ام محمد الجبوريه
نصف جن
البارت ٧
☘️☘️☘️☘️☘️☘️
"أتمنى لو أنّني أستطيع أن اخبركِ أنني أخاف عليكِ من الحزن ومن الخسارات وأني أستمد منكِ القوة ويؤلمني أن تضعفِ، أخاف عليكِ من حزن الدُنيا ومن فجائعها الصغيرة، أخاف على قلبكِ أن يكسر وأخاف على صدركِ أن يشعر بالضيق وألا يكفيك قلبيِ لتكوني بخير، أنا لا أملك من أمري إلا أن أحبّكِ وحدي 😔
مهما عصفت بك الحياة ودخلت بصومعه لا مخرج لها تيقن ان هناك رب رحيم
قسم مرتين
ان مع العسر يسرا ان مع العسر يسرا
هذا الي صار مع سعاد
بس خسرت كثير الحد ماعرفت التعويض كان يستحق الثمن
اكبر خساره خسرتها اختها الي كانت الها الحامي والمحامي
كانت الها السند والسنيد
كانت الها الدافع والمدافع
رغم هذا دخول الي مايخافون الله خرب هذي الاخوه والعلاقه الي كانت يظرب بها المثل
بعد الي صار ويه سعاد وصقطت الطفل
صكبان عرف خلص من الي جان يمنعه يطلك سعاد
بوقتها تحمل الحد الاربعين مالتها ورجع النفس نهجه يضربها ويعذبها
الحد ما كامت سميه تضغط عليه لان صارت حامل وتريد يعلن زواجها بس لازم يطلك سعاد
فد يوم اجت نوال شفايفها بيض
وادور على صكبان
دخلت للغرفه بقت نص ساعه وطلعت
طلع وياها يركض
وبيومها من رجع اخذ سعاد وجهالها وذبهم يم اهلها
وطلكها هاي المره نهائي
الي صار من اجت نوال تنقل لاخوها سميه حامل ومحاوله تحرك نفسها وامها رايحه النوال وصايره عركه وهددتهم اذا بتها حركت روحها تفضحهم وتسجنهم كلهم
بعدهاطلك سعاد
هنا جدي زعل ويه بيت عمي لان عمي
جان ساكت لا دافع السعاد ولا وكف ضدها راح هو وبيبي كعدو يم ابوي
اسبوع وراحو راضوهم ورجعوهم جدي بهذي الفتره تعب وضعه دوم مريض
وبيبي هيه اصلا ماعليها بأحد عايشه لسجادتها وبس
ماكدرو يأثرون على قرار صكبان
الي يركض برجلي وديه حتى يكمل العرس
لان سميه صار عليها شهرين
وهمه عود اتفقو يكولون الطفل عايز اجه اسبيعي
الي خله الكل يقتنع بزواج صكبان عمتي كل حجايه وثانيه وكالت جزع الولد منها يوم آدميه وعشره مطيه
عمي مل لا فراش زين ولا هدمه نظيفه
خلف الله على ريحان النهار كله استر لختها
غير الجهال يوميه ميت طفل
أنت تقرأ
نصف جن
Духовныеقصه تمزج بين الخيال والواقع قصه تحاكي مشاكل العائلات وهفوات افرادها تحكى قصه طفله ولدت بضروف تختلف عن بقيه الاطفال طفله صنع منها القدر معجزه هل لجن دور في نصفها الثاني فعلا ام ماروي مجرد خيال من ام عانت الظلم من قبل اهلها واهل زوجها نتابع معا قص...
