نصف جن

٢٩

ام محمد الجبوريه

نصف جن

البارت ٢٩

☘️☘️☘️☘️☘️☘️☘️☘️

ما بالُ طيفك غازياً كُلّ الوجوه
ما بالُ عيني غير حُسنك لا ترى ..

هيّ الحَسناء وكل الحُسن حُسنها.

حسن :البنات صعدو بالسياره
الجبيره لان عمي فهد ماقبل يتوزعن النسوان على السيارات

كملو كلهم واشوف خالتي رياحين
بعدها ماصاعده
وعيونها ادور رحت عليها

ها خاله ليش لسه ماصعدتي

رياحين :خاله هوازن ماكو عبالي راحت ويه باقر خابرته كال ماشفتها من بعد الغده

حسن :ليش هيه ماصعدت ويه البنات
اخاف زعلت لان كتلها البسي عبايه

رياحين :حجيت بداخلي اني خايفه من شي ثاني

أشرنا الهم يرحون
ورجعنا للبيت اني وحسن ندور عليها

غرفه البنات جانت بالطابق الثاني
صعد حسن مااكدر اصعد اني

حسن :دورت البيت كله حتى الحمامات
ماكو بقت بس غرفة البنات صعدت فوك
الغرفه بنهايه الممر

فتحت الباب اول مره مانفتح وياي عبالك مقفوله مره ثانيه انفتح

عيوني صارو على منظر مستحيل انسى
بحياتي كلها

هوازن تعدل بحجاب يجنن عليها
بقيت واكف بالباب وعيوني ماتقبل تشبع من النظر الها

التفت الي وابتسمت
ها شلوني

حسن :كمر لا مو كمر اضلمج
حوريه من الجنه
لج يخبل الحجاب عليج

هوازن: ههههه بعد حتى انت ماشوفني بدون حجاب

مشيت كم خطوه صرت قريب يمها
يعني خلاص تحجبتي

هزت راسها بحماس وهيه مبتسمه
اي اي

غمضت عيوني وهزيت راسي وضحكت بابتسامه شفافه
كتلها الحجاب زينه وكمال ربي يوفقج

مبروك ربي يجعله ستر لك في الدنيا
وساتر في الاخره

مديت ايدي الها يالله ياحلوه العالم راحت بقينه بس اني وخالتي وانتي

سمعنا صوت خالتي صاحت ها حسن لكيتها

حاجيتها اي خاله هذي جانت تكمل لبسها

رياحين :يا شتكمل اول وحده خلصت هيه
يالله يمه تأخرنا عيب
جنت احجي بداخلي اخاف البنيه ضاجت لان ديار راح يمهر اليوم
سوده عليه ضمتها بكلبها من تنزل اشوف الكلاده تغير لونها لو لا
لان اذا باقيه لونها ازرق يعني بعده قلبها صافي ماحتوا شخص

هوازن جنت لابسه فستان سمائي
ردان وطويل بي تخصير شويه بس مو كلش ضاب ع الجسم

نزلنا اني وحسن جان لازم ايدي شكد مبين فرحان بيه لان تحجبت