خارجة عن الطبيعية

٥- لغز اللعبه

البوص : يعنى ايه اللعبه اختفت انت بتستبعط عليا ، كانت معاك امبارح و الصبح تختفى اااايه مركبه جناحات ، مش انت يا حيوااان قولتى انك صاحب الزفت ده اتصل على البهيم اللى انت خطفه و عرفت مكان صاحب المتجر واخدت الصندوق

امير : ايوا  هو ده اللى حصل يا باشا  ، كانت معايا وبس الصبح اختفت

البوص : لو انت فاكر انك بالطريقه دى هتلوى دراعى تبقي بتحلم ، قدامك يومين لو مجبتيش اللعبه ، يبقى انت الجانى على نفسك ، فاااهم ، وبعدين تختفى ازاى ، هو فى حد حاول يفتحها ، جابر قالى اللعبه متبرشمه

امير بصوت منخفض : يا ابن ..... يا جابر

البوص : انت بتتبرطم بتقول ايه

امير : هو يعنى يا باشا

البوص : اميرررر

امير: البت فتحتها بدمها ، و حلت ٣ احجيه منهاا

البوص : نهار. ابوكم اسوووود ، البت دى و الصندوق يكونوا عندى فى اسرع وقت فااااهم

امير : طب يااا بااشا ،  عمولتى فيين

البوص : بلا باشا بلا زفت ، وبعدين انسي حوار العموله دى لحد ما اشوف المصيبه اللى انت وقعتنى فيها دى  ، ثم تم اغلاق المكالمه

امير : بعدين بقى فى الكارثه اللى انا فيها دى ، دى كانت عمليه سقع ، الله يخربيتك يا جابر

______________________________________

فى شركه الشحن

ساهر : بعد اذنك كنت عاوز اقابل مدير الشركه بعد اذنك

السكرتاريه : فى معاد سابق يا فندم

ساهر : الحقيقه لا بس كان فيه مشكله فى طرد انا طلبته و جيه فيه حاجه غلط

السكرتاريه : طب حضرتك ممكن تقولى طرد الشحن كان عباره عن ايه

ساهر : طرد تحف و انتيكات ، لمحل اسمه انتكيات للبيع

السكرتاريه : حضرتك مسئول المتجر ده

ساهر : لا انا موظف عند عم حكيم ، هو كان عاوز هو اللى يجى بنفسه بس كبر سنه بقي ربنا يديله الصحه

السكرتاريه : اسف يا فندم ، لازم استاذ حكيم او ع الاقل ايصال بالطلابيه

ساهر بابتسامه : اه طبعا معايا الايصال ، اتفضلى

السكرتاريه : طب تمام يا فندم ده فعلا الأوردر اللى كان مطلوب

ساهر : ايوا من عارف حضرتك بس فى صندوق جيه غلط مع الشحن

السكرتاريه : دى تبع المورد مش تابعنا احنا  يا فندم احنا شركه توصيل يعنى زى ما حضرتك بتاخد ايصال بالطلابيه كده احنا كمان بناخده و بنسجل عليه و استحاله يحصل لغبطه زى كده ، و فعلا جالنا ابلاغ باللى حضرتك قولته من استاذ حكيم ، بس اتلغى