🔞My SuGar Daddy🥀 الشوقٓـــر خــاصّتي 🔞
💋بقلمي انا الكاتبة: إيمان Lee Elle 💋
الحياةُ شريط، والذّكرى محتواه،
والماضي صفحة، والحاضر طواه،
والفراق ألمٌ، واللقاءُ دواه
.
.
.
.
.
•تتمة:
.
.
.
.
.
دغيا طرفات وجمعات شعرها شفنجة معنكشة لوات الفوطة وخرجات لقاتو جالس ف طبلة والبيسي قدامو شير ليها تجي لعندو ... لاحت عليها القبية دالبارح و جلسات قدامو ...
ميلر (سد البيسي وفيكسا عينيه فعينيها) : .. مغاديش نطول قوة الأسئلة لا ... ديك الجماعة الخاوية لا ... الفطور كنتجمعو فيه كاع لي فدار كيهبط يفطر .... وسط النهار كلها مشغول يعني الغدا لابغيتيه غيطلعوه لك لهنا ولا وصيهوم يحطوه لك فالصالة بلا متسناي حد ....
يقين : ( حلات فمها وهو كيتهز ويتحط عليها بالاوامر ودوات) بلاتي بلاتي مفهمتش اخويا انت دارك هادي وانا مالي فهادشي ... انا الخير لي دير فيا ديني عند ماما ومريضنا معندو باس فطرو تغداو ولا تعشاو كااااع ....
ميلر( دار يديه فشعرو كيدلك راسو) .... : حاليا ومحدك جالسة هنا بحالك بحال غيرك ... وداك الشارف لي تلاقيتيه قبيلات غتعطيه التيساااع الهضرة متجمعكومش ... هضرتي منعاودهاش ...
يقين: (جمعات يديها وعينيها فيه) مفهمتش واش بنادم معايا فنفس البلاصة اكيد غتجمعنا الهضرة كيفاش نعطيه التيساع شكون هو بعدا ...
ميلر: زفر بجهد ..الواليد ... الواليد هاداك تهنيتي .... ولو لمرة مرة وحدة ديري داكشي لي كنقول بلا متشحفي ملتي على الصبااح ..
يقين :(بتنفيرة) صافي صافي سمعتك ..
ميلر : . حاجة أخرى ... ميلاني بوحدها لي عارفاني معاك والأمر غيبقى هكا حاليا ... يعني انت هنا على ود ماماك فقط
يقين: (هزات حاجب ) مفهمتش !! كيفاش!
ميلر: (ساط بجهد ماعارفش كيفاش يوصلها ليها بلا متفهمها تاني عوجة ) منبغي حد يعرف نوع العلاقة بيناتنا من غير انك هنا باش تتعالج ماماك .... إضافة ان سميتك تبدلات
(جمع الوقفة وجبد ليها ملف بحال ديال سمية حطو قدامها ) من اليوم انتي بهوية جديدة ... حاليا مغتفهميش علاش ولاكن منبعد وغيبان كولشي .... دابا بلا متسولي حيت مغنجاوبش وماشي فصالحنا ....(حط يديه على راسها ) ديري عقلك وخليني معاك زوين ... سيري بدلي وشوية وهبطي تفطري باش ندوزو عند ماماك ومنها تاخدي دواك ...
لبس فيستة ديالو ودار يخرج .
يقين كيف خلاها كيف بقات جالسة مفهماتش لاش لمح ليها ... واش مرضاش بيها قدام عائلتو ولا شنوو . فالاول ماعارفة عليه والو ودابا بحالا كيقوليها نتلاقاو بالتخبية
لهوايش ركبوهااا ..... مشدات فهضرتو غير (حد ميعرف نوع العلاقة) إبتسامة استهزاااء شقات ملامحها هي اصلا براسها ماعارفاش اش من علاقة بيناتهوم وقبل ميخرج دوات
أنت تقرأ
🔞My Sugar Daddy ♧ الشوقٓـــر خــاصّتّي🔞
Ngẫu nhiên⛔⛔القصة ممنوعة من النشر نهائيا ⛔⛔ ⛔تحتوي على مشاهد 🔞🔞قد لاتناسب البعض اللهم إني قد بلغت 🔞 (الرواية بالداريجة المغربية ) يقين واحدة من بزاف ديال البنات لي خانتهوم الحياة خدات منهوم كلشي و لاحتهوم للكلاب ينهشو فيهوم .... البطلة دي...
