الذاكرة ملعونة، تضعنا أمام جراحاتنا في الوقت الذي تشاء
♡♡♡♡
.
.
وائل جالس يبقشش فتصاور حتى طلعات ليه نوتيفيكاسيون ايميل من عند فولكا ....
قرا السمية عرف تابعة لجاك ضغط عليها وياريتو وضغطش
ثواني حتى طلعو ليه التصاور ديالها وهي عريانة شادين يديهة ورجليها بخرسات دلحديد والدم ناشف فجبهتها ...
خرج عيينه وقلبو طااح للقاااع وزاد كمل ليه الميساج لي قرى
تصفية حسابات ...
غوتت على حر جهدووو
جاااااااااااااااااااااااااك
.
.
.
.
.
♧ تتمة :
.
.
.خليو نجيمة كيف العادة
.
الجو غيم وندى بدا يطيح دوزو وقيت زوين حدا البحر
لعشية تغاشات فعلا صيفط ليها على الدحاج لي جابوه الكارد كلاوه تم وتمو راجعيين مخشية فيه مسندة كتفو ....
مع دخلو لدار سمع تيليفونو كيصوني ...
تمشات هي لجيهت التلفازة شعلاتها وجلسات مكمشة بلاستها ....
هز تيليفونو وبانت ليه نمرة ديال رغد ولي زابيل ديالها وديال شهناز تنهد و قبل ميجاوبها خرج للشرفة ....
بدر: وي رغد اش واقع؟
رغد : وااه على سلامة عيت نصوني ليك فين راك؟؟..... زعما بغيت نقول غنتعشاو كنسناوك
بدر زفر بجهد: متسناونيش غنتعطل تعشيت
وقطع عليها ....
♡♡♡♡
شافت فتيليفونها وكمشات عليه فيديها مفهماتش هاد تعامل البارد ديالو معاها
نورمالمون هاد المرحلة فحياتو خصها تكون أحسن مرحلة كيفما هي بالنسبة ليها تنهدات ...
تعشاو وكل واحد دخل لبيتو
خلات كولشي حتى تفرق ومشات لبيتو دخلات ضرباتها ريحتو
ضورات راسها فيها كل حاحة مرتبة بحالا ماكان فيها حد
هو راه غير صباح خرج منها هو لاخرى
تفكراتها وزعفاات توجهات للسرير نطرات ليه اللحاف ولاحتو للارض توجهاو للبلاكار لخاص بالاثات جبدات واحد آخر فالبيض وفرشاتو بدلات الخديات حتى هوما ولاحتهوم فالسلة ديال التصبين ....
(اودي سبقاتك شهناز وسمعات خل ودنيها دابا تسمعي حتى نتي لي يعجبك )
حيدات البينوار ديالها حطاتو فوق السرير جابت ضورة فبيتو وتلاحت لسرير جرات عليها اللحاف وداتها عينيها بلعيا ديال التحضيرات ....
♡♡♡♡
فهاد لوقيتة الدنيا كانت مقلوبة كولشي كيقلب عليها وائل غير شاف التصاور صيفتهوم لمير
لي بدورو غير طاحو عينيه عليهوم وعلى المساج كحل بلعمى ولي جات قدامو شتتها
أنت تقرأ
🔞My Sugar Daddy ♧ الشوقٓـــر خــاصّتّي🔞
Rastgele⛔⛔القصة ممنوعة من النشر نهائيا ⛔⛔ ⛔تحتوي على مشاهد 🔞🔞قد لاتناسب البعض اللهم إني قد بلغت 🔞 (الرواية بالداريجة المغربية ) يقين واحدة من بزاف ديال البنات لي خانتهوم الحياة خدات منهوم كلشي و لاحتهوم للكلاب ينهشو فيهوم .... البطلة دي...
