نصف جن

٢٧

ام محمد الجبوريه

نصف جن

البارت ٢٧

☘️☘️☘️☘️☘️

احتفظ بالذي يختارك دائماً حين تكون لحظاته مليئة بالآخرين.

هوازن شكد ما يكون الانسان قوي ممكن بلحظه وحده يفقد كل قوته اتصنع القوه  احاول اكون كد المسؤوليه بس لما شفت امي  ابويا شايلها  وجهه كله دم

فقدت حسيت العالم كله نهار حواليا
امي مو بس ام لا هيه كلشي بحياتي
الصديقه والأخت وكلشي

بعد مااتصلنا باقر وكال احتمال عدها جلطه

سئلته على الدم كال من خشمها بس عمي جان مخبوص ماخلانه نفهم شي

اتصلت بحسن بدون تفكير رغم هو السبب بالي صار الامي
كلنا بالبيت نعرف علاقه امي بحسن
حسن تعتبره ابنها الجبير
حتى من تشاقه ويا تكله اني امك مو سعاد الفاهيه
اني ربيتك وتعبت اني سهرت اني وكلت اني سبحت سعاد جانت بغير عالم واني الي ربيتكم ماحسيت نفسي عروس
بكد ماشلت مسؤليتكم باول ايام عرسي

حاربت وقاتلت علمودكم
سويت اشياء اذا احجيها ماصدكوها

اني حتى بكت الاكل علمودكم

امي جانت من تحجي تكول حسن الهوى بريتي
حسن النفس الي يصعد وينزل حسن يجري بروحي وبدمي

وهو هم مو مثل باقر لو مثل قيصر
حسن من هو طفل تحسه رجال
يعتمد عليه جان  سند امه بزواجها وهو طفل
وصار ضل النا وحنا زغار عتمدت عليه امي حتى بتربيتها رغم مابينا فرق هواي
بس هو شال المسؤليه هو وحنين

رغم هو مو اخوي بس اني اخاف منه واحترمه ابد مااجاوز ويا ولا يوم اشاقه ويا مثل باقر اكو فد حدود هو راسمها النفسه وغصب على المقابل يحترم هذي الحدود

ساعتين جنه كلنا بالبيت نبجي
وابوي وجدي بالباب
والعالم ملتمه وصوت الصايح يرعب

حسن وصلت الشارعنا شفت تابوت طالع من فرعنا

اريد اوكف مااكدر حيلي كله راح

شافوني من بعيد جدي وعمي وباقر اجو عليه واني مااكدر احجي ااشر على التابوت
وعيوني اصب

عمي كال بويه شبيك أسند طولك

باقر بسرعه فتهم كالي هاي ام ماهر جيرانا توفت الله يرحمها

ماكدرت بعد كعدت على عتبت باب بيت عمي اجمع قوتي الي راحت مني بسبب خوفي لا فقدتها الحظن الي ماكو احن منه حتى امي ماشفت عدها محنه بكدها

طبيت للبت تلكتني بيبي وامي  وحنين  واكفه باب البراني عيونها اصب
خرب بسبب بجيها عبالي خالتي بيها شي

دخلت للبراني نايمه بنفس الجربايه مالت هوازن الي جانت نايمه عليها

رحت عليها حضنتها واني ابجي