🔞My Sugar Daddy ♧ الشوقٓـــر خــاصّتّي🔞

♧البارت٧٤♧قلب الرجل لا يقسى وإنما تهلكه الخيبات♧

هل أبكي وجع ... أم أنام  لغد أجمل،
هل أعاتب قلبي ... أم  أبوح لغريب بأنني أتألم!!!

قلبي قلب  اهلكته الخيباات ...
ولا زال ينبض____♡__/\/__

♡♡♡

خليو نجيمة كيف العادة

كان خدام مابيه ماعليه
حتى صونا ليه واحد من رجالو
عينيه خرجو والصعرة ركباتو من جديد بضوز جديدة
ضرب داكشي لي فوق البيرو تشخشخ هز سوارتو خرج كيجري

.
.
.
.

♧تتمة:
.
.
.
.

كانت جالسة ساهية  عاطياها غير لنعاس ولفياق وكل شوي يبدلو ليها السيروم...
تنهدات وعينيها على الشرجم فكل لحضة كيتحل الباب قلبها كيتخطف كتقول غيدخل يكمل عليها ...
ولا خيالو تابعها لا بغات تدخل الحمام كتبقى  تخايل غتخرج وتلقاه مفلطح  كيتسناها وفيديه سلاح ولا موس ولا حتى مطرقة شكون عرف كولشي جربو فيها بققات غير هاديك

وهي فعز تفكيرها ولا نقولو الهلوسات  شوية تحل الباب 
نقزات من بلاصتها  دخلات الفرملية جارة صينية ديال الماكلة
كانت لوقيتة فايتة الضهر عقدات حجبانها قبيلات دخلو ليها لغدا ورداتو ليهوم كيفما حطوه

(زفرات بجهد) يقين: واش مكتفهمووش وا مابغيتوش  مبغيتش ناكل كولوه نتوما ....

الفرملية مدواتش معاها  دخلات  جارة ديك العربةكان فيها اطباق متنوعة وكاس ديال الماء تحنات لتحت مدات يديها لتحت الطبلة
جبدات قريعة صغيرة وابرة كانت حاضياهوم ....

  غير شافتها اش هازة ومنين جبداتها ااخلعة شداتها لصقات مع راس السرير

يقين:  شنو  داكشي؟؟  هيييه انت! اش كتحاولي ديري 

الفرملية مجوباتهاش خشات الابرة فالقرعة وجبدات المحلول بالعبار المطلوب
  ضربات الابرة جوج دالمرات  بصبعها وقربات ليقين .. 

الفرملية : آنسة لاكنتي باغا تخرجي من هنا تهدني معنديش وقت بزاف

يقين  : متقربيش ليا هو لي مصيفط ياك ميلر باغيين تصفيوها ليا وحد ميسيق ليا لخبار

الفرملية تنهدات : طلي من الشرجم تعرفي شكون مصيفتني ...

يقين شيرات ليها بلا عند بالها غتغفلها وضرب ليه الابرة لي اصلا معفاتش اش فيها باينة السم باش تقطع لااخرة ....