خارجة عن الطبيعية

١٣- حجر الرعد 💙 تنزانيت

فى مبنى المخابرات

وتحديدا بعد ان تم انقاذ مكرم

كان يجلس هو و خطيبته ناهد وكان معهم كلا من مالك و على

مالك : حمد الله على السلامه يا بشمهندس

مكرم : الله يسلم حضرتك يا فندم ، انا عاجز عن شكر حضرتك ، والمجهود اللى حضرتك عملته

مالك برسميه : انا معملتيش حاجه لكل ده ، اللى المفروض تشكره ، هى الانسه ناهد ، (ثم غمز له ) خد بالك منها دى بتعزك اوووى

مكرم وهو ينظر الى ناهد الذى اصبح وجهها مثل حبه الطماطم بسبب خجلها

مكرم بابتسامه حب صادقه : دى منقذتى ، و دنيتى

مالك : طب يا بطل ، ياريت بقي تحكي ايه اللى حصل من ساعه الخطف ده ، علشان نقفل المحضر

مكرم : تمام حضرتك

______________________________________

فى الاسكاا ❄️❄️☃️⛄

ساره و اسنانها تكاد ان تنكسر من البرد : بببردااانه ، منننك للله ياااا ساهررر

نور وهى تقوم ببث الدف لها : اهدى بقي ، قومى بس نتحرك ، و هتحسي بالدفا

ساره : دفا ايه و بتاع ايه ، انا عاوزه اشرب كاكاو بلبن

نور : كاكاو ايه بس دلوقتى

ساره بتمثيل البكاء : سقعااااانه

نور : طب خلاص هانت اهيه ، كل اللى هنعمله ، هننزل بالحبل ده لحد ما نوصل للكهف بسيطه صح

ساره وهى تنظر لها بسخط : بسيطه دى تبقي مرات بسيط فى سبونج بوب يا روح امك هااا ، انتى تسكتى خالص ، وانا بعد كده هبقي العب ملك وكتابه مع الحيوان اللى اسمه ساهر ده

نور :يووووه ، مش هنخلص بقي

نور و هى تقوم بربط الحبل لكى يتسلقوا عليه للاسفل للوصول الى الكهف المطلوب حسب اشاره اللعبه بسبب وجود الجوهرتين بداخلها

ساره : جعااااااانه

نور : يخربيتك ، اسكتى ليكون فى حيوان برى هنا ، ونبقي وجبه ليه ، لمى نفسك بقي، ركزى معايا ، انا هنزل بالحبل هجيب الجوهرة و انتى خلى معاكى اللعبه و نيروز معاكى اهو ، واول لما اشد الحبل تشدينى ع فوق فهمتى

ساره : خلاص هى كيميا ، انجزى بقى

قامت نور بالنزول بالحبل ووصلت الى الكهف ، واخدت تبحث وتبحث ولكن لم تجده بسبب اقتراب لون الجليد من لون الجوهره ، ف اخذت المصباح من جيبها و اخدت تنير به فى كل. مكان ، حتى وجت شئ يلمع ، ف اتجهت إليه وجدت الجوهره