ام محمد الجبوريه
نصف جن
البارت ١١
☘️☘️☘️☘️☘️☘️
الـحـيـاة تحتاج منك التقبل
و ليس الـتـحـمــل !!
تحتاج الـتـغـيـر
و ليس الـتـحـسـر !!
إمـا ان تـكـون شـخـصـاً يـواجـهــهـا ...
أو شخصاً يكـتـفي بـالشكوى مـنـهـا ...
و لك الــــخـــــيــــــار
يمه دمه نافوره واكعه على راسه نص طابوكه جانت بكلب النخله رفعت راسي شفت البزون فوك غرفتي يلحس بيده
بداخلي كلت معقوله الحلم الي شفته حقيقه وهذا نفسه الشاب الحلو الي خلو حارس الي وللي بطني
ضحكت على عقلي شلون افكر هو حلم يمكن اتمنى يكون الي حارس
وصارت احلامي هروب من الواقع
عمتي لفت راس صكبان وهو يون من راسه يكلهم اكو شي طاب بالحم للعصر اخذو للمستشفى فعلا لكو ثلمن ناعمه طابه براسه
خلصت ايام نساوتي يوم اكل وعشره اتخربط من يجي فهد يداريني من يروح محد يسئل عني
مره منهن ٣ ايام لا اكل ولا اشرب
حتى حسيت ساعتي قربت وماكو احد يسئل عليه ولا فتح باب الغرفه عليه
تالي كمت كوه اتحامل على نفسي كلت اروح لهلي على أقل اذا متت تعرف العالم بيه مو اخيس بغرفتي
طلعت بالكوه اسحل بروحي البيت يصفر كلمن بغرفته ماتسمع بس صوت الدجاج والعصافير
طلعت نص الشارع صارت الدنيا ضلمه وكعت بالشارع
حسيت امي تكعد بيه ومرة عمي الثاني وياها تجني وصلني لهلي
امي مسويه دولمه وخبز حار
صبتلي اكلت احس الغواش راح عن عيوني
كتلها يمه اريد بعد
صبتلي هم اكلته الماعون كله وشربت لبن ورا
شويه سوتلي جاي
صحصحت اسمعهن يحجن امي وعمتي
ام سعاد :خيه ام وليد اكو عالم نازلين جديد بالمنطقه
ام وليد :والله خيه ماسمعت
ام سعاد :دادا شفتي شحلاته جنه العافيه وتواليته (كذلته) يخبل خيه نازل على عيونه دادا تكولين مو بشر
ام وليد :والله خيه شفت شحلاته
بس هو اذا جدد بالمنطقه منين يعرف ريحان بتكم
ام سعاد :والله خيه ماادري دوخنه هذا الولد
ريحان :ياولد يمه على منو تحجن
ام سعاد: من انتي واكعه بالشارع اجه ولد سبحان الخالقه دك الباب وكال بتكم خربانه بالشارع اني غطيتها بس مااكدر اشيلها زحمه
أنت تقرأ
نصف جن
Spiritualقصه تمزج بين الخيال والواقع قصه تحاكي مشاكل العائلات وهفوات افرادها تحكى قصه طفله ولدت بضروف تختلف عن بقيه الاطفال طفله صنع منها القدر معجزه هل لجن دور في نصفها الثاني فعلا ام ماروي مجرد خيال من ام عانت الظلم من قبل اهلها واهل زوجها نتابع معا قص...
