ام محمد الجبوريه
نصف جن
البارت ٣٦
اليوم المفروض البارت الاخير حسب الاحداث الي كانت عندي
قبل ٥ سنوات
وكتبت البارت الاخير على حسب المعلومات المتوفره عندي بالارشيف
اليوم دخلت على طلبات المراسله
لكيت بنيه مراسلتني
واحله شي دازه صور اطفال يخبلون
ودازه صوره امها وابوها بالعمره
دخلت عليها
نفسها هوازن
وكاتبتلي تفاصيل جديده بحياتهم
مشوقه جدا
خاصه باقر اكو احداث جديده بحياته
لهذا ماراح يكون هذا البارت الاخير
ان شاء الله لان الاحداث الجديده
جدا جميله
باقر وهوازن يسلمون عليكم
من هذا البارت يكونون ويانا متابعين ان شاء الله
☘️☘️☘️☘️☘️☘️☘️☘️
هو طبيعي ان اسرح فيك وانا معك
او طبيعي وانت ساكت من عيونك افهمك
حبك هو كل مااحتاج لاشعر بالاكتمال
☘️☘️☘️☘️☘️☘️
هوازن :تعرضت لتنمر بدايت حياتي وسببها كانت عمتي سميه
والاشاعات الي جانت اطلعها عليه
وصلت حد اعتزل عن كل العالم
عالمي الوحيد صار امي وابوي بس
ما العب ويه الجهال
ولا اتقرب الي شخص جنت اخاف لان بطفولتي اني اقره افكار العالم وحس بيهم ابتعدت عن كل البيت لان يحجون عليه صديقي الوحيد دغفل من كنت صغيره الحد هسه ماتركني
ابوي بعدنا عن بيت جدي وكل اقاربنا
من انتقلنا هنا صديقي صار باقر لان ابوي أخذهم يعيشون عدنا
وتعرفت على بنات صارو صديقاتي
وخاصه هنا بغداد عادي واحد يكون عنده قط او كلب يربي بالبيت محد صار يتنمر عليه عشت طبيعي
والي جانو يعرفون بعلاقتي بالعالم الثاني امي وباقر بس
عمري ماتخيلت او فكرت خالتي بيوم تخرب حياتي
حسن من رادني امي فرحت خاصه الكلاده انطتها اشاره من تغير لونها
هنا امي صارت تحارب علمود اصير الحسن
ابوي وافق بس بسبب كلام خالتي
اتصل بصديقه وانطا موافقه
والي قهرني كاله جيب سيد حتى نعقد
بنفس يوم المشيه
اجو باليل جدي ابو امي وحسن وباقر وبيبي
شكد حجو ابوي قافل
المشكله ابوي مايثق بالعالم الاخر
حتلو امي حجت ويا ميصدك
بيوم الجمعه اصبح وصلو اعمامي وجدي ابو صكبان تعارك ويه ابوي
وابد ماينطيهم مجال
بالوحده اضهر ابوي كال الامي
خلي هوازن تحظر نفسها اليوم مشيه ونعقد
أنت تقرأ
نصف جن
روحانياتقصه تمزج بين الخيال والواقع قصه تحاكي مشاكل العائلات وهفوات افرادها تحكى قصه طفله ولدت بضروف تختلف عن بقيه الاطفال طفله صنع منها القدر معجزه هل لجن دور في نصفها الثاني فعلا ام ماروي مجرد خيال من ام عانت الظلم من قبل اهلها واهل زوجها نتابع معا قص...
