إن الذاكرة والألم توأمان، لا تستطيع قتل الألم دون سحق الذاكرة.
♡♡♡
خليو نجيمة فضلا
عروقوخرجو حل باب الطوارء الدروج كيدير جوج فخطوة
من الطابقة العاشر هود كيجري كيضور وجهو ربما تبان ليه
داز لعند الباتول يمكن تكون تما ملقاهاش وكمل حتى خرج من الكلينيك وهي تبان ليه واقفة عاطياه بالضهر
تبسم بخفة
مع غيتحرك لعندها حتى تسمر بلاصتو مخرج عينيه ......
.
.
.
.
♧ تتمة :
.
.
.
.
سمية كيف سمعات الصونيط فالباب عند بالها بدر لي جا واخا هو مكيصونيش من عند الباب كيعلموهوم بلي داخل كيلقاه محلول
هبطات بداك شبر دتوب لي لابسة تجري فالدروج كلها شوق ليه
مع ضارت بان ليها راجل فآواخر العمر ديالو شارف قصير القامة لابس جلابية شعراوية فالبيج
ملاميحو باهتة هادئة شعرو ولحيتو بيضين وتقول فيه شعرة كحلة
على جبهتو آثار الصلاة وفيديه تسبيح ....
مكيشوفش فالخدم عينيه فالارض ستقبلوه وخدات الخدامة من عندو الباليزة وداتها كيف وصاهوم بدر ....
سمية ملي شافت التسبيح فيديه وجبهتو وبان ليها راجل كبير مركاات وحشموها عضامها
مبغاتش تهبط عندو هكاك دغيات رجعات فحالها للفوق عيات تقلب على شيحاحة مستورة ...
"بما ان الخدم ستقبلوه بديك الطريقة ادا غيكون كيجي لبدر ....
بقات تفكر وتحلل معرفاتوش شكون وحتى بدر مقالش ليها بلي عندو شي حد من غير ريهام اختو ...
تنهدات جبدات كسيوة طويلة بلا يدين لاحت فوق من كتيفاتها شال عطاتهوم والشال لي كديرو فعنقها لاحتو على راسها
واخا شعرها كيبان من الجناب واللور المهم تحتارمو قد باها ... وعاودات هبطات
دخلات الصالة فين لقاتو جالس يالله بغا يشرب حتى وقفات عليه هز راسو فيها ماعرف باش التبلا
سمية: مرحبا بيك عمي ...
السي احمد : الله يرحب بيك ابنتي !
مكملش فيها الشوفة دغيا دور وجهو سمية جلسات مقابلة معاه
سمية: عمي تبغي شيحاجة نقوليهوم يوجدوها ليك
السي احمد : لا ابنتي بغيت غير نرتاح من لعيا ديال الطريق
أنت تقرأ
🔞My Sugar Daddy ♧ الشوقٓـــر خــاصّتّي🔞
Ngẫu nhiên⛔⛔القصة ممنوعة من النشر نهائيا ⛔⛔ ⛔تحتوي على مشاهد 🔞🔞قد لاتناسب البعض اللهم إني قد بلغت 🔞 (الرواية بالداريجة المغربية ) يقين واحدة من بزاف ديال البنات لي خانتهوم الحياة خدات منهوم كلشي و لاحتهوم للكلاب ينهشو فيهوم .... البطلة دي...
