🔞My Sugar Daddy ♧ الشوقٓـــر خــاصّتّي🔞

♧البارت١٠٣♧روحي تحتضر ... فلا تلوميني على ما بذر مني بلاا وعي♧

لم تكن ... ولن تكون لي يوما  ...
يكفي أني أحببتك
رغم ان حبي كان بابا من أبواب جهنم 
.. رحبت به ♡
.

.
.
.
.

♧ تتمة:

.
.

.

رغد بحال ديك الدجاجة لمقطوع ليها الراس  بدر وصا عليها الكارد  يديها يجيبها للكلينيك واي حاجة خاصها توصلها ورحالو يتكلفو بيها طبعا هو لي قاد ليها الضوصي ملي كان علمو سي حمد بلي بغات تبدا فشي كلينيك ريتما تبني المصحة ديالها الخاصة ....
 
المدة كولها وهي كتحاول تواصل مع بدر و واالو حتى من اللوطيل مخلاوهاش تفوت الريسيبسون  والسي احمد رجع فيحالاتو عندو مشاكل فخدمتو وبنتو تحججات ليه بلي بدر خرجات ليه شي خدمة مستعجلة برى البلاد يرجع ويمشيو ويزوروه 
واخا السي احمد معجبوش الحال ملي تأجل العرس  ولاكن ملي بنتو مزوجة بالراجل لي ختار ليها  غيمشي هاني من جيهتها ....

تقلبات فبلاستها  مدات يديها لجيهت تيليفونها لقات السبعة ديال الصباح اليوم عندها روبو السيمانة كولها وهي خدامة من عملية لعملية
موسيو مروان مخلاهاش ترتاح ديما مدخلها معاه كمساعدة ... مغتنكرش فالاول معجبهاش الحال ديما هي  من بين بزاف
لاكن الفراغ لي خلا ليها بدر عمراتو بخدمتها ولات هي لي طلبو تدخل معاه كمساعدة ديالو للعمليات غير باش تلف الوقت ...
وملي تجي للفيلا تعطيها للبكا ونواح على  زهرها المكوز  حالها حال المثلة المعروفة " مرات المنحوس ماهي مطلقة ماهي عروس ...."  

تنهدات كتحس براسها ثقيلة... بالخف  لبسات  الكيطمة جمعات شعرها ركبات الكيت وخرجات للجردة تحرك عضامها ....
ساعة بضبط وتمات راجعة كولها تقطر .... مع داخلة سمعات تيليفونها  شافت النمرة وفلبلاصة جوبات ..

رغد: موسيو مروان ... ياك لباس كاينة شي عملية ؟؟؟؟

مروان قهقه : قلبي هاد الساعة لي خاصاه العملية ...

قلبات عينيها منهار حطات رجليها فلكلينيك وهو مرة مرة كيلوح ليها هضرة تميقو ودير بحالا مسمعاتو ...
رغد: سمح ليا اموسيوشوفليك مع شي طبيبة  انا باقة سطاجير ...

مروان: كضحكي عليا الشاهادات لي عندك المخير فيهوم معندو المهم المهم ماشي  هادشي لاش صونيت ليك ... لعشية كاين مأتمر صحفي غيكوننو حاضرين فيه الدكاترة الكبار ومجموعة من المستتمرين ... قلت هادي هي الفرصة فين  ديري المعاؤف على وديت الارض لي ياغة تبني عليها كلينيك ...شنو قلتي ناخد ليك دعوة بسميتك ؟؟؟؟

رغد :  بصح شكون قالها لك !!؟ على مفراسي تأجل؟

مروان: متأجلش ولاكن غيدوزوه بيناتهوم