လွမ်းရပါတယ်သမီးငယ် // လြမ္းရပါတယ္သမီးငယ္ [ Completed ] { Unicode+Zawgyi }

part(6) { Unicode }

လူတစ်ယောက်ကို ချစ်မြတ်နိုးဖို့ ကျွန်မတို့မှာ အကြောင်းပြချက်တွေလိုလိမ့်မယ်လို့တော့မထင်ပါ...
" မူ ဝန်ခံပါသည်...သမီးငယ်အား..မူ ချစ်မိနေချေပြီ.. "
မူ သမီးငယ်အား ချစ်မိဖို့ အချိန်တွေအများကြီးမလိုခဲ့ပါ...

တစ်ခါတစ်လေတော့လည်း စဉ်းစားမိတယ် အချစ်ဆိုတာ အရမ်းထူးဆန်းလွန်းလှပေတယ်...
ရေပြင်တစ်ခုလိုလှိုင်းဂဟက်တွေမရှိ တည်ငြိမ်နေတဲ့ ကျွန်မနှလုံးအိမ်ထဲကို ကျောက်ခဲလေးတစ်လုံးမျှသာ သေးငယ်တဲ့ သမီးငယ် ဝင်ရောက်လာပြီး ကျွန်မရင်ခုန်သံတွေကိုနှိုးဆွပေးခဲ့တယ်....ချစ်မိသွားဖို့အချိန်တွေအများကြီးမလိုခဲ့ပါပဲ...နှလုံးခုန်သံတစ်ချက် တစ်ချက်စီတို့ဖြင့် ချစ်နေမိကြောင်းသဲကွဲခဲ့တယ်...

ကျွန်မ အရွယ်က အချစ်အတွက် ရူးမိုက်နေရမဲ့အရွယ်မဟုတ်သည့်တိုင် သမီးငယ်၏အချစ်တို့ကိုလည်းငြင်းဆန်၍ အချစ်ကိုလျစ်လျှူရှုဖို့လည်း ခွန်အားတို့မရှိလှပါ.....
ကျွန်မလည်း အချစ်ခံဖို့ထိုက်တန်သည်မလား...

"အန်တီ...ဟိတ်...အန်တီလို့..."ပန်း မူ့ရဲ့မျက်နှာလေးရှေ့ လက်ကလေးနဲ့ ယမ်းကာခေါ်နေလေသည်...

"ဟင်..."

"ဘာတွေအဲ့လောက်တွေးနေတာလည်း.. ခေါ်နေတာကြာလှပေါ့ဟာ.."ပန်း မူ့ရဲ့ ပေါင်လေးကိုခေါင်းအုံးလျှက် မူ့ မျက်နှာလေးကို မော့ကြည့်နေလေသည်...
မူ သည်ပင် ‌ပေါင်ပေါ်ခေါင်းလေးအုံးနေတဲ့ ပန်းရဲ့ဆံနွယ်တို့ကိုပွတ်သပ်ရင်း အတွေးလွန်နေမိသည်....

"အော်...ဘာမှမဟုတ်ပါဘူး..ဒီတိုင်းအတွေးလွန်နေတာ..."

"ဘာတွေအဲ့လောက်အတွေးလွန်နေတာလည်း.. "

"အတွေးဆိုတာထိန်းချုပ်ဖို့ခက်တဲ့စိတ်ရဲ့ ကစားစရာလေးလေ...ဘာတွေတွေးမိမှန်းမသိပါဘူး..."အမှန်တော့ မူ့စိတ်ထဲမှာ ပန်းအကြောင်းသာ တွေးမိနေခြင်းဖြစ်သည်...

"မသိပါဘူး...စကားပြောနေရင်း အသံတိတ်သွားလို့ ထိုင်ရက်များအိပ်ပျော်သွားသလားလို့ပါ.. "
ပန်း ‌မူ့ရဲ့ မေးလေးအား လက်ကလေးဖြင့်စမ်းကာ ပြောလိုက်လေသည်...

"ထိုင်ရက်တော့အိပ်မပျော်ပါဘူးနော်.. "‌မူကတော့ ပန်းရဲ့ဆံနွယ်လေးတွေကိုထိုးဖွလို့ပင် နေလေသည်.