نصف جن

١٣

ام محمد الجبوريه

نصف جن

البارت ١٣

☘️☘️☘️☘️☘️☘️

‏أعطيتُها كفّي لتقرأ طَالعي
‏ما همّني ما قد يُقالُ لمسمَعي
‏أحببتُ كفّي أن يُلامسَ كفّها
‏فيكونُ حَظي أن تحسُ اصَابعي
‏قَالت وقالت وما وعيتُ لقولِها
‏أُصغي لبوحِ أناملٍ تَحكي معي

رياحين : اخوات سميه اثنين سحولني اسحول

لا اكدر اخلص روحي ولا اكدر اضربهن هنه ضخمات نسوان اعمامي خطيه يردن يخلصني مايكدرن

بعز المعركه وسمعنا ام سميه تلطم وصيح بتي ماتت بتي خلص دمها
دخيلك ربي

اباوع حنين باب الغرفه واصبعها بحلكها
رحت عليها ادخلها هيه وهوازن
كالت خاله منو دفعها محد يمها شفتها وكعت والله تمثل جذابه هذي

رياحين :ادخلي جوه ولا طلعن ماعليج

رجعت اشوف شكو سميه تبحث بالكاع وجهه زرك ودمها يجري

ركضت جبت مي وكعدت يمها اريد غسل وجها الدولكه وكعت من ايدي عبالك واحد ضربها

شويه صحت سميه

وكامت جرجر بامها وأخواتها تكلها اطلعن والله هاي رياحين عدها جن
ولجن دفرني بصدري ولطشني بالكاع

امها بقت تردد سلام قول من رب رحيم
شبيج يمه تخبلتي

سميه :يمه والقران شفته طويل وضربني دفره بصدري وكعني بالكاع

اشوف أخواتها شردن كدامها
وامها تقره آيات
وهيه لفت عبايتها وشردت

عماتي بقن وحده تباوع على الثانيه
واني لا اخذ ولا انطي

تركتهن ورحت للمشتمل مالتي

طبيت للحمام غسلت

من طلعت حنين ترسم
وهوازن نايمه والبزون يمها

جيت اريد اخذ دشداشه اغير الي لابستها لان ملخنها عليه

هوازن جانت قريبه يم الكنتور سمعتها تكل للبزون احبت والله
انت بتل مالي (احبك والله انت بطل مالي)

البزون همهم
وهيه ضحكت وحضنته

صدك صرت اخاف واشك فعلا هذا مو بزون عادي

باليل صاحني حماي الزغير رحت لكيت عمي وجدي وصكبان وعمتي

سئلني عمي صدك انتي ضاربه مره صكبان ومخليه دمها بطولها

رياحين :يا عمي والله ماعليه هيه وامها وأخواتها هجمن علينا حتى اسئل عمتي ونسوان اعمامي
وأخواتها ملخني ونبي
بس هيه خطيه وكعت وبقت تبحث بالكاع

اشوف صكبان مصيطر على نفسه كوه
وجهه يريد يطك من الضحك
وجدي وجهه يمزمز يريد يضحك بس مصيطر كوه