فى المتجرحيث ما زال مالك و رفقته فى متجر حكيم
على : هو انتوا عرفته ازاى ، لون الحجر
ساره : بس يا قمر ، الاحجار دى سته ، كل حجر ليه لون و على حسب لون الكلمه اللى بتظهر فى المكان بيبقى الحجر اللى ليه نفس اللون هناك ، وصلت
على بضحك : اهاا ، وصلت
ساره : انا بقولك بقي تتكل ع الله يا ساهر انت و نور ، و تسبوينى انا هنا أوجب مع الجماعه دى
ساهر : لمى نفسك يا ساره ، هو الموضوع يعنى كلها ساعه و هنيجى
نور وهى تنظر له : متاكد
ساهر : هو مش ساعه واحده يعنى ، بس احترمى نفسك
وبعد لحظات اختفى كلا من نور و ساهر
ناهد بخضه وهى تمسك فى مكرم : هو راحوا فين يا مكرم ، واللعبه كمان اختفت
ساره : لازم اللعبه تروح اكيد معاهم ، قدام نيروز هناك
على : انا مش واصله ليا اووى حكايه دمها ، و مرتبطه باللعبه دى
حكيم : كل الحكايه يا بنى ، انا اللعبه لما جت كان عليها تميمه ، بتتفك بدم نقى ، بمعنى ، انو يكون طيب مش ناوى شر ، فلما نور كانت بتحاول تفتح اللعبه جرحت نفسها ، والدم وقع على اللعبه ، و التميمه اتفكت ، و بكده بقت نور مرتبطه باللعبه و بنيروز
مالك: اللعبه دى فعلا خطر كبير
ساره : ما هو علشان كده امير الزفت ده كان عوزاها ، وانتحل شخصيه استاذ مكرم و اخدها فعلا ، بس اللعبه رجعت تانى لنور
على : ومين رجعها لنور
ساره : هى اللى رجعت لوحدها ليه ، غالبا ده ليه علاقه بحوار الدم ده
على : اهااااا
_____________________________________
فى قصر البوص
حيث كانت تجلس اوليفيا على كرسيها و كيبا بجانبها يجلس ع الارض ، وكانت تنظر الى الطبيب وهو يداوى جراح امير ، نظير خرباشات كيبا له
الطبيب : انا خلصت يا فندم ، و الجروح مش عميقه ولا حاجه ، ده هو بس شويه خربشه فى دراعه اليمين و رجله و ظهره بس
امير بسخط : بس ، ليه فيه الخير
اوليفيا : طب روح دلوقتى يا دكتور
(ثم نظرت الى كيبا وقالت )
اوليفيا : انا مبسوطه منك اوى يا كيبا ، علشان بتسمع الكلام من اول مره ، Good boy kiba
قطع حديثهم دخول جورج اليهم ، الذى نظر الى امير المستلقى على الارض ، و نظرات الاشمئزاز من كيبا ل امير
أنت تقرأ
خارجة عن الطبيعية
Bí ẩn / Giật gânكوميدى _ خيالى _ مغامرة - دراما ايه اللى ممكن يحصل بسبب لعبه؟ واي يا ترى سر اللعبه دى ؟ مغامره جديده و حكايه مختلفه مع بنت و لعبه سحريه فى روايتى الجديده خارجه عن الطبيعه 🌸🌸🌸🌸🌸🌸🌸🌸🌸🌸🌸🌸🌸🌸