🔞My Sugar Daddy ♧ الشوقٓـــر خــاصّتّي🔞

البارت ٤ ♧ حب ام نزوة♧

.
.
♧كل شيء يكون أكثر وضوحًا حين نقع في الحب"
.
.
.
.

.

.
.
.

.
.
.
☆تتمة :

كيف العادة لي قرات تخلي فوت نجيمة

سالات الدوش لبسات حوايج النعاس بيجامة غوز بيبي طويلة حتى لركبة مجموعة شوية من جيهت الهونش ماتعجبوش الاخت عامرة لي لبساتها تجيها مفرطعة هزات تيليفونها صونات لصحييتها من الباررح ما دوات معاها

يقين،: الحب صافا توحشتك

سمية : من الصباح وانا نصوني عليك آش تزاد على موك ....😤

يقين: والله الحب الا تيليفوني نسيت فيه سيلونص😩 من البارح لهلا يوريك آش طرا نعاودها ليك ضحكي فيا

سمية: باااينة داك النعاس وخليتي الناس بلا ماكلة

يقين: بحالا علمك الله ههههه

سمية: ههههه وعلاه يخفاو عليا فعايلك نتي طيحي تنعسي بحال ل متي الله تهنييييت ماكاين لي يشخر عليا بلييل ويتقاسم معايا الفراش

يقين: ناري انا لي كنت كنقول غنخوي عليك غاتبقا بلاصتي فالفراش باردة

سمية : باردة!!! مالي مزوجة بيك سيري سيري وكان هاد العاقسة كتعيط ليا شوفي كيف ديري غدا نتلاقاو ولا جي لعندنا وعاودي ليا راك باقي ماقلتي ليا والو .. وعلى حساب الفلوس راهوم عندي لي قدرت نجيب ليك خمسة دالمليون لي كونت جامعة .. عارفة ماشي شيحاجة و مقادكش الله غالب

يقين: ضروري الحب نشوفك ونعاود ليك معرفتش كيفاش نرد ليك خيرك فلوسك غنردهوم ليك فاسرع وقت واخا خمسة دالمليون راه الخير هاداك يالله بونويي اليوم نبات نحلم بيك

سمية: قاودي فحالك ههه

يقين قطعات المكالمة تنهدات وتخشات تحت الفراش بقوة العيا طاحت طيحة وحدة .....

●●●●●●●●●●●●●●●●●●●

ميلر دخل خلا صاحبو فالجردة مولف يسهر ... داز المطبخ حط كاسو دالقهوة خاوي دار دورة فيه كولشي نقي كيشعل و التلاجة مستفة على حقها وطريقها .... خدا تفاحةوخرج...
وهو طالع فالدروج دور وجهو لجيهة الكولوار بان ليه ضو خافت خارج من الغرفة ...
بغا يكمل فطريقو ولاكن شي حاجة جبداتو يمكن الفضول ديالو ... قرب للباب بغا يدق قبل مايدخل وفلحضة وقف < آش كندير انا فااك ... >
قلب الدورة وكمل طلع لبيتو ..
وائل سهر حتى عيى بدا بالقهوة وكمل بالشراب عركها وتلاح فوق الكازون فالجردة نعس ....

○○○○○○○○○○○○○○○○

يقين عيات تقلب ففراشها ضربات الربعة دالصباح وجوع قتلها هادا للله جهد والصبر تقادا ماتعشاتش ...