ميني بارت
خليو نجيمة آخر القراءة
• لماذا هي دونَ غيرها ؟
لأنّ غيرها لم يكُن هي، وهي لم تكُن كَـ غيرها .
┏━━━━━•ೋ•°°•ೋ•
عند داك صعصع دخل لبيتو داكشي لي خلا فيقين كملو هنا كاع زلعو ورنو سفاه لعلاه ...
فالوقت لي كان هاز الهم ليها ولماماها ومكرهش يعاونها ولو بلقليل
هي كانت مفرقة رجليها لز******امل خدام يديه ويجيبو فيها !!
(هادشي لي عند بالو هو 😒 اودي علا هاد لحساب كون غا داه وجابو بعدا ميبقاش فيها الحال على هاد الملخة لي درتي ليها واكلة لعصى على والووو ))
كان حاس بلي شيحاجة ماشي هي هاديك كذبات عليه والتقرير فيه انها معندهاش واليدين مقطوعة من شجرة باها مات شحال هدا وماماها معندهاش
ميلر: (كيدوي على ماماها) تشششه " غتكون غير شي قحبة بحالها )
طبعا لوراق باش كانت مسجلاها زهرة (كريستين هههه)
فالحالة المدنية كانو مزورين وفاش قلبو موراها لي قدرو يجبدو هي سميت الاب والام هوية مجهولة كيقولو ولداتها ولاحتها
والمستوى الدراسي والعمر وطبعا اي خدمة زاولاتها لحد الآن
جوج حوايج صدمووه عمرها وخدمتها!
اما حتى عائلتها ما هموش لحال تكون مقطوعة من شجرة ....
مرافقة فعمر16لعام شيحاجة مكتصورش ولي زاد معصبو هو انه سولها داك النهار وكانت عندها الفرصة باش تصارحو بالحق هيا ستحمراتو 🐴فضلات تكدب عليه وعينيها فعينيه ...
و نهار قالت ليه الباتول بلي البنت قاصر
متيقهااش حيت جسمها كثلة من الإثارة والانوثتة والبطاقة لي عطاتو كانت حتى هي مزورة فيها 22عام ...صخط بالمعقول
دوز ديك الليلة فبيتو مخرجش ضبابة محومة عليه عاطيها لكماية وشرااب ...
تفكرها كيف كانت ترعد بين يدييه بحالا عمر شي حد قاسها
فحالا هو أول واحد وهو هادشي كان مستحليه
لي ماعارفشوف ميلر هو انه فعلا كان اول واحد يقيسها ....
بالحق ماشي فلحمها وإنما فقلبها ❤
لمساتو ليها كانو كيبعثو معاها قشعريرة اول مرة كتحس بيها ومصداتوش لدرجة انها فكرات تسلمو راسها .....
كانت عارفة ان خدمتها واحد النهار غاتهوي بيها للهاوية بالحق عمرها ضنات انه هو لي غيدفعها ليها بيديه ...
بالنسبة ليه هضرتها لي باقا تحفر فقلبو
[بيعاتك لعجل وخلاتك برد من الثلج ]
هاد جوج دالجمل من فمها خلاوه يولي وحش هايج فديك الليلة وبافعالها وكدوبها خسراتو
يمكن مدوزوووش بزاااف مع بعضياتهوم ولاكن راها خسراتو
{اااه يقين خسرات ميلر}
من هاد الليلة حلف عليها لا بقات تحت سقف ديالو ماباغيش يسول ولا يعرف حتى حاجة
واخا فبالو شلا تساؤولات بالحق مخالات ليه فين يزيد يبغي يعرف عليها حيت داكشي لي عرف كفاه ...
شنو زعما بغيتوه يسولها معامن كانت شكون وفين وعلاش كتبيع راسها ههه تششه يذبحها قبل متجاوبو
حيت عارف جوابها غيقيسو فشي حوايج هو عندو خطر احمر وبالعريض مزال حوايج اهم من الشخص بحد ذاتو
(شيحاجة سميتها العرض لي ديجا مسحات بيه جورين الارض )...
حلف لاكانت شي ذرة مشاعر تجاها الليلة يحرقهوم
و حالف باش يحلفو الرجال انهو يخليها إيمارة فلحمو وعمر بنت المرأة تعتب قلبو ...
جبد بريكة من جيبو وشعلها كيشوف فييديه لي كانو كل ليلة كيعنقها بيهوم وكيباتو مغطيين صدرها كيتحسسو
وفنفس الوقت مغطي عليها البرد مدفيها بيديه ... الصعرة شداتو وجمع القبضة حتى عروقو ورموووو
جر سلة حداه دالاينوكس وجبد الكونطرا وكاع لوراق لي كان ساني معاها
شعل فيهوم العافية ولاحهوم فيها
جغم من قرعتو 🍾وخواها فوق لوراق وزاد شعل العافية ولات السلة كولها مشنشطة العافية زاندة 🔥
مد يديه بجوج👐🏻 حطهوم فوق منها مغمض عينيه واي لحضة جمعاتو معاها ك ذوب ...
جرحاتو لا وحلات ليه الجرح القديم بمواجييعو وبلي ليه ......
عرفتو شنو هيا تكون باقي مطلعطيش .... مقادش تطلع من جراح الماضي لي خلاوك تعيش اسوء لحضات عمرك وتجيك الدقة ....
نفس الدقة لي كتحاول تعالج منها
الولى إلا ماقتلاتك تهرسك وثانية كون متأكد تفنييك ...
هو لي كان متشبت ب المثل الشهير :
Fool me once shame on you
fool me twicee shame on me ...
ميلر بمعنى آخر غسل عليها يديه بمرة ....
و هنا كتكون علاقة ميلر ويقين سلات قبل حتى ما تبدى
♡♡♡♡♡
.
.
.
.
.
.
.
أنت تقرأ
🔞My Sugar Daddy ♧ الشوقٓـــر خــاصّتّي🔞
عشوائي⛔⛔القصة ممنوعة من النشر نهائيا ⛔⛔ ⛔تحتوي على مشاهد 🔞🔞قد لاتناسب البعض اللهم إني قد بلغت 🔞 (الرواية بالداريجة المغربية ) يقين واحدة من بزاف ديال البنات لي خانتهوم الحياة خدات منهوم كلشي و لاحتهوم للكلاب ينهشو فيهوم .... البطلة دي...
