فى صباح يوم جديد
فى المتجر
حكيم وهو يقوم بترتيب التحف و الصناديق
امير : يا صباح النشاط ، كده تقلقنى عليك يا راجل يا طيب
حكيم : يا قاعدين ، يكفيكم شر الجايين ، خير ، عاوز ايه
امير : امال فين حفيدتك و الواد و البت التانين
ساره من خلفه : بت مين يا حيله امك و اللى خلفوها
امير : تصدقى ، فعلا خساره فيكى كلمه بت ، مع انى الشكل شكل موزه ، اللسان بقى واكله قطر
ساره : قطر لما يلهفك يا بعيد ، وبعدين تصدق الشعور متبادل ، انت الشكل شكل غزال لكن المخ مخ قرد مصدى ، انت متاكد يا بنى انك زعيم مافيا و كده ، ده انت مافيا عقبال ما تفرج
امير : وبعدين فى طوله لسانك بقى ، ما تقولها حاجه يا عم حكيم
حكيم : يا بجاحه اهلك يا شيخ ، جاى تهددنا فى ملكنا و مش عجبك اللى بتعمله فيك
ساره : قولى بقي يا بتاع انت خير ، جاي بطلتك الباهيه كده ليه
امير : وصلتوا ل ايه ، فاضل ليكم قد ايه و تخلصوا الزفته اللعبه دى
ساره ببرود : و انتى بتسئل ليه ، وانا مالى ، ما تسئل صاحبه الشأن
امير بغيظ : و فين الهانم التانيه
ساره : نايمه ، تعبانه شوتين ، ليك فيه
امير : الاحسن ليكوا ، تخلصوا ، و تنجزوا ، و ولو فاكرين انى مش عارف انتوا بتعملوا ايه من ورايا تبقوا بتحلموا
ساره وهى تفتح باب المتجر : اخرج بره ، والا وربى اللى خلقنى ، اصوت و اخلى الشارع يتفرج عليك دلوقتى
امير : سلام يا قطه
_______________________________________
فى مبنى المخابرات
على : انت لحد دلوقتى هنا يا مالك
مالك : كنت بجمع معلومات عن مكرم ده ، و اتضح فعلا كل الكلام اللى قالته خطيبته ده صح
على : طب ناوى على ايه
مالك : اكيد هنقتحم عليه ، والنهارد يا على بليل ، ياريت تجهز نفسك ، و تجهز باقى الفريق ،
(ثم اكمل بصوت قوى ) ، ويا انا يا اللى اسمه البوص ده فى مصرمحمود وهو يفتح الباب : انا اسف يا فندم ، بس الانسه ناهد خطيبه مكرم عاوزه حضرتك
مالك : دخلها فورا
ناهد : صباح الخير يا فندم
مالك : اتفضلى يا انسه ناهد ، فى حاجه حصلت تانى
أنت تقرأ
خارجة عن الطبيعية
Mistério / Suspenseكوميدى _ خيالى _ مغامرة - دراما ايه اللى ممكن يحصل بسبب لعبه؟ واي يا ترى سر اللعبه دى ؟ مغامره جديده و حكايه مختلفه مع بنت و لعبه سحريه فى روايتى الجديده خارجه عن الطبيعه 🌸🌸🌸🌸🌸🌸🌸🌸🌸🌸🌸🌸🌸🌸