتها عادي بتدلع براحتها
بستناها وبستعجلها تضحكلي وأبصلها
تختار ألوانها تسأل عن رأيي في فستاها
طب هختار إزاي وجمالها بيحلي الدنيا بحالها
قدام مرايتها عادي بتدلع براحتها
بستناها وبستعجلها تضحكلي وأبصلها
تختار ألوانها تسأل عن رأيي في فستانها
طب هختار إزاي وجمالها بيحلي الدنيا بحالها
دي عيوني شايفها أحلى الحلوين
تتقل على كيفها مين زيها مين
مش عايز غيرها ولا شايف غيرها
دي في نني العين
سهي وهي ترقص : قومي يلا انتي وهي معايا
قامت ساره وياارا يرقصون مع سهي وه
قدام مرايتها عادي بتدلع براحتها
بستناها وبستعجلها تضحكلي وأبصلها
تختار ألوانها تسأل عن رأيي في فستانها
طب هختار إزاي وجمالها بيحلي الدنيا بحالها
بضعف قدامها طب هعمل إيه
دة كفاية كلامها مقدرش عليه
مش عايز غيرها ولا شايف غيرها
قمر إنما إيه
قدام مرايتها عادي بتدلع براحتها
ياارا : اوعي فرحتك بساره تنسيكي امتحانات الثانويه
سهي: ليه كده تفكريني بأحزاني
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في الصعيد
عين : ماما كنت عايزه اكلمك في موضوع كده
عواطف :خير يا بنتي في أي
عين : انا عايزه ارجع القاهره لشغلي
عواطف : تعرفي يا عين اني كنت في الاول مش معترضه علي انك تروحي القاهره وتشتغلي وتقعدى وحديكي انتي وصفاء بس بعد ما اتخطفتي من وسطنا من هنا انا اول واحده معترضه علي سفرك لوحدك هناك وشغلك
عين : يا ماما عشان خطرى انا مش بتعلم ده كله عشان اقعد في البيت
عواطف : لا يا عين اني علمتك عشان تتجوزى واحد يعيشك في مستوى كويس وتعرفي تربي عيالك
عين بدموع : لا يا ماما انا بتعلم عشان اشتغل واثبت نفسي مش عشان اتجوز
ثم دخلت عين غرفتها وقفلت الباب واخذت تبكي
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
كان محمديجلس في غرفته قطع شروده صوت الهاتف
محمد : اي اخبارك فينك كده
مالك : الحمدالله قاعد في البيت زهقان ما تيجي نخرج
محمد: لا تعالي البيت نقعد شويه عندى خبر حلو
مالك : خمس دقايق واكون عندك يا بروو
بعد خمس دقائق كان مالك أمام بيت
ركن عربيته ونزل كانت وأثناء دخوله كانت سهي تخرج وهي تنظر في هاتفها فاصدمت به فوقع هاتفها
سهي : عجبك كده كسرت فوني
مالك : علفكره انتي اللي خبطتي فيا بدل ما تعتذرى بتزعقي وبعدان اي اللبس اللي انتي خارجه بيه ده
سهي بنرفزه : انت مالك اصلا انت مين عشان تحاسبني
مالك : انا ابقي صاحب اخوكي يعني زى اخوكي بالضبط
سهي: انت قؤلت زى اخويا يعني مش اخويا
وتركته ومشيت
مالك بنرفزه : مستفزه 
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺