نصف جن

١٦

ام محمد الجبوريه

نصف جن

البارت ١٦

☘️☘️☘️☘️☘️☘️

سأشبعك تجاهل لتتعلم ان النعم إذا أهملت لا تدوم فأن يداي لا تلوى وقلبي لا يهان

صكبان :احس احساس عجيب عايش بدوامه يوم اتلهف اريد ارجع سعاد
واقرر بس ارجع من الدوام اخذ ناس العمي رغم رحت ورفضني اكثر من مره
كاعد بالدوام واعيش بأحلامي الم جهالي
بتي وابني الي صارو بطولي
واني باقي ويه سميه اترجه الظنه

باقر رغم وكاحته بس يبقه طفل يونس بكل حركاته مشاغب حرك عفوي ويحب يعصبني بس اعرف هو يحبني

يقين الي الحد هسه من اشوفني تركض عليه وتحضني
شلون فرططت بيكم

خلاص بس ارجع حتلو ابنيلهم وحدهم

بس كل خططي تتبخر من  اوصل للبيت كل هاي الأفكار والأحلام تروح بمهب الريح
مو بس هيج ياريت اسئل عليهم هم تخلص الاجازه وارجع لدوام اذكر اني جنت ناوي اتحرك وارجع عائلتي

الي صحاني وكسم ضهري سعاد شكد عالم تجي عليها ترفض بس اكو سيد هذا لزك
وهيه ترفضه

الحد ماسمعت من امي هيه موافقه
واليوم تجي المشيه جدي وخوتي وابوي كلهم بالمشيه حسيتهم طعنوني شلون يوكفون بهيج شي ويه عمي ويعرفون اني اريد ارجعها خاصه من رجعت مثل قبل لا ازوجها ترتيبها وجمالها

ردت اروح اتعارك بس اكو شي يربطني

برود بداخلي صح مااريدها تزوج
بس ماعندي استعداد ادافع او امنع هذا الزواج حساس مثل الانسان الي متخدر يريد يحجي ومايكدر بنفس الوقت مرتاح للخمول مالته

حالات اعيشها مثل الي عنده انفصام بالشخصيه مره جد ومره يعيش بعالم الاحلام
الحد ما الفأس وكع بالرأس وسعاد صارت بذمت غير رجال

جهالي احسهم مرتاحين اله وفرحانين بي خاصه حسوني وباقر

اخذتهم الي بحكم محكمه بس جهالي مو أغبياء يحاربون بشكل فضيع علمود امهم

خاصه حسن وحنين

هذولي يناقشون عبالك عمرهم ٢٠ سنه

اخر شي فهد قرر ياخذهم ويا البغداد
لان دوامه صار يومي وهو اصلا كمل بنيان بيته هناك

تقرر زواج سعاد بالعطله واني يوميه مصيبه شكل اني وسميه بس مااعرف شنو الي يخليني ابرد من جانبها

ابنها جابته من أهلها بعد ماتوفه طفلنا

اني انقهر عليه طفل ماعنده اذيه
بس امي تخبلني ابد ماتريده وتقرب جهال فهد اكثر

رغم هوازن مانسمع صوتها ابد ومعتكفه وحدها بس تبقه امي تفضل جهالي من سعاد وجهال فهد وتبعد ابن سميه